తెలుగు న్యూస్&వ్యూస్

కోవూరులో పోటీ చేస్తాం, ప్రచారానికి వెళ్తా: కెసిఆర్

2012-02-26T18:35:00.001+05:30

హైదరాబాద్: నెల్లూరు జిల్లా కోవూరు స్థానంలో తమ పార్టీ అభ్యర్థిని పోటీకి దించుతామని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు చెప్పారు. ఒకటి, రెండు రోజుల్లో దీనిపై నిర్ణయం తీసుకుంటామని ఆయన ఆదివారం మీడియా ప్రతినిధుల సమావేశంలో చెప్పారు. ఆంధ్రవాళ్లు తెలంగాణలో పోటీ చేస్తున్నప్పుడు తాము సీమాంధ్రలో ఎందుకు పోటీ చేయకూడదని ఆయన అడిగారు. మూడు పేర్లు పరిశీలనలో ఉన్నాయని, ఒకరి పేరు ఖరారు చేసి బి - ఫారం ఇస్తామని ఆయన చెప్పారు. తాను కోవూరులో ప్రచారానికి కూడా వెళ్తానని ఆయన చెప్పారు.

తెలుగుదేశం పార్టీ అధ్యక్షుడు నారా చంద్రబాబు నాయుడు ఆస్తులు ఎక్కడున్నాయో ఆధారాలతో నిరూపిస్తానని కె. చంద్రశేఖర రావు అన్నారు. చంద్రబాబునాయుడిపై తీవ్రంగా మండిపడ్డారు. తనకు 70 ఎకరాల భూమి ఉందని నిరూపిస్తే ఏ త్యాగానికైనా సిద్ధమేనని ఆయన అన్నారు. వచ్చిన తెలంగాణను అడ్డుకున్నది చంద్రబాబే అని ఆయన అన్నారు. తనకు 24 ఎకరాల భూమి మాత్రమే ఉందని ఆయన అన్నారు. తనను అప్రతిష్టపాలు చేసేందుకు చంద్రబాబు కుట్ర చేస్తున్నారని ఆయన అన్నారు. తనకు 70 ఎకరాలు భూమి ఉందని రుజువు చేయలేకపోతే చంద్రబాబు రాజీనామా చేస్తారా అని ఆయన అడిగారు. బెల్టు షాపుల సృష్టికర్త చంద్రబాబే అని, ఇప్పుడు మద్యం సిండికేట్ల గురించి మాట్లాడడం హాస్యాస్పదమని ఆయన అన్నారు. ఢిల్లీలో సుజనా చౌదరి అతిథి గృహంలో చంద్రబాబు కేంద్ర హోం మంత్రి చిదంబరాన్ని రహస్యంగా కలుసుకున్నారని ఆయన చెప్పారు.

తెలంగాణలో తెలుగుదేశం పార్టీకి డిపాజిట్ దక్కే పరిస్థితి కూడా లేదని ఆయన అన్నారు. తెలుగుదేశం పార్టీ తెలంగాణ నేత దేవేందర్ గౌడ్ బుడ్డర్ ఖాన్ వంటివాడని ఆయన వ్యాఖ్యానించారు. ఉప ఎన్నికల్లో తమ ఓట్లు తగ్గించే కుట్రకు చంద్రబాబు పాల్పడుతున్నారని ఆయన అన్నారు. చంద్రబాబు చరిత్ర, వ్యవహారం తెలంగాణ ప్రజలకు స్పష్టంగా తెలిసిపోయిందని ఆయన అన్నారు. రెండెకరాల ఆసామి భార్య అయిన చంద్రబాబు తల్లి అమ్మన్నమ్మ 50 లక్షల రూపాయలు పెట్టి ఎలా భూమి కొని లోకేష్‌కు ఎలా ఇచ్చిందని ఆయన అడిగారు. ఆమెకు అ డబ్బులు ఎక్కడి నుంచి వచ్చాయి, ఏ బ్యాంకు నుంచి తెచ్చారని ఆయన అడిగారు. తెలంగాణకు ప్రధాన శత్రువు చంద్రబాబేనని ఆయన అన్నారు. చంద్రబాబు భార్య అస్తులు తాను బయపెడతానని ఆయన అన్నారు.

వైయస్ జగన్ అరెస్టు ఖాయం: మరోసారి విహెచ్ ఫైర్

2012-02-26T18:32:00.001+05:30

న్యూఢిల్లీ: వైయస్సార్ కాంగ్రెసు పార్టీ అధ్యక్షుడు వైయస్ జగన్ అరెస్టు కావడం ఖాయమని కాంగ్రెసు సీనియర్ నాయకుడు వి. హనుమంతరావు అన్నారు. జగన్‌పై ఆయన ఆదివారం మీడియా ప్రతినిధుల సమావేశంలో మరోసారి మండిపడ్డారు. సత్యం రామలింగరాజు మాదిరిగా వైయస్ జగన్ తప్పులు ఒప్పుకోవాలని ఆయన డిమాండ్ చేశారు. వేల కోట్ల రూపాయలు ఎలా వచ్చాయో జగన్ చెప్పాలని, నిజాలను జగన్ వెల్లడించాలని ఆయన డిమాండ్ చేశారు. దేశాన్ని దోచుకున్న జగన్ వెంట ఎవరూ నడవవద్దని, జగన్‌తో నడిచేవారికి చివరకు ఏమీ మిగలదని ఆయన అన్నారు. తనతో నడిచివారిని జగన్ జైలు పాలు చేశాడని ఆయన అన్నారు.

జగన్ మాదిరిగానే వైయస్ రాజశేఖర రెడ్డి చేశారని, వైయస్ బాధితుల్లో తాను ఒక్కడినని, మరో బాధితుడు విజయభాస్కర్ రెడ్డి అని ఆయన అన్నారు. జగన్ వెంట నడిచే శాసనసభ్యులు, పార్లమెంటు సభ్యులు అప్రమత్తంగా ఉండాలని ఆయన సూచించారు. జగన్ తెచ్చేది రామరాజ్యం కాదని, రావణ రాజ్యమని ఆయన అన్నారు. జగన్ చరిత్ర ప్రజలకు తెలుసునని, వచ్చే ఎన్నికల్లో దోచుకున్నవారిని ప్రజలు నమ్మబోరని ఆయన అన్నారు.

'గబ్బర్‌ సింగ్'లో టాప్ బాలీవుడ్ హీరోయిన్

2012-02-26T14:19:00.001+05:30

నేను ఎస్యూరెన్స్ ఇస్తున్నాను...గ్యారెంటీగా టాప్ బాలీవుడ్ హీరోయిన్ మా గబ్బర్ సింగ్ లో ఐటం సాంగ్ చేస్తుంది అంటున్నారు నిర్మాత బండ్ల గణేష్. ఆయన తన తాజా చిత్రం గబ్బర్ సింగ్ టీజర్ రెస్పాన్స్ గురించి మీడియాకు చెప్తూ ఈ రకంగా స్పందించారు. అలాగే ట్రైలర్ కి వస్తున్న రెస్పాన్స్ చూస్తుంటే నాకు చాలా ఆనందంగా ఉంది. డైరక్టర్ హరీష్ శంకర్ రాసిన పవర్ ప్యాకెడ్ వన్ లైనర్స్ గ్యారెంటీగా రాకింగ్ గా అందర్ని అలరిస్తాయి. పవన్ ఫెరఫార్మెన్స్ అభిమానులకు ట్రీట్ లా ఉంటుంది అన్నారు. ఐటం సాంగ్ కి చేసే వాళ్ళను ఇప్పటివరకూ ఫైనలైజ్ చేయలేదని,కానీ టాప్ స్టార్ తో చేయిస్తామని భరోసా ఇచ్చారు. ఇక టీజర్ విడుదలైన క్షణం నుంచే పవన్‌కల్యాణ్ అభిమానుల నుంచీ, జనం నుంచీ అనూహ్యమైన స్పందన వచ్చిందని గణేశ్ చెప్పారు. ఈ టీజర్‌లో పవన్‌కల్యాణ్ చెప్పిన 'నాక్కొంచెం తిక్కుంది.. కానీ దానికో లెక్కుంది' అనే డైలాగ్ అదిరిపోయిందంటున్నారు. ఈ సినిమాలో హరీశ్ శంకర్ ఇలాంటి సూపర్ డైలాగ్స్ ఎన్నో రాశారు.

ప్రారంభం నుంచి చివరి దాకా పవన్‌కల్యాణ్ చెప్పే ప్రతి డైలాగ్‌కీ జనం చప్పట్లు కొడతారు. ఆయన కెరీర్‌లో నెంబర్‌వన్‌గా నిలవడమే కాక, కలెక్షన్లలో కొత్త రికార్డులు సృష్టిస్తుంది 'గబ్బర్‌సింగ్'. దేవిశ్రీ ప్రసాద్ సంగీతం ఈ సినిమాకి ఎస్సెట్. మార్చి నెలాఖరుకు షూటింగ్ పూర్తిచేసి, ఏప్రిల్ ఆఖరున లేదా మే తొలివారంలో చిత్రాన్ని విడుదల చేస్తాం'' అని ఆయన తెలిపారు. దర్శకుడు హరీశ్ శంకర్ మాట్లాడుతూ "కచ్చితంగా అన్ని అంచనాల్నీ 'గబ్బర్‌సింగ్' అందుకుంటాడు. హిందీ సినిమాని పవన్‌కల్యాణ్ బాడీ లాంగ్వేజ్‌కీ, మేనరిజానికీ తగ్గట్లుగా మార్పులు చేసి, పూర్తి స్థాయి మాస్ క్యారెక్టరైజేషన్‌తో సినిమాని తీర్చిదిద్దుతున్నాం. ఫైట్లు వైవిధ్యంగా ఉంటాయి'' అన్నారు. శివబాబు బండ్ల సమర్పణలో పరమేశ్వర ఆర్ట్ ప్రొడక్షన్స్ పతాకంపై బండ్ల గణేశ్ ఈ చిత్రాన్ని నిర్మిస్తున్నారు. శృతిహాసన్ హీరోయిన్ గా చేస్తున్న ఈ చిత్రం బాలీవుడ్‌లో సల్మాన్‌ఖాన్ నటించగా ఘన విజయం సాధించిన 'దబాంగ్'కు ఇది రీమేక్.

సినిమా రిలీజ్ రోజు పది ప్రేమ జంటలకు పెళ్లిళ్లు

2012-02-26T14:16:00.000+05:30

న్యాయబద్ధంగా, ధర్మబద్ధంగా ప్రేమించుకున్న పది ప్రేమ జంటలకు మా సినిమా విడుదల రోజున పెళ్ళి చేయాలని నిర్ణయించా. ఆ పది జంటల్లో ఉత్తమ ప్రేమజంటకు బహుమతి కూడా ఇస్తాం అంటున్నారు చరణ్ రాజ్. నటుడు, దర్శకుడు చరణ్‌రాజ్ పది ప్రేమ జంటలకు పెళ్లిళ్లు చేయాలని నిర్ణయించుకున్నారు. తను డైరెక్ట్ చేసిన 'యథార్థ ప్రేమకథ' చిత్రం విడుదల రోజు హైదరాబాద్‌లోని ఆర్యసమాజ్‌లో ఉదయం ఈ పెళ్లిళ్లు చేస్తామని ఆయన ప్రకటించారు. నూతన తారలు అమర్, చిరి జంటగా సి.ఆర్.క్రియేషన్స్ పతాకంపై స్వీయ నిర్మాణంలో ఆయన 'యథార్థ ప్రేమకథ'ను రూపొందించారు. మార్చి ప్రథమార్థంలో ఈ సినిమాని విడుదల చేస్తామని తెలిపారు. ఫిల్మ్ ఛాంబర్ ప్రివ్యూ థియేటర్‌లో ఏర్పాటు చేసిన సమావేశంలో ఆయన మాట్లాడుతూ "కొంత కాలం క్రితం వార్తలకెక్కిన నాగరాజు, అనిత ప్రేమకథలోని యథార్థ సంఘటనల ఆధారంగా ఈ సినిమా రూపొందించా.

అలాగే ఆ సినిమా విడుదల రోజు ఇదే బేనర్‌లో 'జెంటిల్‌మన్ పోలీస్' అనే సినిమాను నేను హీరోగా ప్రారంభించబోతున్నా. ఈ సినిమాని మంత్రాలయంలోని పోలీసులకు అంకితమిస్తాను అని చెప్పారు. ఈ సినిమాకి స్ఫూర్తిగా నిలిచిన నాగరాజు మాట్లాడుతూ తాను రాసిన అనితా ఓ అనితా పాటను ఎంతగా ఆదరించారో, అలాగే 'యథార్థ ప్రేమకథ' చిత్రాన్నీ అంతగా ఆదరిస్తారనే ఆశాభావాన్ని వ్యక్తం చేశారు. ఈ సమావేశంలో హీరో అమర్, ఆర్య సమాజ్ ప్రతినిథి శివాజీ పాల్గొన్నారు. సుత్తివేలు, నళిని, సుమన్‌శెట్టి, రాజు, నర్సింగ్ యాదవ్, శరత్‌చంద్ర, సాయిశంకర్, హర్ష, కీర్తి, ఆర్తీపురి తదితరులు ఇతర పాత్రధారులు. ఈ సినిమాకి సంగీతం: సాయికార్తీక్, కెమెరా: సి.వంశీకృష్ణ, కూర్పు: వి.నాగిరెడ్డి, కథ, స్క్రీన్‌ప్లే, నిర్మాణం, దర్శకత్వ: చరణ్‌రాజ్.ఎస్.వై.

అభిమానిపై చేయి చేసుకున్న బాలకృష్ణ

2012-02-26T11:17:00.001+05:30

నందమూరి హీరో, తెలుగుదేశం పార్టీ నాయకుడు బాలకృష్ణ తన తండ్రి ఎన్టీఆర్ అభిమానిపై చేయి చేసుకోవడం చర్చనీయాంశంగా మారింది. రాజకీయాల్లో క్రియాశీలక పాత్ర వహించడానికి సిద్ధపడుతూ ముఖ్యమంత్రి కావాలని ఆశిస్తున్న బాలకృష్ణ ఈ విధంగా వ్యవహరించడం చాలా మందికి నచ్చలేదు. అయితే, ఆ తర్వాత ఆ అభిమానితో కలిసి ఫొటో దిగి పరిస్థితిని బాలకృష్ణ చల్లబరిచారు. ఖమ్మం జిల్లా భద్రాచలంలోని శ్రీరామచంద్ర స్వామి దర్శనానికి బాలకృష్ణ వచ్చినప్పుడు ఈ సంఘటన చోటు చేసుకుంది.

శ్రీరామరాజ్యం సినిమా విజయాన్ని పురస్కరించుకుని నిర్మాత సాయిబాబా, బాలకృష్ణ పూజలు చేయడానికి భద్రాచలం వచ్చారు. బాలకృష్ణకు అభిమానులు అతి సమీపంగా వచ్చారని, ఆయనను అనుసరించారని, ఆయనతో మాట్లాడడానికి ప్రయత్నించారని, దీంతో బాలకృష్ణ చాలా ఇబ్బంది పడి అసహనానికి గురయ్యారని అంటున్నారు. దాంతో బాలకృష్ణ ఎన్టీఆర్ అభిమానిపై చేయి చేసుకున్నారని చెబుతున్నారు.

అయితే, దెబ్బ తిన్న గుంటుపల్లి రామకృష్ణ ఏమీ బాధపడడం లేదు. తనకు చాలా ఆనందంగా ఉందని, బాలకృష్ణ ఆ తర్వాత తనతో కలిసి ఫొటో దిగారని, దీని ముందు ఆ సంఘటన అంత పెద్దదేమీ కాదని అతను అంటున్నాడు. కొట్టిన తర్వాత సారీ చెప్పి, అభిమాని భుజంపై చేయి వేసి బాలకృష్ణ ఫొటో దిగారు. అభిమానిని కొట్టే ఉద్దేశం బాలకృష్ణకు లేదని ఆయన వెంట ఉన్న తెలుగుదేశం నాయకులు కొడాలి శ్రీనివాస రావు, కోనేరు చిన్ని వంటి నాయకులు అంటున్నారు.

నాగార్జున వైయస్ జగన్ వైపా, కాంగ్రెసు వైపా?

2012-02-26T11:15:00.001+05:30

హైదరాబాద్: హీరో అక్కినేని నాగార్జున కాంగ్రెసు వైపు ఉంటారా, వైయస్ జగన్ వైపు ఉంటారా అనే ఆసక్తికరమైన చర్చ సాగుతోంది. తనకు రాజకీయాలంటే ఇష్టమని నాగార్జున ప్రకటించడంతో ఈ చర్చ ప్రారంభమైంది. అక్కినేని కుటుంబ సభ్యులు ప్రత్యక్ష రాజకీయాల్లో పాల్గొనకపోయినప్పటికీ గత అసెంబ్లీ ఎన్నికల సమయంలో అక్కినేని నాగార్జునతో కాంగ్రెస్‌కు అనుకూలంగా ప్రచారం వైయస్ రాజశేఖర రెడ్డి ప్రచారం చేయించగలిగారు. ప్రభుత్వ అనుకూల ప్రచార ప్రకటనల్లో కనిపించారు. అందుకు అన్నపూర్ణ స్టుడియోలో మల్టీ ప్లెక్స్, షాపింగ్‌కాంప్లెక్సులకు వైఎస్ అనుమతి ఇచ్చారనే ఆరోపణలున్నాయి. దానిపై అప్పట్లో ప్రధా న ప్రతిపక్షమైన టీడీపీ విమర్శలు కురిపించింది.

వైయస్ మరణానంతంరం నాగార్జున వైయస్ జగదన్మోహన్ రెడ్డిని కలిశారు. ముఖ్యమంత్రి పదవికి జగన్ అర్హుడంటూ ఆయన ప్రకటన చేశారు. అయితే, వైయస్ రాజశేఖర రెడ్డి వల్ల ఏర్పడిన అనుబంధంతో నాగార్జున కాంగ్రెసు వైపు ఉండే అవకాశం లేకపోలేదని అంటున్నారు. ఇటీవల ఆయన ముఖ్యమంత్రి కిరణ్ కుమార్ రెడ్డిని కలిశారు. జాతీయ పార్టీ మాత్రమే కాకుండా అధికారంలో ఉన్న పార్టీ కాబట్టి నాగార్జున కాంగ్రెసును ఎంపిక చేసుకోవచ్చునని అంటున్నారు.

వైయస్ రాజశేఖర రెడ్డి తనయుడిగా వైయస్ జగన్‌పై నాగార్జునకు కొంత అనుకూలత ఉన్నట్లు చెబుతున్నారు. అయితే, వైయస్ జగన్ కేసుల్లో ఇరుక్కోవడం నాగార్జునను పునరాలోచనలో పడినట్లు చెబుతున్నారు. వివాదాలకు, సమస్యలకు దూరంగా ఉండే నాగార్జున వైయస్సార్ కాంగ్రెసు వైపు వెళ్లకపోవచ్చునని అంటున్నారు.

ప్రియమణితో మల్లిగాడు

2012-02-26T09:32:00.000+05:30

‘‘కార్తీ తమిళంలో మాత్రమే కాదు.. తెలుగులో కూడా స్టార్ హీరో అయ్యారు. ‘పరుత్తివీరన్’లో గొప్పగా నటించారు. ఇదొక అద్భుతమైన ప్రేమకథ. ఏ నేటివిటీకైనా సూట్ అవుతుంది. తెలుగులో కూడా ఈ చిత్రం విజయం సాధించాలని కోరుకుంటున్నాం’’ అని రాజమౌళి, శ్రీను వైట్ల, బెల్లంకొండ సురేష్, గణేష్‌బాబు అన్నారు. కార్తీ, ప్రియమణి జంటగా తమిళంలో రూపొందిన ‘పరుత్తివీరన్’ చిత్రాన్ని స్టూడియో గ్రీన్ జ్ఞానవేల్ రాజా సమర్పణలో ఆర్. తంగప్రభాకరన్ తెలుగులో ‘మల్లిగాడు’ పేరిట అందిస్తున్నారు.

హైదరాబాద్‌లో జరిగిన ఈ చిత్రం ఆడియో ఆవిష్కరణ వేడుకలో అతిథులుగా పాల్గొన్న అతిథులు పై విధంగా స్పందించారు. ఇంకా ఈ వేడుకలో తమన్, మల్లిడి సత్యనారాయణ, ‘మధుర’ శ్రీధర్ కూడా పాల్గొన్నారు. ఈ సందర్భంగా రచయిత శశాంక్ వెన్నెలకంటి మాట్లాడుతూ -‘‘కొన్ని సినిమాలు చూస్తున్నప్పుడు ఇది సినిమానా? నిజంగా జరుగుతోందా? అనిపిస్తుంది. ఈ సినిమా అలానే ఉంటుంది. ఈ చిత్రంలో తన పాత్రకు గోదావరి యాసలో కేవలం మూడు రోజుల్లో కార్తీ డబ్బింగ్ చెప్పడం అభినందనీయం’ అన్నారు. కార్తీ మాట్లాడుతూ -‘‘ఈ సినిమా నాకు ప్రత్యేకం.

పేమాభిషేకం, మరోచరిత్రలాంటి సినిమా ఈ ‘మల్లిగాడు’. నాకిది మొదటి సినిమా. కానీ ప్రియమణికి ఐదు సినిమాల అనుభవం ఉంది. తన ముందు తేలిపోతానేమో అనుకున్నాను. కానీ మల్లిగాడు పాత్రకు న్యాయం చేయగలిగాను. ప్రియమణి అద్భుతంగా నటించింది. జాతీయ అవార్డ్ కూడా సాధించింది. ఇప్పటివరకు నేను చేసిన సినిమాలకు పూర్తి భిన్నంగా ఉన్న ఈ చిత్రం తెలుగు ప్రేక్షకులను కూడా ఆకట్టుకుంటుందనే నమ్మకం ఉంది’’ అన్నారు. తెలుగు ప్రేక్షకులకు ఈ చిత్రాన్ని అందిస్తున్నందుకు జ్ఞానవేల్‌రాజా, తంగ ప్రభాకరన్ తమ ఆనందం వ్యక్తం చేశారు. రాజమౌళి సీడీని ఆవిష్కరించి శ్రీను వైట్లకు ఇచ్చారు. మధుర ఆడియో ద్వారా ఈ పాటలు విడుదలయ్యాయి.

మ్యూజిక్ స్కూల్‌ను ప్రారంభించనున్న సోనియా అగర్వాల్!!

2012-02-26T09:22:00.000+05:30

7/G బృందావన్ కాలనీ' చిత్రంలో తన నటనతో ప్రత్యేక గుర్తింపు తెచ్చుకున్న హీరోయిన సోనియా అగర్వాల్. ఈ ముద్దుగుమ్మ.. తమిళ దర్శకుడు సెల్వరాఘన్‌ను వివాహం చేసుకుంది. వీరి వివాహం పెటాకులు కావడంతో విడాకులు తీసుకున్నారు.

ఆ తర్వాత వెండి తెరపై రెండో ఇన్నింగ్స్‌ను సోనియా అగర్వాల్ ప్రారంభించింది. ఈ సెకండ్ ఇన్నింగ్స్‌ క్లిక్ కాలేదు. దీంతో ఏం చేయాలో దిక్కుతోచని స్థితిలో ఉన్న సోనియా అగర్వాల్.. తన సోదరుని సహకారంతో మ్యూజిక్ స్కూల్‌ను ఏర్పాటు చేయనుంది.

యువ సంగీత దర్శకుడు యువన్ శంకర్ రాజా వద్ద అసోసియేట్‌గా పని చేస్తున్న సోనియా అగర్వాల్ సోదరుడు సౌరభ్‌తో కలిసి చెన్నైలో ఓ మ్యూజిక్ స్కూల్‌ను ఏర్పాటు చేసే ప్రయత్నంలో బిజీగా ఉంది. ఈ మ్యూజిక్ స్కూల్ ఈనెల 28వ తేదీన ప్రారంభం కానుంది.

2 రోజుల్లో 5 లక్షల హిట్స్‌.. 'గబ్బర్‌సింగ్‌' టీజర్‌ రికార్డ్‌.!

2012-02-26T01:00:00.001+05:30

'నాక్కొంచెం తిక్కుంది.. కానీ దానికో లెక్కుంది' అన్న డైలాగ్‌తో పవర్‌స్టార్‌ పవన్‌కళ్యాణ్‌ పోలీసాఫీసర్‌ గెటప్‌తో వచ్చిన 'గబ్బర్‌సింగ్‌' టీజర్‌కు అద్భుతమైన రెస్పాన్స్‌ వచ్చింది.

ఈ సందర్భంగా పరమేశ్వర ఆర్ట్‌ ప్రొడక్షన్స్‌ అధినేత, అగ్రనిర్మాత బండ్ల గణేష్‌ మాట్లాడుతూ - ''కేవలం రెండు రోజుల్లోనే 'గబ్బర్‌సింగ్‌' టీజర్‌కు 5 లక్షల హిట్స్‌ రావడం పెద్ద రికార్డ్‌. ఇండియాలో ఇంతకుముందు ఏ చిత్రం సాధించని ఈ రికార్డ్‌ మా 'గబ్బర్‌సింగ్‌' పవర్‌స్టార్‌ పవన్‌కళ్యాణ్‌ సాధించడం చాలా హ్యాపీగా వుంది. 'గబ్బర్‌సింగ్‌' సినిమా ముందు ముందు ఎన్నో సరికొత్త రికార్డులు సృష్టించడం ఖాయం'' అన్నారు.

ఈ చిత్రానికి సమర్పణ: శివబాబు బండ్ల, నిర్మాత: బండ్ల గణేష్‌, స్క్రీన్‌ప్లే-మాటలు-దర్శకత్వం: హరీష్‌ శంకర్‌ ఎస్‌.

రాంగోపాల్ వర్మ "రెడ్డిగారు పోయారు"లో హీరోలెవరు..?! విలన్లెవరు..?!!

2012-02-26T01:00:00.000+05:30

"నాకు రాజకీయాల మీద ఎప్పుడూ ఆసక్తి లేదు కానీ, రాజకీయ నాయకుల సైకాలజీని స్టడీ చెయ్యటం పట్ల ఎప్పుడూ విపరీతమైన ఆసక్తి ఉండేది. ఒక చిన్న రాయిని నిలకడగా ఉన్న నీళ్ళలో వేస్తే అది చిన్న చిన్న అలలను సృష్టిస్తుంది, కానీ అదే రాయిని నిలకడగా ఉన్న రాజకీయ నీళ్ళలో వేస్తే ఏకంగా ఒక సునామీనే సృష్టిస్తుంది.

ఈమధ్య కాలంలో కేవలం ఒక్క వ్యక్తి చనిపోవడంతో రాష్ట్ర రాజకీయాల్లో వచ్చిన భీకర ప్రకంపనాలే ఇందుకు నిదర్శనం. ఇటీవల ఆంధ్రపదేశ్ రాష్ట్ర రాజకీయాల్లో చోటుచేసుకున్న కనీవినీ ఎరుగని రాజకీయ పరిణామాలతో పాటుగా, ఆ నేపధ్యంలో జరిగిన అనేక స్కాములు, మీడియా ఛానల్స్ యుద్దాలు నన్ను అత్యంతంగా ప్రభావితం చేశాయి.

నేను వాటన్నింటి ఆధారంగా ఒక కల్పిత కథ ద్వారా వాటి నగ్నత్వాన్ని తెరకెక్కించాలని నిర్ణయించుకున్నాను. స్క్రిప్ట్ దశలో ఉన్న ఈ సినిమాని నా ప్రస్తుత చిత్రం డిపార్ట్‌మెంట్ పూర్తయ్యాక, వచ్చే సంవత్సరంలో ప్రారంభించబోతున్నాను. ఈ సినిమా టైటిల్... “రెడ్డి గారు పోయారు”

ఈ చిత్ర కథలో ఒక మహా నాయకుడు అకస్మాత్తుగా పోవటం మూలంగా ఒక రాజకీయపు ఉనికి పోరాటం మొదలవుతుంది. ఆయనగారి 'వాళ్ళు', ఆయన చావుని తమ ఉనిక్కి పెట్టుబడిగా పెట్టుకోవాలనుకుంటారు. ఆయనగారి 'కాని వాళ్ళు' ఆయన చావుతో తాము ఎదురు చూస్తున్న ఉనికిని సంపాదించాలనుకుంటారు. పదవులు అడ్రస్సులు మార్చుకుంటాయి. అడ్రస్సులు పదవుల్ని వెతుక్కుంటూ వెళతాయి.

అలాగే అడ్రస్సులు కూడా లేని వాళ్ళు పదవుల్లోకి రావటం మొదలు పెడతారు. పదవులు లేని వాళ్ళు అడ్రస్సుల కోసం నమ్మించటం అనే పెట్టుబడులు పెట్టడం మొదలుపెడతారు. 'తన పైన ఎంత తక్కువ మంది ఉన్నారో, తన కింద ఎంత ఎక్కువ మంది ఉన్నారో' అనే వైకుంఠపాళీ ఆడాలనే ఒక దుష్ఠ వ్యసనానికి ఆయన గారు పోవడం ఒక కొత్త ఊపిరినిస్తుంది.

రాజకీయ రంగుల భూకంపాన్ని సృష్టించిన ఆ సంఘటన, ఆ పర్యవసానాలు ఈ కథకి ఇతివృత్తాలు. విప్పలేనన్ని వ్యూహ ప్రతివ్యూహాలను మొత్తంగా విడమరచి నగ్నం చేసే ప్రయత్నమే నా సినిమా "రెడ్డి గారు పోయారు". - రాంగోపాల్ వర్మ

వన్డే కెరీర్‌కు స్వస్తి చెప్పనున్న సచిన్ టెండూల్కర్!?

2012-02-25T21:00:00.001+05:30

మాస్టర్ బ్లాస్టర్ సచిన్ టెండూల్కర్ పరిమిత ఓవర్ల వన్డే ఫార్మాట్ నుంచి తప్పుకోనున్నాడని వార్తలొస్తున్నాయి. అంతర్జాతీయ క్రికెట్ కెరీర్‌లో సుదీర్ఘ ప్రస్థానాన్ని కొనసాగిస్తున్న సచిన్ టెండూల్కర్ రిటైర్మెంట్ ప్రకటించడం మంచిదని కొందరంటుంటే.. మరికొందరు మాస్టర్ ఇలాంటి సలహాలు పాటించాల్సిన అవసరం లేదంటున్నారు.

ఈ నేపథ్యంలో అంతర్జాతీయ క్రికెట్ కెరీర్‌లో ప్రపంచ రికార్డులు సాధించిన సచిన్, ప్రస్తుతం వన్డే ఫార్మాట్‌లో ఆశించిన స్థాయిలో రాణించలేకపోవడంతో త్వరలో సచిన్ తన వన్డే కెరీర్‌కు స్వస్తి చెప్పే అవకాశాలున్నాయని తెలుస్తోంది. ఇటీవల ముగిసిన ఆస్ట్రేలియా టెస్టు సిరీస్‌ భాగంగా ఐదు ఇన్నింగ్స్‌ల్లో ఆడిన సచిన్ 90 పరుగులు మాత్రమే సాధించాడు.

ప్రస్తుతం ముక్కోణపు సిరీస్‌లో భాగంగా ఇకపై జరిగే రెండు వన్డేల్లో భారత్ గెలుపొందాల్సిన పరిస్థితి ఏర్పడింది. ఈ రెండు మ్యాచ్‌ల్లో భారత్ గెలిచినట్లైతే ఈ టోర్నీకి తర్వాత సచిన్ రిటైర్మంట్ ప్రకటించే అవకాశం ఉందని సమాచారం. ఒకవేళ ముక్కోణపు సిరీస్‌లో భారత్ ఓడిపోతే ఢాకాలో జరిగే ఆసియన్ ట్రోఫీకి అనంతరం మాస్టర్ తన వన్డే కెరీర్‌కు స్వస్తి చెప్పే అవకాశం ఉందని తెలిసిందే.

ఏప్రిల్ తర్వాత రాష్ట్రానికి నాలుగో కృష్ణుడుగా కె.జానారెడ్డి?

2012-02-25T21:00:00.000+05:30

ఏప్రిల్ నెల తర్వాత రాష్ట్రంలో కాంగ్రెస్ నాయకత్వ మార్పు జరుగనుందా? అవుననే వార్తలే పెక్కుమంది కాంగ్రెస్ నేతల నుంచి వినొస్తున్నాయి. ఉపఎన్నికల ఫలితాల అనంతరం రాష్ట్ర ముఖ్యమంత్రిని మార్చుతారనే ఊహాగానాలు జోరుగా సాగుతున్నాయి.

మఖ్యంగా, ఉపఎన్నికల ఫలితాలు ఇటు ముఖ్యమంత్రి కిరణ్ కుమార్ రెడ్డికి, ప్రదేశ్ కాంగ్రెస్ కమిటీ అధినేత బొత్స సత్యనారాయణకు కత్తిమీద సాములా మారాయని అంటున్నారు. పైపెచ్చు.. 2014 కంటే ముందు జరుగనున్న స్థానిక సంస్థల ఎన్నికలకు రెఫరెండంగా పేర్కొంటున్నారు.

అలాగే, వైఎస్ఆర్ అభిమాన కాంగ్రెస్ ఎమ్మెల్యపై విప్ ధిక్కరణ కింద అనర్హత వేటు వేస్తే 17 అసెంబ్లీ స్థానాలకు ఉపఎన్నికలు నిర్వహించాల్సి ఉంటుంది. ఇదే జరిగితే మార్చి నెలలో జరిగే ఉపఎన్నికల ఫలితాల ప్రభావం ఆ తర్వాత జరిగే ఉప ఎన్నికలపై పడుతుంది. ఇది స్థానిక సంస్థలతో పాటు.. 2014 ఎన్నికల్లోనూ కొనసాగే అవకాశాలు లేకపోలేదని కాంగ్రెస్ నేతలు అభిప్రాయపడుతున్నారు.

దీనికంతటికీ కారణం ముఖ్యమంత్రి కిరణ్ కుమార్ రెడ్డి అనుసరిస్తున్న ఒంటెద్దు పోకడలేనన్నది ఆయన మంత్రివర్గంలోని సీనియర్ మంత్రులతో పాటు కాంగ్రెస్ పార్టీకి చెందిన నేతలో బాహాటంగా విమర్శిస్తున్నారు. దీనికి తోడు ఒక వ్యక్తికి ఒక మంత్రి పదవి అనే నినాదం కూడా ఇపుడు రాష్ట్రంలో ఊపందుకుంది. దీంతో బొత్స జోడు పదవుల్లో ఒకదానికి కత్తెర పడే అవకాశం ఉంది.

పైపెచ్చు.. ఏ చిన్న తప్పు దొర్లినా కిరణ్ వర్గం, బొత్స వర్గంతో పాటు.. తెలంగాణ ప్రాంతానికి చెందిన అసమ్మతి నేతలు ఒకరిపై ఒకరు విమర్శలు గుప్పించుకుంటున్నారు. అంతటితో ఆగకుండా వారు హస్తినకు క్యూ కట్టి ఫిర్యాదులు చేస్తున్నారు. దీనికి నిదర్శనంగా తెలంగాణకు చెందిన మాజీ మంత్రి రాంరెడ్డి దామోదర్ రెడ్డి ఇటీవల ఢిల్లీ పెద్దలను కలిసి బొత్సపై ఫిర్యాదు చేశారు.

అదేసమయంలో ప్రభుత్వ పరిస్థితిపై పీసీసీ మాజీ చీఫ్ డి.శ్రీనివాస్ పార్టీ అధినేత్రి సోనియా గాంధీకి ఒక రహస్య నివేదిక సమర్పించినట్టు సమాచారం. మరోవైపు.. పీసీసీ చీఫ్ బొత్స కూడా స్వయంగా ఢిల్లీ వెళ్లి పలువురు పెద్దలను కలిశారు. ఇలా... ప్రతి సందర్భంలో బొత్స, కిరణ్‌, అసమ్మతి వాదులు రెచ్చిపోతున్నారు. దీంతో ఎవరిది పైచేయి అయిందన్నదానిపై చర్చలు జోరుగానే సాగుతున్నాయి.

ఈ నేపథ్యంలో ఉపఎన్నికల తర్వాత భారీగా మార్పులు చేస్తామని ఢిల్లీ పెద్దలు చెబుతున్నారంటూ ఓ వర్గానికి చెందిన కాంగ్రెస్ నేతలు ప్రచారం చేస్తున్నారు. ఈ గుసగుసలు నిజమైతే.. ముఖ్యమంత్రి కిరణ్‌ స్థానంలో నాలుగో కృష్ణుడిగా తెలంగాణ ప్రాంతానికి చెందిన సీనియర్ నేత, మంత్రి కందూరి జానారెడ్డి సీఎం అయ్యే అవకాశాలు మెండుగా ఉన్నట్టు సమాచారం.

వీటికి మరింత బలం చేకూర్చోలా ఉప ముఖ్యమంత్రి దామోదర రాజనర్శింహా తాజాగా చేసిన వ్యాఖ్యలను చెప్పుకోవచ్చు. ప్రస్తుతం తెలంగాణలో కె.జానారెడ్డి వంటి బలమైన నేత మరొకరు లేరంటూ కితాబిచ్చారు. ఇకోపైపు.. పీసీసీ అధ్యక్ష పీఠం నుంచి బొత్సను తొలగించి మరో వ్యక్తిని నియమించాలన్న డిమాండ్ లేకపోలేదు. ఇలాంటి పరిణామాల మధ్య ఏప్రిల్ నెలలో రాష్ట్ర కాంగ్రెస్‌లో పెను మార్పులు చోటు చేసుకునే అవకాశాలు లేకపోలేదని ఆ పార్టీ నేతలు వ్యాఖ్యానిస్తుండటం గమనార్హం.

నన్ను ఆదర్శంగా తీసుకోండి, అబ్రహం లింకన్ స్ఫూర్తి: చిరంజీవి

2012-02-25T20:46:00.000+05:30

రాజమండ్రి: యువత తనను ఆదర్శంగా తీసుకోవాలని తిరుపతి శాసనసభ్యుడు, కాంగ్రెసు పార్టీ నేత చిరంజీవి శనివారం అన్నారు. తూర్పు గోదావరి జిల్లాలో ఓ కార్యక్రమంలో పాల్గొనేందుకు ఆయన వచ్చారు. ఈ సందర్భంగా కార్యక్రమంలో ఆయన మాట్లాడారు. అబ్రహం లింకన్ స్ఫూర్తిగా తాను రాజకీయాల్లో ఎదుగుతానని ఆయన అన్నారు. రాజకీయాల్లో దృఢ సంకల్పంతో తాను ముందుకు వెళతానని అన్నారు. ఎన్నో ఏళ్లు కష్టపడి స్టార్ హీరోగా ఎదిగిన తన జీవితాన్ని ఆదర్శంగా తీసుకోవాలని సూచించారు. కాగా చిరంజీవి రాకతో అక్కడ అంతా ఉత్సాహభరితంగా కనిపించింది. అభిమానులు కేరింతలు కొట్టారు.

తన సోదరులు హీరో పవన్ కల్యాణ్, నిర్మాత నాగబాబు తెలుగుదేశం పార్టీకి దగ్గరవుతున్నాడనే వార్తల్లో ఎలాంటి వాస్తవం లేదని చిరంజీవి శుక్రవారం స్పష్టం చేసిన విషయం తెలిసిందే. వారు టిడిపిలోకి వెళ్లరని ఆయన రాజమండ్రిలో చెప్పారు. కాంగ్రెసు పార్టీలో ఎలాంటి గ్రూపు విభేదాలు లేవన్నారు. గ్రూపులు ఉన్నాయనేది కేవలం మీడియా సృష్టి మాత్రమేనన్నారు. కాంగ్రెసులో తాను స్థాపించిన ప్రజారాజ్యం పార్టీని విలీనం చేయడం ద్వారా తనకు మంచి వేదిక దొరికిందన్నారు.

విలీనానంతరం రాజకీయంగా తన బలం మరింత పెరిగిందని అన్నారు. ఉప ఎన్నికల్లో ప్రచారం చేసే అంశంపై తాను ఇంకా ఎలాంటి నిర్ణయం తీసుకోలేదని ఆయన చెప్పారు. పార్టీ ఆదేశాల మేరకే తాను పని చేస్తానని చెప్పారు. ఉప ఎన్నికల్లో ప్రచారం చేయమని పార్టీ ఆదేశిస్తే వెళతానని ఆయన చెప్పారు. ఉప ఎన్నికల్లో తెలంగాణ సెంటిమెంట్ కొంత పని చేస్తుందని ఆయన అభిప్రాయపడ్డారు. ఏ పార్జీ విజయం సాధిస్తుందో చెప్పడానికి తాను జ్యోతిష్యుణ్ణి కాదన్నారు. పార్టీలో తనకు ఎవరితోనూ విభేదాలు లేవన్నారు.

యడ్యూరప్పకు బీజపీ అధిష్టానం షాక్‌

2012-02-25T18:00:00.001+05:30

పార్టీ అధిష్టానానికి పెద్ద తలనొప్పిలా తయారైన కర్నాటక మాజీ సిఎం యడ్యూరప్పను నిరభ్యంతరంగా పార్టీ నుంచి వెళ్లవచ్చని బిజెపి చీఫ్ నితిన్ గడ్కారీ తెగేసి చెప్పారని తెలుస్తోంది. నిన్న బెంగళూరులో జరిగిన చింతన్ బైఠక్ లో యడ్యూరప్పతో ముఖా ముఖి భేటీయైన గడ్కారీ ఆయనకు సూటిగా మనసులో మాటను చెప్పారని పార్టీ వర్గాల్లో ప్రచారం జరుగుతోంది. దీంతో యడ్యూరప్ప షాక్ తిన్నారని సమాచారం.

నిష్కళుంకుడిగా బైటపడితే తప్ప మళ్లీ పదవీ యోగం దక్కదని నితిన్ గడ్కారీ స్పష్టం చేశారని బెంగళూరులో ప్రచారం హోరెత్తుతోంది. మరో వైపు ఈనెల 27 లోగా తనకు ఏదో ఒక కీలక పదవి కట్టబెట్టాలని మాజీ సిఎం పార్టీ హైకమాండ్ కు గడువు విధించారు. అదే రోజున జన్మదినం పేరుతో తన మద్దతుదారులతో యడ్యూరప్ప బలప్రదర్శనకు దిగనున్నారు.

మహేష్ బాబుకు అల్లు అరవింద్ బంపర్ ఆఫర్..?

2012-02-25T18:00:00.000+05:30

సూపర్ స్టార్ మహేష్ బాబు. ప్రస్తుతం టాలీవుడ్ లో నెం.1 స్థానంలో కొనసాగుతున్న హీరో. దూకుడు, బిజినెస్ మేన్ రికార్డు స్థాయి హిట్ కావడం, ఈరెండు సినిమాలు కలిసి కోట్ల రూపాయాల మార్కెట్ చేశాయి. ఈ నేపథ్యంలో మెగా నిర్మాత అల్లు అరవింద్ చూపులు మహేష్ బాబుపై పడ్డాయి. ఫామ్ లో ఉన్న హీరోలు, హీరోయిన్లతో కాంట్రాక్టు కుదుర్చుకుని వరుస సినిమాలు చేసి లాభాలు పొందడంలో ఆరి తేరిన అల్లు అరవింద్ మహేష్ బాబును కూడా వరుస సినిమాల్లో బుక్ చేసుకునేందుకు భారీగా రెమ్యూనరేషన్ ఆఫర్ చేశారని సమాచారం. ఫిల్మ్ నగర్ నుంచి వినిపిస్తున్న వివరాల ప్రకారం ఇటీవల అల్లు అరవింద్ మహేష్ బాబుతో సంప్రదింపులు జరిపారని, మూడు సినిమాలకు కాంట్రాక్టు కుదుర్చుకుందామని ప్రపోజ్ చేశాడని అంటున్నారు.

కథ, డైరెక్టర్లను ఎంచుకునే ఫ్రీడం కూడా మహేష్ బాబుకే ఇస్తూ ఒక్కో సినిమాకు రూ. 15 కోట్లు చెల్లించేందుకు ఆఫర్ చేశాడని, అయితే మహేష్ బాబు మాత్రం ఇప్పటి వరకు ఎలాంటి నిర్ణయం తీసుకోలేదని, ఏ విషయం అనేది త్వరలోనే తేలుతుందని మహేష్ బాబు సన్నిహితుల నుంచి వినిపిస్తున్న సమాచారం.

ప్రస్తుతం మహేష్ బాబు శ్రీకాంత్ అడ్డాల దర్శకత్వంలో ‘సీతమ్మ వాకిట్లో సిరిమల్లె చెట్టు’ చిత్రంలో నటిస్తున్నాడు. ఈ చిత్రాన్ని ప్రముఖ నిర్మాత దిల్ రాజు నిర్మిస్తున్నారు. మహేష్ బాబు సరసన సమంత నటిస్తోంది.

హీటెక్కించిన నాగార్జున స్టేట్‌మెంట్

2012-02-25T15:00:00.001+05:30

తనకు రాజకీయాలు అంటే ఇష్టమని కానీ తాను రాజకీయాలకు సరిపోతాననే నమ్మకం లేదని హీరో నాగార్జున చేసిన వ్యాఖ్యలు అటు రాజకీయవర్గాల్లో ఇటు ఆయన అభిమానుల్లో చర్చకు దారి తీసాయి. నాగార్జున రాజకీయాలు అంటే ఆసక్తి అని చెప్పడంతో బాలకృష్ణ, చిరంజీవి దారిలోనే 2014 ఎన్నికలలోగా రాజకీయ ఆరంగేట్రం చేస్తారా? ఏ పార్టీలో చేరతారు? ఎక్కడి నుండి పోటీ చేస్తారు? అనే అంశంపై చర్చ ఘాటుగా జరుగుతోంది. నాగార్జున రాజకీయాలపై మొదటిసారి మాట్లాడారు. దీంతో అవి చర్చకు దారి తీశాయి. దివంగత ముఖ్యమంత్రి వైయస్ రాజశేఖర రెడ్డి ఉన్నప్పుడు ప్రభుత్వం తరఫున పలు ప్రచార కార్యక్రమాల్లో పాల్గొన్నారు. ఆ తర్వాత కిరణ్ కుమార్ రెడ్డి ముఖ్యమంత్రి అయ్యాక ఆయనను కలిశారు. కాంగ్రెసుతో మంచి సంబంధాలు నెరపుతున్నందు వల్ల ఆయన కాంగ్రెసు పార్టీలో చేరే అవకాశాలు ఉన్నాయని అంటున్నారు.

అయితే నాగార్జున ఆ వ్యాఖ్యలు కేవలం క్యాజువల్‌గానే చేశారని, తనకు రాజకీయాలంటే ఆసక్తి అని చెబుతూనే తాను మాత్రం ప్రత్యక్ష రాజకీయాల్లోకి రానని స్పష్టం చేసిన విషయాన్ని మరికొందరు గుర్తు చేస్తున్నారు. ప్రత్యక్ష రాజకీయాల్లోకి రాకున్నప్పటికీ పరోక్షంగా ఓ పార్టీకి సన్నిహితంగా మసలే అవకాశముందంటున్నారు. గతంలో ఆయన పాల్గొన్న ప్రభుత్వ ప్రచార కార్యక్రమాలు, నేతలతో ఉన్న సంబంధాలను ఉదాహరణగా చూపిస్తున్నారు. ఆయన వ్యాఖ్యలను బట్టి ఆయన ప్రత్యక్ష రాజకీయాల్లోకి వచ్చే అవకాశం మాత్రం కనిపించడం లేదంటున్నారు.

వైఎస్ఆర్‌పై వర్మ సినిమా -‘రెడ్డిగారు పోయారు’

2012-02-25T15:00:00.000+05:30

వివాదాస్పద, ఆసక్తికర అంశాలను సినిమా రూపంలో తెరకెక్కించే దర్శకుడు రామ్ గోపాల్ వర్మ తాజాగా ఇలాంటి కథాంశంతో సినిమా రూపొందించేందుకు సన్నాహాలు చేస్తున్నారు. దివంగత ముఖ్యమంత్రి వైఎస్ రాజశేఖర్ రెడ్డి మరణాన్ని బేస్ చేసుకుని ఈ చిత్రాన్ని రూపొందిస్తున్నారు. మహానేత మరణం తర్వాత రాష్ట్రంలో చోటు చేసుకున్న సంఘటలు, బయట పడ్డ కుంభ కోణాలు, సీఎం కుర్చీ కోసం ప్రాకులాడుతున్న వైనాన్ని ఈ చిత్రంలో చూపించనున్నాడట.

ఈ సినిమా గురించిన వివరాలు వెల్లడిస్తూ శనివారం ప్రెస్ నోట్ విడుదల చేసిన వర్మ...ప్రస్తుతం స్ర్కిప్టును రూపొందించే పనిలో ఉన్నామని, వచ్చే సంవత్సరం ఈ సినిమా షూటింగ్ ప్రారంభిస్తామని తెలిపారు.

శ్రేయ ప్రొడక్షన్ బ్యానర్ పై ఈ చిత్రాన్ని కిరణ్ కుమార్ కోనేరు రూపొందిస్తున్నట్లు తెలుస్తోంది. అయితే ఇది వైఎస్ఆర్ గురించి పాజిటివ్ గా ఉంటుందో...? లేక నెగెటివ్ గా ఉంటుందో..? సినిమా విడుదలైతే గానీ తెలీదు. మరి వర్మ తీయబోయే సినిమాపై ఆయన తనయుడు, వైఎస్ఆర్ కాంగ్రెస్ పార్టీ అధినేత జగన్ స్పందన ఎలా ఉంటుందో? చూడాలి.

రామోజీ రావుకి షాక్: ఫిల్మ్‌సిటీ పిటిషన్ కొట్టివేసిన జెసి

2012-02-25T11:55:00.001+05:30

హైదరాబాద్: రామోజీ ఫిల్మ్ సిటీలో ఉన్న 60.2 ఎకరాలు ప్రభుత్వ మిగులు భూమేనని రంగారెడ్డి జెసి కలెక్టర్ స్పష్టం చేశారు. ఎలక్ట్రానిక్ టోటల్ స్టేషన్ సర్వే నివేదిక ఆధారంగా.. ఈ విషయంలో ఫిల్మ్ సిటీ యాజమాన్యం దాఖలు చేసిన రివిజన్ పిటిషన్‌ను డిస్మిస్ చేశారు. ఇన్నాళ్లూ, తమ స్వాధీనంలో ప్రభుత్వ భూములేవీ లేవని ఫిల్మ్ సిటీ యాజమాన్యం చెబుతూ వస్తుండగా, కాదు 36 ఎకరాల ప్రభుత్వ భూమి ఉందని రెవెన్యూ అధికారులు ఇన్నాళ్లుగా వాదిస్తూ వచ్చారు. దీంతో రంగారెడ్డి జిల్లా జెసి జగన్నాథం ఈ భూములపై ఎలక్ట్రానిక్ టోటల్ స్టేషన్ సర్వేకు ఆదేశించారు. చివరకు.. అక్కడ 36 మాత్రమే కాదు 60.2 ఎకరాల ప్రభుత్వ మిగులు భూములు ఉన్నట్లు సర్వే అధికారులు నిర్ధారించారు. ఈ మేరకు వారు నివేదిక ఇవ్వగా, ఆ నివేదిక మేరకు రంగారెడ్డి జిల్లా జాయింట్ కలెక్టర్ కోర్టులో పెండింగ్‌లో ఉన్న కేసును జెసి శుక్రవారం కొట్టివేశారు. 60 ఎకరాలు ప్రభుత్వ మిగులు భూమేనని సర్వేలో తేలినట్లు అందులో తెలిపింది.

కాగా అంతకుముందు ఇదే విషయమై ఉషాకిరణ్ మూవీస్ లిమిటెడ్ ఎండి రామ్మోహన రావు ఓ ప్రకటన విడుదల చేశారు. రామోజీ ఫిల్మ్ సిటీలో ప్రభుత్వ భూమి అన్నదే లేదని అందులో తెలిపారు. సర్వే నివేదిక తమకు ఇంకా అందలేదని.. ఒకవేళ అది తమ కంపెనీకి వ్యతిరేకంగా ఉంటే చట్ట ప్రకారం సవాలు చేస్తామని తెలిపారు. అనాజ్‌పూర్‌లోని 275,281 సర్వేనంబరర్లలో గల 60.2 ఎకరాల ప్రభుత్వ మిగులు భూమి ఉన్నట్లు వచ్చిన కథనంపై ఆయన వివరణ పంపారు. ఈ భూములపై గతంలోనే మండల రెవెన్యూ అధికారులు రకరకాల సంఖ్యలను పేర్కొంటూ మూడుసార్లు ఉత్తర్వులిచ్చారని తెలిపారు.

2005 డిసెంబర్‌లో వచ్చిన ఉత్తర్వూల్లో 50 ఎకరాల 65 సెంట్లు మిగులు భూమి ఉన్నట్లుగా, 2007 జనవరిలో 106 ఎకరాల 58 సెంట్లు మిగులు భూమి ఉన్నట్లుగా పేర్కొన్నారన్నారు. దీని తర్వాత 2007 జూలైలో 36 ఎకరాల 17 గుంటల ప్రభుత్వ మిగులుభూమి ఉన్నట్లు ఎమ్మార్వో ఉత్తర్వూలిచ్చారని, దీనిపై అభ్యంతరం వ్యక్తం చేస్తూ తమ కంపెనీ జాయింట్ కలెక్టర్ వద్ద రివిజన్ పిటిషన్ దాఖలు చేసిందని చెప్పారు. సర్వే నిర్వహించి, సరిహద్దులు నిర్ధారించాలని తాము ఆ పిటిషన్‌లో కోరామని తెలిపారు.

జగన్ కంపెనీలో పెట్టి మోసపోయా?:మాధవ్ వాంగ్మూలం

2012-02-25T11:54:00.002+05:30

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు వైయస్ జగన్మోహన్ రెడ్డికి చెందిన జగతి కంపెనీలో పెట్టుబడులు పెట్టి మోసపోయినట్లుగా మాధవ్ రామచంద్రన్ సిబిఐ ఎదుట వాంగ్మూలం ఇచ్చినట్లుగా తెలుస్తోంది. తన వద్ద ఉన్న సొమ్మే కాక స్నేహితుడి వద్ద రుణంగా రూ.10 కోట్ల దాకా తీసుకొని జగతిలో పెట్టుబడులు పెట్టినట్లుగా చెప్పారని తెలుస్తోంది. ఆ తర్వాత తన పెట్టుబడిని వెనక్కి ఇవ్వమని కోరినా స్పందించక పోవడంతో తాను మోసపోయానని తెలుసుకున్నట్లుగా చెప్పినట్లు తెలుస్తోంది. దివంగత ముఖ్యమంత్రి వైయస్ రాజశేఖర రెడ్డి గతంలో దుబాయ్ వెళ్లినప్పుడు అక్కడ కలిసిన తనను జగతిలో పెట్టుబడులు పెట్టమని చెప్పినట్లుగా ఆయన వాంగ్మూలంలో ఉన్నదని తెలుస్తోంది.

కాగా ఎ.కె.దండమూడి వ్యక్తిగత హోదాలు రూ.5 కోట్లు పెట్టుబడులు పెట్టారు. హైకోర్టు ఉత్తర్వుల ప్రకారం సిబిఐ నమోదు చేసిన ఎఫ్ఐఆర్ లో వీరిద్దరినీ నిందితుల జాబితాలో చేర్చింది. మాధవ్ రామచంద్రన్ ను 65వ, దండమూడిని 62వ నిందితుడిగా చేర్చారు. దండమూడిని ఇదివరకే సిబిఐ అధికారులు పలుమార్లు విచారించారు. మాధవ్ రామచంద్రన్ బెంగళూరుకు చెందిన ప్రవాస భారతీయుడు. ఆయన దుబాయ్ లో ఉంటున్నారు. జగతిలో ఆయన సుమారు రూ.20 కోట్ల వరకు పెట్టుబడులు పెట్టారు.

పవన్ టిడిపిలోకి వెళ్లరు, 'తెలంగాణ' పని చేస్తుంది: చిరు

2012-02-25T09:00:00.001+05:30

రాజమండ్రి: తన సోదరులు హీరో పవన్ కల్యాణ్, నిర్మాత నాగబాబు తెలుగుదేశం పార్టీకి దగ్గరవుతున్నాడనే వార్తల్లో ఎలాంటి వాస్తవం లేదని తిరుపతి శాసనసభ్యుడు, కాంగ్రెసు పార్టీ నేత చిరంజీవి శుక్రవారం స్పష్టం చేశారు. వారు టిడిపిలోకి వెళ్లరని ఆయన రాజమండ్రిలో చెప్పారు. కాంగ్రెసు పార్టీలో ఎలాంటి గ్రూపు విభేదాలు లేవన్నారు. గ్రూపులు ఉన్నాయనేది కేవలం మీడియా సృష్టి మాత్రమేనన్నారు. కాంగ్రెసులో తాను స్థాపించిన ప్రజారాజ్యం పార్టీని విలీనం చేయడం ద్వారా తనకు మంచి వేదిక దొరికిందన్నారు. విలీనానంతరం రాజకీయంగా తన బలం మరింత పెరిగిందని అన్నారు.

ఉప ఎన్నికల్లో ప్రచారం చేసే అంశంపై తాను ఇంకా ఎలాంటి నిర్ణయం తీసుకోలేదని ఆయన చెప్పారు. పార్టీ ఆదేశాల మేరకే తాను పని చేస్తానని చెప్పారు. ఉప ఎన్నికల్లో ప్రచారం చేయమని పార్టీ ఆదేశిస్తే వెళతానని ఆయన చెప్పారు. ఉప ఎన్నికల్లో తెలంగాణ సెంటిమెంట్ కొంత పని చేస్తుందని ఆయన అభిప్రాయపడ్డారు. ఏ పార్జీ విజయం సాధిస్తుందో చెప్పడానికి తాను జ్యోతిష్యుణ్ణి కాదన్నారు. పార్టీలో తనకు ఎవరితోనూ

ఆళ్లగడ్డలో పడగవిప్పిన ఫ్యాక్షన్ భూతం

2012-02-25T09:00:00.000+05:30

ఆళ్లగడ్డ(కర్నూలు), న్యూస్‌లైన్: ఆళ్లగడ్డ మండలం పెద్దచింతకుంట గ్రామంలో శుక్రవారం రాత్రి వర్గకక్షలకు ముగ్గురు బలయ్యారు. గ్రామంలో కొంతకాలంగా ఉన్న విభేదాలు తీవ్రరూపం దాల్చి హత్యలకు దారితీశాయి. ఈ దాడిలో వైఎస్సార్ కాంగ్రెస్ పార్టీ మండల కన్వీనర్ ఇంజేటి కృష్ణారెడ్డి(50), ఆయన భార్య గోవిందమ్మ(48), ఆయన ప్రధాన అనుచరుడు దుబ్బేగ(45) అక్కడికక్కడే మృతి చెందారు. తీవ్రంగా గాయపడిన కృష్ణారెడ్డి కుమారుడు మల్లికార్జునరెడ్డి, మామ సుబ్బారెడ్డి పరిస్థితి విషమంగా ఉంది. రాత్రి 11 గంటల సమయంలో కృష్ణారెడ్డి ఇంటి గేటును ప్రత్యర్థులు కారుతో ఢీకొట్టి లోపలికి ప్రవేశించి కత్తులతో తెగబడ్డారు. క్షణాల్లో మారణాయుధాలతో దాడి చేసి విచక్షణా రహితంగా నరికి చంపారు. ముగ్గురి మృతదేహాలు ఇంట్లో రక్తపుమడుగులో చెల్లాచెదరుగా పడి ఉన్నాయి. పదిమందికి పైగా ఈ దాడిలో పాల్గొన్నట్లు తెలుస్తోంది. పాత కక్షల నేపథ్యంలోనే ఈ హత్యలు జరిగినట్లు పోలీసులు అనుమానిస్తున్నారు. డీఎస్పీ శ్రీనివాసులు, సీఐ సుధాకర్‌రెడ్డి, టౌన్ ఎస్‌ఐ రమేష్‌బాబు సంఘటన స్థలానికి చేరుకుని పరిస్థితిని సమీక్షిస్తున్నారు. గ్రామంలో పోలీసులు గట్టి బందోబస్తు ఏర్పాటు చేశారు.

హీరో నాని కూడా ‘టి’లో చేరాడండోయ్!

2012-02-25T05:00:00.001+05:30

భీమిలి కబడ్డీ జట్టు, అలా మొదలైంది, పిల్ల జమిందార్ చిత్రాల ద్వారా తనకంటూ ప్రత్యేక గుర్తింపు తెచ్చుకున్న నాని తాజాగా ఈ రోజు ట్విట్టర్లో చేరాడు. ఈ విషయాన్ని దర్శకుడు రాజమౌళి దృవీకరించారు. నానికి వెల్ కం చెప్పారు. ‘కొత్తగా రెక్కలొచ్చేనా..ఫైనల్లీ ఐయామ్ ఇన్ ట్విట్టర్’ అంటూ తొలి ట్వీట్ చేశారు. అదే విధంగా తనకు వెల్ కం చెప్పినా రాజమౌళికి థాంక్స్ చెబుతూ ట్వీట్ చేశాడు. నాని ట్విట్టర్ ఐడి twitter.com/#!/NameisNani

నాని ప్రస్తుతం రాజమౌళి దర్శకత్వంలో ‘ఈగ’ చిత్రంలో నటిస్తున్నాడు. ఈచిత్రంలో నానితో పాటు సమంత, కన్నడ యాక్టర్ సుదీప్ ముఖ్య పాత్రలు పోషిస్తున్నారు. గ్రాఫిక్స్ ప్రధానంగా రాజమౌళి ఈచిత్రాన్ని రూపొందిస్తున్నారు. హీరో నాని ఇందులో మరణించి ఈగగా మారుతాడని సమాచారం. ఈ చిత్రం ఒకేసారి తెలుగు, తమిళంలో విడుదల చేస్తున్నారు.

దీనితో పాటు ‘ఎటో వెళ్లి పోయింది మనసు’ చిత్రంలోనూ నాని హీరోగా నటిస్తున్నాడు. గౌతం మీనన్ దర్శకత్వం వహిస్తున్న ఈచిత్రంలో నాని సరసన సమంత హీరోయిన్ గా నటిస్తోంది. ఇళయరాజ సంగీతం అందిస్తున్నారు.

అవును సర్జరీ చేయించుకున్నా...శృతి హాసన్

2012-02-25T05:00:00.000+05:30

సాధారణంగా ఆర్టిస్టులు తాము చేయించుకున్న సర్జరీలు గురించి మీడియా వద్ద మాట్లాడటానికి ఆసక్తి చూపరు. కానీ శృతికి అటువంటి భయాలేమీ లేవు. ఆమె ముక్కుకు సంభందించిన ఆపరేషన్ చేయించుకుంది. ఆమె బాలీవుడ్ ఎంట్రీ సమయంలో ఆ ఆపరేషన్ జరిగింది. ఆ విషయాన్ని ఆమె చాలా కాలం తర్వాత గుర్తు చేసుకుంటూ...నేను అమెరికా వెళ్లి ముక్క ఆపరేషన్ చేయించుకున్నది నిజమే. అయితే మెడికల్ ప్లాబ్లంలతో చేయించుకున్నా. నాకు బ్రీతింగ్ సమస్య ఉండేది. దాంతో ఆ ఆపరేషన్ అవసరమైంది. ఆ సర్జరీ సమయంలో చాలా భయపడ్డాను. నా గొంతుకు ఏమన్నా ఎఫెక్టు అవుతుందేమేనని...అయితే అది చాలా మైనర్ ఆపరేషన్ అని ధైర్యం చెప్పి వైద్యులు సునాయిసంగా చేసేసారు. ఆ సర్జరీ తర్వాత చాలా హ్యాపీగా నిద్రపోగలుగుతున్నాను. ఇదంతా 2009లో లక్ సినిమా ఒప్పుకోవటానికి ముందు జరుగింది. ఇక ఈ వివరాలన్నిటిని ఆమె బిగ్ సిబిఎస్ లైవ్ షో పోగ్రామ్ లో చెప్తున్నానంది. ఇక ప్రస్తుతం ఆమె పవన్ కళ్యాణ్ సరసన గబ్బర్ సింగ్ చిత్రంలో చేస్తోంది. అలాగే అల్లు అర్జున్ సరసన ఓ చిత్రం కమిటైంది.

ఆండ్రాయిడ్, ఐఫోన్‌ని వాకీటాకీ మాదిరి ఉపయోగించడం ఎలా..?

2012-02-25T00:00:00.001+05:30

ఆండ్రాయిడ్ స్మార్ట్ ఫోన్స్‌ని వాకీటాకీగా ఎలా మార్చుకోవచ్చో తెలుసా? చాలా సింపుల్. 'హె టెల్' అనే అప్లికేషన్‌ని మీ ఆండ్రాయిడ్ మొబైల్ ఫోల్ లేదా ఐపోన్‌లో డౌన్ లోడ్ చేసుకుంటే సరి. దీని సహాయంతో స్నేహితులతో ఏదైనా సమాచారాన్ని అర్జెంటుగా పంచుకోవాలనుకుంటే వాయిస్ మెసేజ్‌లను పంపోచ్చు. అవతలి వైపున ఉన్న మీ స్నేహితుల వద్ద కూడా 'హె టెల్' అనే అప్లికేషన్‌ ఉంటే వారు కూడా మీతో వాకీటాకీలో మాదిరి వాయిస్ మెసేజ్‌లను షేర్ చేసుకోవచ్చు. ఈ అప్లికేషన్‌ని ఫోన్‌లో ఇనిస్టాల్ చేసి రన్ చేసిన తర్వాత ఒక బటన్‌ను ఒత్తి పట్టుకోని మీ వాయిస్ మేసేజ్ ఇవ్వడం, మిత్రుడి ఫోన్ నెంబర్‌ను ముందుగానే సెలక్ట్ చేసుకోవం మాత్రామే మనం చేయాల్సిన పని. ఈ ఆప్లికేషన్ ఆండ్రాయిడ్ మొబైల్ ఫోన్స్‌తో పాటు ఐఫోన్‌లో కూడా పని చేస్తుంది. ఐఫోన్ నుండి ఐఫోన్‌కు మాత్రమే వాయిస్ మెసేజ్‌లను పంపవచ్చు, అందుకోవచ్చు. ఆండ్రాయిడ్ స్మార్ట్ ఫోన్ నుండి మాత్రం ఐఫోన్‌కూ మేసేజ్‌లను పంపే వెసులుబాటు కల్పించారు.

ఫేస్‌బుక్‌ని హ్యాక్ చేసిన యువకుడు.. 8 నెలలు జైలు శిక్ష

2012-02-25T00:00:00.000+05:30

వెబ్‌సైట్‌లో ఉన్న ముఖ్యమైన సమాచారాన్ని తెలివితేటలతో హ్యాక్ చేసే వారే హ్యాకర్లు. ఐతే చాలా మంది హ్యాకర్లని ఎందుకు మీరు ఇలా చేస్తున్నారని ప్రశ్నిస్తే ధ్రిల్లింగ్ కోసమని, మరికొంత మంది ఆ వెబ్‌సైట్‌ని లక్ష్యంగా చేసుకోని హ్యాక్ చేశామని సమాధానాలు ఇచ్చారు. ఇలా అనధికారకంగా ఓ వెబ్‌సైట్ నుండి సమాచారాన్ని దొంగిలించిన ఓ బ్రిటిష్ హ్యాకర్‌ని పోలీసులు అదుపులోకి తీసుకున్నారు. వివరాల్లోకి వెళితే 26 సంవత్సరాల వయసు కలిగిన గ్లెన్ మ్యాన్ఘమ్ గతంలో యాహు కంపెనీ సెక్యూర్ ఏరియాలను హ్యాక్ చేయడంతో పాటు ప్రముఖ సోషల్ నెట్ వర్కింగ్ వెబ్‌సైట్ ఫేస్‌బుక్‌ని హ్యాక్ చేయాలని చూస్తే పోలీసులు అతనిని అదుపులోకి తీసుకోని ఎనిమిది నెలలు జైలు శిక్ష విధించారు. ఈ సందర్బంలో పోలీసులు ముందు లోంగిపోయిన గ్లెన్ ఫేస్‌బుక్ బాహ్య హార్డ్ డ్రైవ్ నుండి విలువైన సమాచారాన్ని చట్ట విరుద్దంగా డౌన్ లోడ్ చేశానని ఒప్పుకున్నాడు. గత రెండు నెలలు నుండి గ్లెన్ హాక్ చేస్తున్న తరుణంలో హ్యాకర్స్ నుండి తప్పించుకునేందుకు గాను ఫేస్‌బుక్ తమయొక్క సమస్యలను పరిష్కరించమని క్రైం డిపార్ట్‌మెంట్‌కి విచారణ కొరకు సుమారు $ 200,000 ఖర్చుచేసింది. అంతేకాకుండా ఫేస్‌బుక్ సంస్దలో పని చేస్తున్న ఉద్యోగి మాదరి ఇంటర్నల్‌గా మెయిన్ సర్వర్స్‌తో తాను ఎలా అనుసంధానం అయ్యాను అనే అన్ని విషయాలను క్లుప్తంగా వివరించాడు. గ్లెన్ తన తల్లి దండ్రులతో కలిసి జీవిస్తూ తన ఇంట్లో ఉన్న పర్సనల్ కంప్యూటర్ ద్వారా ఈ హ్యాకింగ్ చేశానని చివరకు చెప్పడంతో ఆశ్చర్య పోవడం ఎఫ్‌బిఐ వంతు అయింది.

విద్యా బాలన్ లవ్వర్ అరెస్ట్

2012-02-24T20:03:00.003+05:30

విద్యాబాలన్ లవర్ అరెస్టు అయ్యాడు. లవర్ అంటే విద్యా ప్రేమిస్తున్న సిద్ధార్థ రాయ్ కపూర్ కాదు లెండి. ఇతగాడు విద్యాను ప్రేమిస్తున్న అభిమాని. ఎప్పటి నుంచో విద్యా బాలన్ పై మోజు పెంచుకున్న సదరు అజ్ఞాత అభిమాని, డర్జీ పిక్చర్ లో ఆమె అందాలు, అభినయం చూసి ప్రేమించడం మొదలు పెట్టాడు. ఈ క్రమంలో గత కొంత కాలంగా ఆమెను ఫాలో చేస్తూ ఆమె ఉండే ఫ్లాట్ వద్దకు వచ్చి రోజూ ఆమెను చూసే వాడట. ఇటీవల కాస్త ధైర్యం చేసి ఏకంగా ఆమె ఫ్లాట్ లోకి వెళ్లాడు. అయితే ఆ సమయంలో విద్యా ఇంట్లో లేదు. విద్యా సిస్టర్ తలుపు తెరవగానే విద్యా గురించి ఆరా తీశాడు.

విద్యా బాలన్ ఇంట్లో లేనది, బయటకు వెళ్లిందని ఆమె సమాధానం ఇవ్వడంతో...మేనకోడలు, మేనల్లుడుతో బయటకు వెళ్లిందా..? అని అతడు ఎదురు ప్రశ్నించాడట. దీంతో షాక్ అయిన విద్యా బాలన్ సిస్టర్ అతడు రోజు విద్యాను ఫోలో చేస్తున్న విషయాన్ని గ్రహించి సెక్యూరిటీని అలర్ట్ చేసింది. మర్నాడు రోజూ మాదిరి మళ్లీ అతడు విద్యాను ఫాలో అవుతుండటం గమనించి పోలీసుల సహాయంతో అతన్ని అరెస్టు చేశారు

రోజూ 3 కేజీల చికెన్, 40 గుడ్లు తింటున్న రాణా?

2012-02-24T19:58:00.000+05:30

దగ్గుబాటి రాణా త్వరలో సిక్స్ ప్యాక్ బాడీతో కనిపించబోతున్నాడు. ఇందు కోసం ఇప్పటి నుంచే కసరత్తులు ప్రారంభించాడు. 2010 మిస్టర్ ఇండియా పోటీల్లో మెడల్ సాధించిన లక్ష్మణ్ రెడ్డి ట్రైనింగులో రాణా సిక్స్ ప్యాక్ బాడీ బిల్డ్ చేస్తున్నారు. ‘నా ఇష్టం’ సినిమా తర్వాత రాణా క్రిష్ దర్శకత్వంలో ‘కృష్ణ వందే జగద్దురుమ్’ అనే చిత్రంలో నటిస్తున్నాడు. ఈ చిత్రంలో రాణా షర్టు లేకుండా కండలు తిరిగిన బాడీతో కనిపించనున్నాడు.

లక్ష్మణ్ రెడ్డి ఆ రేంజ్ లో కండలు తిరిగిన బాడీ పెంచడానికి రోజూ 3 కిలోల చికెన్, 40 గుడ్లతో పాటు, రెండు మూడే లీటర్ల పాలు తీసుకునే వాడట. ఈ నేపథ్యంలో రాణాకు కూడా అదే విధంగా ట్రైనింగ్ ఇస్తున్నాడని, తన తీసుకున్న డైట్‌నే రాణాతో తినిపిస్తున్నాడని ప్రచారం జరుగుతోంది. రాణా ఏది తింటే మనకెందుకు కానీ....అతని సిక్స్ ప్యాక్ బాడీ మాత్రం అదరిపోతుంది అంటున్నారు అభిమానులు.

రాణా, జెనీలియా కాంబినేషన్ లో రూపొందిన నా ఇష్టం చిత్రం మార్చి 23 విడుదల చేసేందుకు సన్నాహాలు చేస్తున్నారు. బ్రహ్మానందం, హర్షవర్థన్, నాజర్, రఘుబాబు, ఆహుతి ప్రసాద్, ఆలీ, భరత్, ఉత్తేజ్, చిత్రం శ్రీను, గిరి, విజయ్‌సాయి, విష్ణు, ప్రగతి, ప్రియ, భవాని, శ్రావణి, జోగి బ్రదర్స్ తదితరులు నటిస్తున్నారు.

దర్శకురాలిగా మారుతున్న తెలుగు హీరోయిన్

2012-02-24T16:51:00.001+05:30

ప్రముఖ నిర్మాత రామానాయుడు నిర్మించి ముగ్గురు సినిమాలో హీరోయిన్ నటించిన సౌమ్య బొల్లప్రగడ ఆ తర్వాత ఏ సినిమాలోనూ అవకాశం దక్కించుకోలేక పోయింది. ఆమె పర్సనాలిటీ, ఫిజిక్ కూడా హీరోయిన్ వేషాలకు తగిన విధంగా లేక పోవడంతో అమ్మడు ప్రస్తుతం దర్శకత్వం వైపు చూస్తోంది. ఓ ప్రముఖ పత్రికతో ఆమె మాట్లాడుతూ తాను త్వరలో ఓ ద్విబాషా చిత్రానికి దర్శకత్వం వహించబోతున్నానని, ఇంగ్లీష్ మరియు హీందీ బాషల్లో ఈ చిత్రాన్ని రూపొందిస్తున్నామని తెలిపారు.

అంతే కాదు ఈచిత్రాన్ని లడఖ్ ఫిల్మ్ ఫెస్టివల్ కు పంపే యోచనలో కూడా ఉందట. ఈ చిత్రానికి కోన వెంకట్ స్ర్కిప్టు రాస్తుండగా...శరత్ సినిమాటోగ్రాఫర్ గా పని చేస్తున్నారని సౌమ్య చెప్పుకొచ్చింది. డిఫరెంట్ లవ్ స్టోరీగా ఈ చిత్రాన్ని రూపొందిస్తున్నామి, యువతీ యువకుల మధ్య జరిగే ప్రేమను ప్రత్యేక కోణంలో చూపించబోతున్నామని చెప్పుకొచ్చింది. ఈ చిత్రంలో సౌమ్య కూడా ఓ ప్రత్యేక పాత్రలో కనిపించనుందట.

ఉట్టికెగరలేనమ్మ....ఇంకేదో అందుకోవడానికి ప్రయత్నించిందట. హీరోయిన్ గా రాణించలేక పోవడంతో దర్శకత్వం వైపు మొగ్గు చూపుతున్న సౌమ్య మరి ఇందులో రాణిస్తుందో..? లేక ఏదో టైమ్ పాస్, సినీ సెలబ్రిటీ హోదా పొందడానికి ఈ ప్రయోగం చేస్తుందో..? త్వరలోనే తేలనుంది.

ఫస్టాఫ్ ఇష్క్..సెకండాఫ్ కిసుక్కు(రివ్యూ)

2012-02-24T16:49:00.001+05:30

వరస ఫ్లాపుల్లో ఉన్న నితిన్ సినిమా అంటే ప్రత్యేకమైన ఆసక్తి ఏముంటుంది. అంత రిస్క్ చేసి వెళ్లటం ఎందుకు...ఏ టీవిల్లోనో వచ్చినప్పుడు చూద్దాంలే అనుకునే వారికి..నిత్యామీనన్,పిసి శ్రీరామ్ ఇద్దరూ మేమున్నాం..డోంట్ వర్రీ అంటూ ధైర్యం చెప్పి జనాల్ని ధియోటర్ కి లాక్కొచ్చారు. అలాగే తమను నమ్మి వచ్చిన వాళ్లను నిరాశపరచకుండా సినిమాను తమ ప్రతిభతో నిలబెట్టారు. ఫస్టాఫ్ నీట్ లవ్ స్టోరీతోనూ,సెకండాఫ్ ఫన్ మైండ్ గేమ్ తో సేఫ్ గేమ్ ఆడిదర్శకుడు నితిన్ ని ఒడ్డున పడేసాడు. అయితే ఫస్టాఫ్ ఉన్నట్లు సెకండాఫ్ కూడా ఉంటే మరింత ఫెరఫెక్ట్ రొమాంటిక్ కామిడీగా ఉండి మరింత బావుండేది.

ఎప్పుడూ సరదాగా నవ్వుతూ,నవ్విస్తూ తిరిగే రాహుల్(నితిన్)కి ప్లైట్ ప్రయాణంలో ప్రియ(నిత్య మీనన్)పరిచయమవుతుంది. అక్కడనుంచి అనుకోని పరిస్ధితుల్లో ప్లైట్ గోవాలో ల్యాండ్ అయ్యి వీరి పరచయాన్ని ప్రేమగా మార్చేస్తుంది. ఇద్దరూ అలా ప్రేమలో మునిగి తేలుతుండగా ప్రియ అన్న సూర్య(అజయ్)ద్వారా ట్విస్ట్ పడుతుంది. సూర్య గతంలో రాహుల్ అక్క(సింధు మీనన్)ని ప్రేమించమని టార్చర్ పెట్టి.. రాహుల్ చేతిలో దెబ్బ తిని ఉంటాడు. ఆ దెబ్బ మనస్సులో పెట్టుకున్న వీరి ప్రేమ కథను ఏమి మలుపు తిప్పుతాడు..ఎలా రాహుల్, ప్రియలు ఒకటయ్యారు అనేది మిగతా కథ.

ఫస్టాఫ్ మొత్తం ప్రెష్ గా వచ్చే లవ్ సీన్లతో నడిచే ఈ చిత్రం ఇంటర్వెల్ అయ్యిన దగ్గరనుండి ప్రేమ కథ మలుపు తీసుకుంటుంది. అయ్యితే మామూలుగా ప్యూర్ లవ్ స్టోరోలలో కథ ఆ ప్రేమికుల ఇద్దరి మధ్యనే నడుస్తుంది. వారిద్దరి మధ్యన వచ్చే మనస్పర్దలో మరొకటో అడ్డుగా మారి చివరకు వాటిని దాటటంతో ముగుస్తాయి. అయితే దర్శకుడు పూర్తిగా తెలుగు ఆడియన్స్ ని దృష్టిలో పెట్టుకుని కథను తయారుచేసుకున్నట్లున్నాడు. ఇక్కడ మన రెగ్యులర్ స్కీమ్ అయిన హీరోయిన్ ప్యామిలీని మైండ్ గేమ్ తో ఒప్పించి హీరో ఎలా పెళ్లి చేసుకున్నాడు అనే కోణంలోనే కథ నడిపాడు. దాంతో సెకండాఫ్ లో లవ్ ఫీల్ తగ్గి డెప్త్ మిస్సై కేవలం కామిడీతో సీన్స్ నడుస్తూ క్లైమాక్స్ ని చేరుకున్నాయి. అయితే ప్లాంటింగ్ అండ్ పే ఆఫ్ తరహాలో వేసిన సీన్స్ మాత్రం బాగా పండాయి. డైలాగులు కూడా కథనానికి ఊపునిచ్చాయి.

నటీనటుల్లో నితిన్ చాలా కాలం తర్వాత బాగా చేసాడు. అలాగే కాస్త ఒళ్లు చేసి నిండుగా ఉన్నాడు. నిత్యామీనన్ లోపలనుంచి నటన పొంగుకొస్తున్నట్లుగా స్క్రీన్ పై రెచ్చిపోయి చేసేసింది. అలాగే నెగిటివ్ షేడ్స్ ఉన్న పాత్రలో అజయ్ డిఫెరెంట్ గా చేసాడు. ఇక అలీ,త్రాగుబోతు రమేష్,శ్రీనివాస రెడ్డి ఉన్నంతసేపు నవ్వించటానికి ట్రై చేసారు. హీరోయిన్ తండ్రిగా నాగినీడు ఓకే అనిపిస్తాడు. ఇక ఛాయాగ్రహణం గురించి కొత్తగా చెప్పుకునేదేమీలేదు. పిసి శ్రీరామ్ ని ఎంత కాస్ట్ అయినా భరించి ఎందుకు పెట్టుకోవాలనుకుంటారో ఈ సినిమా చూస్తే అర్దమవుతుంది. ఎడిటింగ్ మరింత షార్పుగా చేసి ఉండాల్సింది. సంగీతం లో రెండు పాటలు బాగున్నాయి. రీ రికార్డింగ్ కొన్ని సీన్స్ లో అదరకొట్టింది. దర్శకుడు విషయానికి వస్తే 13బి వంటి హర్రర్ జనర్ సినిమా తీసిన తర్వాత ఇలాంటి మంచి లవ్ ఎంటర్టైనర్ తీస్తారని ఎవ్వరూ ఊహించరు. నిర్మాణ విలువలు ప్రతీ ఫ్రేమ్ లోనూ కనిపిస్తాయి. ఇక దర్శకుడు చివరలో ఎ పిలిమ్ బై..విక్రమ్ కుమార్ అండ్ టీమ్ అని వేసి తన టీమ్ కు కూడా గౌవరం ఇవ్వటం అతనిలోని సంస్కారానికి నిదర్సనం.

ఫైనల్ గా కథ,కథనాలు రొటీన్ గా ఉన్నా ఎంటర్టైన్మెంట్ తో చేసిన ట్రీట్ మెంట్ సినిమాకు నిలబెట్టింది. కేవలం యూత్ కే కాక ఫ్యామీలీలు సైతం ఎంజాయ్ చేసాలా ఉన్న ఈ సినిమా వారికి పడితే మంచి రేంజికి వెళుతుంది. అయితే సినిమా అర్బన్ ఆడియన్స్ ని ఆకట్టుకున్నట్లుగా బి,సి సెంటర్లను రీచ్ అవుతుందా అనేది చూడాలి.

రెండో పెళ్లి వాడని తెలిసినా పెళ్లికి రెడీ అంటోంది

2012-02-24T12:52:00.000+05:30

ఆ మధ్యన జర్నీ హీరోయిన్ అనన్య పెళ్లి విషయంలో మోస పోయిందంటూ వార్తలు వచ్చిన సంగతి తెలిసిందే. కరెక్టుగా వివాహ సమయానికి అతను ఆల్రెడీ మ్యారీడ్ అని,మొదటి భార్యకు విడాకులు ఇచ్చాడని బయిట పడింది. అయినా సరే అతనంటే ప్రేమ అని,అతన్నే పెళ్లి చేసుకుంటానని మీడియాకు తెలియచేసింది అనన్య. ఆమె ఈ విషయమై మీడియాతో మాట్లాడుతూ... ఆంజనేయులే నా భర్త. ఎవరు కాదన్నా ఆయన్నే పెళ్లి చేసుకుంటాను. అతను మొదటి వివాహం గురించి నాకు తెలుసు. మా వివాహ విషయమై మీడియాలో అసత్య ప్రచారం జరుగుతోంది. ఈ రూమర్స్ వల్ల మా మధ్య అనుబంధం పెరుగుతుందే తప్ప మరేమీ కాదు అంది. ఇక తల్లిదండ్రులు వద్దన్నా ఆయన్నే పెళ్లి చేసుకుంటానని చెబుతోంది. ఆంజనేయులుపై తన తండ్రి పెట్టిన కేసును ఉపసంహరించుకునేలా కూడా చేసింది. కేరళకు చెందిన ఈ భామ తమిళంలో నాడోడిగళ్, శీడన్, ఎంగేయుమ్ ఎప్పోదుమ్ తదితర చిత్రాల్లో హీరోయిన్‌గా నటించింది. ఈ బ్యూటీ కేరళకు చెందిన ఆంజనేయులు అనే వ్యాపారవేత్తతో ప్రేమలో పడింది. పెద్దల అనుమతితో ఇటీవల వివాహ నిశ్చితార్థం కూడా జరిగింది. పెళ్లి వేదిక కూడా నిర్ణయం అయింది. ఆ తరువాతే ఆంజనేయులు అసలు బండారం బయటపడింది. అయితే తమ ప్రేమ ముందు అవన్నీ చిన్న విషయాలంటూ అనన్య అనటంతో అంతా తెల్ల మొహం వేస్తున్నారు.

బాబోయ్...జూ ఎన్టీఆర్ రెమ్యూనరేషన్ అంతా?

2012-02-24T12:51:00.001+05:30

యంగ్ టైగర్ జూనియర్ ఎన్టీఆర్ రెమ్యూనరేషన్ ఎంత? అంటే ఇప్పటి వరకు అధికారికంగా ఎక్కడా కూడా లెక్కలు లేవు. అయితే మీడియాలో మాత్రం గత కొంత కాలంగా ఆయన రెమ్యూనరేషన్ రూ. 7 కోట్ల నుంచి 9 కోట్ల మధ్యలో ఉండి ఉండవచ్చనే ఊహాగానాలు వినిపిస్తున్నాయి. అయితే తాజాగా ఫిల్మ్ నగర్ లో జూనియర్ తీసుకునే రెమ్యూనరేషన్ పై మరో పుకారు మొదలైంది. దమ్ము చిత్రం తర్వాత జూనియర్ తన రెమ్యూనరేషన్ ను ఏకంగా రూ. 12 కోట్లకు పెంచాడనే గుసగుసలు వినిపిస్తున్నాయి.

ప్రస్తుతం జూనియర్ ఎన్టీఆర్ దమ్ము చిత్రంలో నటిస్తున్నాడు. కెఎస్ రామారావు క్రియేటివ్ కమర్షియల్ బ్యానర్ పై ఈ చిత్రాన్ని నిర్మిస్తున్నారు. ఈ చిత్రం తర్వాత శ్రీను వైట్ల దర్శకత్వంలో ‘బాద్ షా’ అనే మరో సినిమాలో నటించబోతున్నాడు ఈ హీరో. కెఎస్ రామారావు జూ ఎన్టీఆర్ ను దమ్ము తర్వాత మరో సినిమాలో కూడా బుక్ చేసుకున్నాడని, ఇందు కోసం ఆయనకు రూ. 12 కోట్లు ఆఫర్ చేశారని ప్రచారం జరుగుతోంది. బాద్ షా చిత్రం తర్వాత ఈ సినిమా ప్రారంభం అయ్యే అవకాశం ఉందంటున్నారు. అయితే ఈ ప్రచారంలో నిజమెంతో తేలాల్సి ఉంది. ఒక వేళ ఇదే నిజమైతే జూనియర్ టాలీవుడ్ లో హైయ్యెస్ట్ రెమ్యూనరేషన్ తీసుకునే హీరో అవుతాడు అంటున్నారు ట్రేడ్ విశ్లషకులు.

జూ ఎన్టీఆర్ నటిస్తున్న దమ్ము చిత్రానికి బోయపాటి దర్శకత్వం వహిస్తున్నారు. త్రిష, కార్తీక ఈచిత్రంలో హీరోయిన్లుగా చేస్తున్నారు. ఎన్టీఆర్ ఇందులో డబల్ రోల్ లో కనిపించనున్నారని సమాచారం. ఈ చిత్రం ఇటీవల పొలాచ్చిలో ఓ పాట, కొన్ని యాక్షన్‌ ఘట్టాలతో పాటు కీలకమైన సన్నివేశాలు తెరకెక్కింది. ఈనెల 27 నుంచి హైదరాబాద్‌లో తదుపరి షెడ్యుల్ షూటింగ్ మొదలుపెడతారు. ఇక దమ్ము చిత్రం ఆడియో ఉగాది రోజున విడుదల చేయటానికి సన్నాహాలు చేస్తున్న సంగతి తెలిసిందే.

ఒకే కుటుంబంలో ఏడుగురికి జీవితఖైదు

2012-02-24T09:00:00.001+05:30

తన ఇంటి వద్ద చెత్త వేయొద్దని కోరినందుకు ఓ వ్యక్తిని దారుణంగా హత్యచేసిన ఒకే కుటుంబానికి చెందిన ఏడుగురికి ఢిల్లీ హైకోర్టు గురువారం జీవితఖైదు విధించింది. ఒక్కొక్కరికి రూ.35 వేల చొప్పున జరిమానా కూడా వేసింది. అజయ్‌ ఉత్తర ఢిల్లీలో నివసిస్తున్నారు. అతని ఇంటి ఎదురుగా అనిల్‌, అనార్‌, రాజ్‌ శైలేంద్ర, ఆనంద్‌, ధర్మపాల్‌, అశోక్‌, ఆశా ఉంటున్నారు. తన ఇంటి వద్ద చెత్త వేయడం వల్ల ఇబ్బందిగా ఉంటోందని అలా చేయొద్దని అజయ్‌ 2005 సెప్టెంబరు 3న వారిని వారించాడు. దీంతో వారంతా కత్తులు, ఇనుప రాడ్లతో దాడిచేసి మృతిచెందే వరకు కొట్టారు. అజయ్‌ తలపై అశోక్‌ కత్తితో దాడిచేయగా అతని భార్య ఆశా మళ్లీ మళ్లీ పొడవాలంటూ ప్రోత్సహించింది. దాడిలో అజయ్‌ భార్య మీను, బంధువు విమల కూడా గాయపడ్డారు. ఘటన జరుగుతున్నప్పుడు మేడపై ఉన్న అజయ్‌ కుమారుడు (మైనర్‌) కోర్టులో సాక్ష్యం చెప్పి దాడి చేసిన వారిని గుర్తించాడు. ఘటన సమయంలో తండ్రిని చంపొద్దని తాను అరుస్తూనే ఉన్నానని, అయినా నిందితులు ఉపేక్షించలేదని ఆవేదన వ్యక్తం చేశాడు. సాక్ష్యాన్ని విశ్వసించిన కోర్టు నిందితులకి జీవితఖైదు విధించింది

పనిమనిషికి 15 లక్షల డాలర్ల పరిహారం ఇవ్వాలి

2012-02-24T09:00:00.000+05:30

న్యూయార్క్‌: భారత దౌత్య కార్యాలయంలో కౌన్సెలర్‌గా పనిచేసిన నీనా మల్హోత్రా.. 'వెట్టిచాకిరి' చేయించుకున్నందుకుగాను ఇంట్లో పనిమనిషికి 15 లక్షల డాలర్లు చెల్లించాలంటూ అమెరికా న్యాయమూర్తి సిఫార్సు చేశారు. నీనా మల్హోత్రా తనతో వెట్టిచాకిరి చేయించుకున్నారని, మానసికంగా హింసాంచారని పనిమనిషి శాంతి గురుంగ్‌ ఆరోపించారు. ఆమెకు తగినంత జీతం ఇవ్వకుండా ఎక్కువ గంటలు పనిచేసేలా మల్హోత్రా మూడేళ్ల పాటు ఒత్తిడి చేశారని అమెరికా మెజిస్ట్రేట్‌ న్యాయమూర్తి ఫ్రాంక్‌ మాస్‌ అభిప్రాయపడ్డారు. పనిమనిషి పత్రాలను లాక్కొని, ఎక్కడికీ వెళ్లనీయకుండా చేయటమే కాకుండా కుటుంబంతో ఫోన్‌లో మాట్లాడటానికీ అనుమతించలేదని పేర్కొన్నారు. సరైన ఆహారం పెట్టకపోవటంతో ఆమె మూడేళ్లలోనే సుమారు 30 కిలోల బరువు తగ్గారనీ వివరించారు. మానసికంగా హింసించినందుకు ఆమకు మరో 5 లక్షల డాలర్ల పరిహారం చెల్లించాలనీ సిఫారసు చేశారు. కోర్టు పత్రాల ప్రకారం.. నీనా, ఆమె భర్త జోగేశ్‌ల కోరిక మేరకు శాంతి గురుంగ్‌ అమెరికాకు వచ్చారు. వంట చేయటం, బట్టలుతకటం, ఇంట్లో జరిగే వేడుకలకు సంబంధించిన పనులు చేసినందుకు ఆమెకు నెలకు సుమారు 108 డాలర్ల జీతం ఇచ్చేందుకు అంగీకరించారు.

ప్రభాస్‌ మాట వినకుండా ఇష్టానుసారంగా లారెన్స్!

2012-02-24T06:00:00.001+05:30

యంగ్ రెబల్ స్టార్ ప్రభాస్ హీరోగా రాఘవ లారెన్స్ దర్శకత్వంలో ‘రెబల్’చిత్రం రూపొందుతున్న సంగతి తెలిసిందే. ఈ సినిమా షూటింగ్ ప్రారంభం అయిన చాలా కాలం అయినా ఇప్పటి వరకు పూర్తి కాలేదు. పైగా సినిమా నుంచి చాలా మంది అర్ధాంతరంగా తప్పకున్నారు. అప్పట్లో అనుష్క, ఇటీవల మ్యూజిక్ డైరెక్టర్ తమన్. లారెన్స్ వ్యవహార శైలి వల్లనే ఇలా జరుగుతోందని అంటున్నారు.

ప్రస్తుతం రెబల్ షూటింగ్ క్లైమాక్స్ కు చేరుకుంది. దర్శకుడు రాఘవ లారెన్స్ క్లైమాక్స్ ఫైట్స్‌ను రామ్ లక్ష్మణ్‌తో చేయించాలని నిర్ణయించాడు. అయితే వారు వేరే సినిమాలతో బిజీగా ఉండటంతో ప్రస్తుతానికి అందుబాటులో లేరు. దీంతో దర్శకుడు సినిమా షూటింగును వాయిదా వేశాడు. అయితే దీని వల్ల సినిమా మరింత లేట్ అవుతుందని, వేరే ఫైట్ మాస్టర్స్ ను తీసుకుందామని ప్రభాస్ సలహా ఇచ్చాడట. అయితే లారెన్స్ మాత్రం ప్రభాస్ మాటలను వినకుండా, కనీసం పట్టించుకోకుండా షూటింగ్ వాయిదా వేశాడని తెలుస్తోంది.

అనుష్క విషయంలో, తమన్ విషయంలో లారెన్స్ తేడాగా వ్యవహరించినా ప్రభాస్ మిన్నకున్నాడని, తాజాగా ఫైట్ మాస్టర్స్ విషయంలోనూ అతని తీరు మార్చుకోక పోవడంతో ప్రభాస్ కోపంగా ఉన్నాడని ఫిల్మ్ నగర్ టాక్. అయితే గొడవ పడితే అనవసరంగా సినిమాకు చెడ్డపేరు వస్తుందనే ఆలోచనలో సహనంగా ఉంటున్నాడని సమాచారం.

పవన్ కళ్యాణ్‌కి 'తిక్క..కానీ దానికో లెక్క ఉంది'!

2012-02-24T06:00:00.000+05:30

పవర్ స్టార్ పవన్ కళ్యాణ్ తాజా సిసిమా ‘గబ్బర్ సింగ్’ టీజర్ ఎట్టకేలకు బయటకు విడుదలైంది. ఈ చిత్రంలో పవర్ స్టార్ పవన్ కళ్యాణ్ పోలీస్ గెటప్‌తో ఎనర్జిటిక్‌గా కనిపిస్తుండటంతో ఈ టీజర్‌కు గ్రేట్ రెస్పాన్స్ వస్తోంది. ముఖ్యంగా ఈ టీజర్లో పవన్ చెప్పే ‘ నాకు కొంచెం తిక్క ఉంది...కానీ దానికి ఒక లెక్క ఉంది’ అనే పంచ్ డైలాగ్ కేక అంటూ అభిమానులు ఆనందం వ్యక్తం చేస్తున్నారు. టీజర్‌లోనే సినిమా విజయం కనిపిస్తోందని అంటున్నారు.

‘గబ్బర్ సింగ్’ సినిమాలో పవర్ స్టార్ కొండవీడు పోలీస్ గా కనిపించబోతున్నాడు. వాస్తవానికి ఈ సినిమా హీందీ దబాంగ్ మూవీకి రీమేక్ అయినప్పటికీ....దర్శకుడు హరిష్ శంకర్ ఈ సినిమాను తెలుగు నేటి విటీకి అనుగుణంగా మార్పులు చేర్పులు చేశారు. ఈ చిత్రంలో పవన్ కళ్యాణ్ సరసన శృతి హాసన్ నటిస్తోంది. పవన్ కళ్యాణ్ ఇందులో పవర్ ఫుల్ పోలీస్ ఆఫీసర్ గా నటిస్తున్నాడు. చట్టం చూపిన దారిలో వెళితే నేరస్తులను అదుపులో పెట్టడం చాలా కష్టం. అందుకే గబ్బర్ సింగ్ తనదైన శైలిలో రౌడీలకు రౌడీగా తన తడాఖా చూపిస్తూ ఉంటాడు.

ఈ చిత్రం తర్వాత పవన్ కళ్యాన్ పూరి జగన్నాథ్ దర్శకత్వంలో ‘కెమెరా మెన్ గంగతో రాంబాబు’ చిత్రంలో నటించనున్నాడు. ఇందులో పవన్ కళ్యాణ్ సరసన కాజల్ ను ఎంపిక చేసే ఆలోచనలో ఉన్నట్లు తెలుస్తోంది.

సినీ తారలతో ’నాటా స్టార్ నైట్’

2012-02-24T03:00:00.001+05:30

నార్త్ అమెరికన్ తెలుగు అసోసియేషన్(NATA) ఆధ్వర్యంలో ఫిబ్రవరి 25న స్టార్ నైట్ కార్యక్రమాన్ని ఏర్పాటు చేశారు. ఈ వేడుకకు ముఖ్య అతిథిగా దర్శకుడు ఎస్.వి.కృష్ణారెడ్డి హాజరు కానున్నారు. అందాల తారలు కామ్నా జఠ్మలాని, పూనం కౌర్ , సౌమ్య రాయ్, కల్పనా, పద్మిని డాన్సు లతో కను విందు చేయనున్నారు. హాస్య నటులు , రఘు బాబు , ఉత్తేజ్, శివాజీ రాజా తదితరులు హాస్యపు జల్లులు కురిపించబోతున్నారు. అభినయ కృష్ణ మిమిక్రీ చేస్తారు. శ్రీలేఖ , సింహ గానామృతంతో సందడి చేయనున్నారు. కాలిఫోర్నియా గ్లెండోరాలోని హగ్ పెర్ఫార్మింగ్ ఆర్ట్స్ సెంటర్లో ఈ కార్యక్రమం జరుగనుంది.

ఈ కార్యక్రమమునకు నాట నాట అధ్యక్షుడు ఏ.వి.ఎన్.రెడ్డి, ఇతర ప్రతినిధులు డాక్టర్ ప్రేమ రెడ్డి, డాక్టర్ మల్లా రెడ్డి, డాక్టర్ మోహన్ మల్లం, ధర్మా రెడ్డి, ఝాన్సీ రెడ్డి, రాజేశ్వర్ గంగసాని, డాక్టర్ సంజీవ రెడ్డి టంగుటూరు, మోహన్ రెడ్డి కలాడి, శ్రీనివాస్ గానగొని హాజరు కానున్నారు. మల్లిక్ బండ, అనిల్ ఎర్రబెల్లి, నాగేశ్వర్ అంకమ్మ, డెన్నిస్ విల్సన్ ఆధ్వర్యంలో ఇందుకు సంబంధించిన ఏర్పాట్లు జరుగుతున్నాయి. అదే విధంగా డాక్టర్ ప్రేమ రెడ్డి గారి " Prime Healthcare Services Foundation " ఆధ్వర్యంలో హెల్త్ ఫెయిర్- ఉచిత వైద్య సేవలు అందించే కార్యక్రమాన్ని కూడా ఏర్పాటు చేశారు.

మోపిదేవి జగన్ పార్టీలో చేరడం లేదు: అంబటి రాంబాబు

2012-02-24T03:00:00.000+05:30

గుంటూరు: మద్యం ముడుపులు తీసుకున్నట్లు ఆరోపణలు ఎదుర్కొంటున్న ఎక్సైజ్ శాఖ మంత్రి మోపిదేవి వెంకట రమణ తమ పార్టీలో చేరుతున్నట్లు వస్తున్న వార్తలు అవాస్తవమని వైయస్సార్ కాంగ్రెసు పార్టీ అధికార ప్రతినిధి అంబటి రాంబాబు బుధవారం గుంటూరు జిల్లాలో అన్నారు. మంత్రి మోపిదేవి జగన్ వర్గీయుడని, ఆ కారణంగానే ఎసిబి రిమాండ్ రిపోర్టులో మంత్రి పేరు చేర్చారనేవి కేవలం పుకార్లేనని అన్నారు. ముఖ్యమంత్రి కిరణ్ కుమార్ రెడ్డి, ఆయన సోదరుడికి మద్యం మద్యం ముడుపులు అందలేదనే ఉద్దేశ్యంతోనే మోపిదేవి ఇతర ఎక్సైజ్ శాఖ అధికారులను టార్గెట్ చేసి ఎసిబి దాడులు నిర్వహింప చేస్తున్నారని ఆరోపించారు. సిండికేట్ల భాగోతం సిఎం కేంద్రంగా నడుస్తున్న వ్యవహారమని, ఎసిబి ఎన్నిడూ పరిధి దాటి వ్యవహరించిన దాఖలాలు లేవని అన్నారు. రిమాండ్ రిపోర్టులో నేతలను తొలగించి అధికారులను బలిచేస్తున్నారన్నారు.

మోపిదేవికి ముడుపులు ఇచ్చినట్టు రమణ ఖరాఖండిగా చెబుతున్నప్పటికీ ఆయనను తొలగించే ధైర్యం సిఎం చేయడం లేదని ఇది సిగ్గుచేటన్నారు. ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ జిల్లా విజయనగరంలో దాడులు ఎందుకు నిర్వహించడం లేదని ప్రశ్నించారు. సమాచార హక్కు కమిషనర్ల నియామకంలో సిఎం రాజకీయాలు ప్రదర్శించడం వల్లనే గవర్నర్ ఫైల్ తిప్పి పంపారన్నారు. కమిషనర్ల నియామక ఫైల్ తిరస్కరించడం కాంగ్రెసు, టిడిపిలకు చెంప పెట్టు అన్నారు. వారు కుమ్మక్కయ్యారనేందుకు ఇదే నిదర్సనమన్నారు.

ఏజ్ పెరిగినా క్రేజ్ తగ్గని సల్మాన్

2012-02-24T01:00:00.001+05:30

ఏజ్‌ పెరిగినా.. తనలో ఏమాత్రం క్రేజ్‌ తగ్గలేదని నిరూపించుకున్నాడు బాలీవుడ్ బ్యాడ్‌ బాయ్ సల్మాన్ ఖాన్. వరుస విజయాలతో ఒక వైపు దూసుకుపోతూనే మరోవైపు యాడ్ ఫిల్మ్‌లో కూడా తన సత్తా చాటుతున్నాడు. లేటెస్ట్‌గా ఒక యాడ్‌లో నటించేందుకు గంటకు కోటిరూపాయల రెమ్యూనరేషన్ వసూలు చేస్తున్నాడు సల్లూభాయ్. మొత్తం ఎనిమిది గంటల షూటింగ్‌కు, ఎనిమిది కోట్లు తీసుకొని బాలీవుడ్‌లో తన స్టామినా ఏంటో సల్మాన్ మరోసారి నిరూపించాడు.

వయస్సు 46 సంవత్సరాలు అయితేనేం.. తనలో ఇంకా ఏమాత్రం వన్నె తగ్గలేదని సల్మాన్ నిరూపించుకున్నాడు. యాడ్‌ ఫిల్మ్‌ రెమ్యూనరేషన్‌లో బాలీవుడ్‌ కింగ్‌ ఖాన్ షారూఖ్‌ను సైతం సల్లూ వెనక్కి నెట్టేశాడు. కేవలం ఎనిమిది గంటల యాడ్ షూటింగ్‌ కోసం అక్షరాలా ఎనిమిది కోట్లు తీసుకొని సంచలనం సృష్టించాడు. అయితే మొదట సల్మాన్ చేయాల్సిన ఈ యాడ్ నిజంగా క్రికెటర్ యువరాజ్‌ చేయాల్సింది.

కానీ క్యాన్సర్ ట్రీట్‌ మెంట్‌ తీసుకుంటూ యువరాజ్ అందుబాటులోకి లేకపోవడంతో ఈ గోల్డెన్‌ ఛాన్స్ సల్మాన్‌ను వరించింది. గంటకు కోటి రూపాయలు ఇవ్వాలని సల్మాన్ డిమాండ్ చేసినా, యాడ్ నిర్మాతలు మాత్రం అడిగినంత ఇవ్వడానికే మొగ్గు చూపారు. మొత్తం మీద భారీ రెమ్యూనరేషన్‌ తీసుకొని మరోసారి తన సత్తా ఏంటో సల్మాన్ చాటిచెప్పాడు.

ఎమ్మార్‌ కేసులో జైలుకెళ్లే వారు!

2012-02-24T01:00:00.000+05:30

జైలుకెళ్లేవారు అన్న సిఎం మాటలపై.. ప్రతిపక్షనేత చంద్రబాబు ఆగ్రహం వ్యక్యంచేశారు. బ్లాక్‌మెయిల్‌ చేసేలా సీఎం మాట్లాడుతున్నారని తీవ్ర స్వరంతో అన్నారు. తన హయాంలో ఎలాంటి అవకతవకలు జరగలేదని.. కోర్టులు తీర్పిచ్చాయని గుర్తుచేశారు. ఎమార్‌ అంశంపై సిబిఐ తరపున సొలిసిటర్‌ జనరల్‌ వాదించారని సభ దృష్టి తెచ్చారు. ఐఎంజీ భూముల లీజు వ్యవహరంలో.. హైకోర్టు క్లీన్‌ చిట్‌ ఇచ్చిందని తెలిపారు.

తనపై 35 కేసులను, 45 విచారణ కమిటీలు వేయడమే కాకుండా సుప్రీం కోర్టు వరకు వెళ్లి కాంగ్రెస్‌ వాళ్లు అభాసుపాలయ్యాయని విమర్శించారు. చివరకు తన కుమారుడి చదువుపై అపనిందలు వేశారని ఆరోపించారు. 9 ఏళ్లు సిఎంగా చిన్న తప్పు చేయలేదన్న చంద్రబాబు... సిఎం బాధ్యత లేకుండా మాట్లాడుతున్నారని మండిపడ్డారు.

ఇరాక్‌లోని వివిధ ప్రాంతాల్లో దాడులు : 50 మంది మృతి

2012-02-23T23:00:00.001+05:30

ఇరాక్‌లోని వివిధ ప్రాంతాల్లో గురువారం జరిగిన దాడుల్లో సుమారు 50 మంది వరకు మృత్యువాత పడినట్టు స్థానిక పోలీసులు వెల్లడించారు. ఇరాక్ రాజధాని బాగ్దాద్‌తో పాటు.. పలు ప్రాంతాల్లో షియా తెగ ముస్లింలను లక్ష్యంగా చేసుకుని గురువారం ఉదయం దాడులు జరిగాయి.

ఈ దాడుల్లో ఎక్కువ మంది మృత్యువాత పడ్డారు. అలాగే, ఇరాక్‌లోని మరో పది ప్రాంతాల్లోని భద్రతా పెట్రోలింగ్, ప్రభుత్వ కార్యాలయాలు, రెస్టారెంట్లు, పాఠశాలలను లక్ష్యంగా చేసుకుని మిలిటెంట్లు దాడులకు పాల్పడటంతో మరికొంతమంది చనిపోయారు. ఈ దాడుల్లో గాయపడిన వారిని సమీపంలోని ఆస్పత్రులకు తరలించినట్టు అధికారులు వెల్లడించారు.

అర్జెంటీనాలో ఘోర రైలు ప్రమాదం : 49 మంది దుర్మరణం

2012-02-23T23:00:00.000+05:30

అర్జెంటీనా రాజధాని బ్యూనస్ ఎయిర్స్‌లో ఘోర రైలు ప్రమాదం సంభవించింది. ఈ ప్రమాదంలో 49 మంది మరణించగా, 600 మందికి పైగా గాయపడ్డారు. అర్జెంటీనాలో గడచిన 40 ఏళ్లలో ఇంత ఘోర రైలు ప్రమాదం చోటు చేసుకోవడం ఇదే తొలిసారి.

బ్యూనస్ ఎయిర్స్‌లోని రైల్వే స్టేషన్లో ఉదయం వేళ అత్యంత రద్దీగా ఉన్న సమయంలో వేగంగా వచ్చిన రైలు ఒకటి ఫ్లాట్‌ఫామ్ అంచులను దాటి ప్రయాణికులపైకి దూసుకెళ్లింది. రైలులోని బ్రేకుల వ్యవస్థ విఫలం కావడమే ప్రమాదానికి కారణంగా అధికారులు ఒక ప్రాథమిక అవగాహనకు వచ్చారు.

ప్రమాదం తర్వాత పదుల సంఖ్యలో ప్రయాణికులు గంటల తరబడి రైలులో చిక్కుకున్నారు. వీరిని ఎట్టకేలకు వారిని సురక్షితంగా బయటకు తీశారు. క్షతగాత్రుల్లో చిన్నపిల్లల నుంచి పండు ముదుసలుల వరకు ఉన్నారు. ప్రమాదం పట్ల అర్జెంటీనా ప్రభుత్వం విస్మయం వ్యక్తం చేసింది.

సత్వరమే స్పందించిన అధికారులు క్షతగాత్రులను ఆసుపత్రులకు తరలించి వైద్య సేవలందిస్తున్నట్లు ప్రభుత్వం తెలిపింది. దేశంలో జరుగుతున్న వేడుకలను రెండు రోజుల పాటు రద్దుచేసింది. మృతుల సంఖ్య ఇంకా పెరిగే అవకాశం ఉన్నట్లు తెలుస్తోంది.

రామ్ చరణ్ ‘రచ్చ’ స్టోరీ ఇదేనా...?

2012-02-23T21:38:00.000+05:30

మెగా పవర్ స్టార్ రామ్ చరణ్ తేజ్ హీరోగా సంపత్ నంది దర్శకత్వంలో రచ్చ సినిమా రూపొందుతున్న సంగతి తెలిసిందే. ఈ చిత్రంలో రామ్ చరణ్ సరసన తమన్నా హీరోయిన్ గా నటిస్తోంది. చరణ్ తండ్రిగా తమిళ నటుడు పార్తిబన్ ఫ్లాష్ బ్యాక్‌లో అతిథి పాత్రలో కనిపించనున్నాడు. ఈ చిత్రంలో చెర్రీ మెడికో పాత్రలో నటిస్తున్నాడు. అని పాత్ర పేరు విశ్వం.

ఈ సినిమా స్టోరీపై సినీ పరిశ్రమలో జరుగుతున్న పచారం ప్రకారం....రామ్ చరణ్ తండ్రి పార్తిబన్ అతని ఒక బాధ్యతను అప్పగిస్తాడు. వారి గ్రామంలో ఉండే నీటి సమస్యను తీర్చాలని చెబుతాడు. అయితే ఈ సమస్య సాల్వ్ కావాలంటే...రాజకీయ ఇబ్బందులు, రాజకీయ నాయకుల కుట్రలను ఛేధించాలి. డాన్స్ అకాడమీలో పరిచయం అయిన తమన్నాతో విశ్వం(రామ్ చరణ్) ప్రేమలో పడతాడు. సమస్యను పరిష్కరించే క్రమంలో విశ్వంకు అనేక ఇబ్బందులు ఎదురవుతాయి. మరి విశ్వం వాటిని ఎలా ఎదుర్కొన్నాడు? గ్రామ నీటి సమస్యను ఎలా తీర్చాడు? అనేది సినిమా క్లైమాక్స్ అని అంటున్నారు.

అయితే ఈ స్టోరీ రవితేజ హీరోగా వచ్చిన ‘వీడే’ చిత్ర స్టోరీలా ఉంది, ఇదంతా పుకారే కావచ్చని మరికొందరు అంటున్నారు. మరి సినిమా అసలు స్టోరీ ఇదేనా.? కాదా? అనేది తేలాలంటే మరికొన్ని రోజులు ఆగాల్సిందే.

సంపత్ నంది దర్శకత్వం వహిస్తున్న ఈచిత్రాన్ని మెగా సూపర్ గుడ్ ఫిల్మ్స్ బ్యానర్ పై ఎన్వీ ప్రసాద్, పరాస్ జైన్ నిర్మిస్తున్నారు. మణిశర్మ సంగీతం అందిస్తున్నారు. ఈ చిత్రానికి రచన: పరుచూరి బ్రదర్స్‌, ఛాయాగ్రహణం:సమీర్‌రెడ్డి, కూర్పు: గౌతంరాజు, కళ: ఆనంద్‌సాయి.

మొగున్ని వెతకమని అమ్మతో చెప్పిన కత్రినా..

2012-02-23T21:35:00.001+05:30

బాలీవుడ్ కత్తిలాంటి ఫిగర్ కత్రినా కైఫ్ తరచూ ఏదో సంచలనంతో మీడియాలో హాట్ టాపిక్ గా మారుతూ ఉంటుంది. సల్మాన్ సహాయంతో బాలీవుడ్ లో నిలదొక్కుకున్న ఈ భామ అతనితో ఆ మధ్య హద్దులు దాటి ప్రేమాయణం నెరపిందనే వార్తలు కూడా వినిపించాయి. ఆ తర్వాత ఇద్దరి మధ్య విబేధాలు రావడంతో విడిపోయారు. అనంతరం షాహిద్ కపూర్, రణబీర్ కపూర్ లతో తెరచాటు వ్యవహారాలు నడిపిందనే గుసగుసలు కూడా వినిపించాయి. అందరినీ ఆశ్చర్య పరిచేలా పాత చెలికాడు సల్మాన్ ఖాన్ తో మళ్లీ కలవడం, ఆయనతో కలిసి నటించిన ఘనత కూడా ఆవిడదే.

తాజాగా కత్రినా గురించిన ఓ వార్త మీడియాలో చర్చనీయాంశం అయింది. అందరినీ కాదని కత్రినా అరేంజ్డ్ మ్యారేజ్ పై మొగ్గు చూపుతోందట. తనకు ఈడు జోడు అయిన మగాన్ని వెతకమని, పెళ్లి చేసుకోవడానికి సిద్దంగా ఉన్నానని అమ్మతో చెప్పిందట. కత్రినా సన్నిహితులు ప్రముఖ పత్రికతో మాట్లాడుతూ ఈ విషయాన్ని వెల్లడించినట్లు ప్రచారం జరుగుతోంది.

కత్రినా ప్రస్తుతం సల్మాన్ ఖాన్ తో కలిసి ఏక్ థా టైగర్ చిత్రంలో నటిస్తోంది. దీంతో పాటు యష్ రాజ్ చోప్రా నిర్మిస్తున్న సినిమాలోనూ అవకాశం దక్కించుకుంది. ధూమ్2 సీక్వెల్ ధూమ్3లోనూ కత్రినా ఎంపికైంది.

అబద్దాలకోరంటూ హీరోయిన్ పై స్టార్ డైరక్టర్

2012-02-23T19:00:00.001+05:30

ఆమె అబద్దాలాడుతోంది..అస్సలు ఆమెను నేను కలవనే లేదు...అలాంటిది ఆమెను నా సినిమాలో తీసుకున్నానా..అంతా అబద్దం అంటూ అసిన్ పై మీడియా వద్ద మండిపడ్డాడు బాలీవుడ్ స్టార్ డైరక్టర్ రోహిత్ శెట్టి. తను త్వరలో షారూఖ్ ఖాన్ తో చేయబోయే చిత్రం చెన్నై ఎక్సప్రెస్ లో అసిన్ ని తీసుకోలేదని చెప్పుకొచ్చాడు. రీసెంట్ గా అసిన్ ఓ ఇంటర్వూలో తాను షారూఖ్ సరసన చెన్నై ఎక్సప్రెస్ చిత్రంలో చేస్తున్నానని చెప్పుకొచ్చింది. దానిపై ప్రతిస్పందనగా రోహిత్ శెట్టి ఇలా చెప్పుకొచ్చాడు.

అంతేగాక తాను ఇప్పుడు బోల్ బచ్చన్ బోల్ చిత్రం షూటింగ్ లో బిజీగా ఉన్నానని అన్నాడు. తను హీరోయిన్ గా కత్రినాకైఫ్ ని,దీపికా పదుకోనిని తీసుకునే ఆలోచనలో ఉన్నట్లు తెలిపాడు. ఇక ఈ స్టేట్మెంట్ తో అసిన్ పరిస్ధితి అయోమయంలో పడింది. తన మేనేజర్ చెప్పిన మాటలుతో ఆమె పొరపాటున ఇలా నోరు జారింది. ఇప్పుడు దాన్ని అవహేళనగా రోహిత్ శెట్టి మాట్లాడాడు. గతంలో రోహిత్ శెట్టి సినిమాకు ఆమెను హీరోయిన్ గా అడిగాడు. అయ్యితే ఆమె డేట్స్ ఇవ్వలేనని నిక్కచ్చిగా చెప్పింది. అది మనస్సులో పెట్టుకునే ఇలా రోహిత్ శెట్టి తీవ్రంగా ఫైర్ అయ్యి ఆమె ను అవమానించాడని అంటున్నారు.

'మిస్టర్ నోకియా'కు నోకియా కంపెనీ ట్విస్ట్

2012-02-23T19:00:00.000+05:30

మంచు మనోజ్ తాజా చిత్రం "మిస్టర్ నోకియా"త్వరలో విడుదల కానున్న సంగతి తెలిసిందే. ఈ నేపధ్యంలో ఈ చిత్రానికి టైటిల్ సమస్య వచ్చిందని సమాచారం. నోకియా కంపెనీ వారు అబ్జెక్షన్ చెప్పటంతో టైటిల్ ని ఛేంజి చేసారని తెలుస్తోంది. ఇప్పుడా టైటిల్ ని మిస్టర్ నూకయ్య గా మార్చారని చెప్తున్నారు. ఇక నో కాప్షన్..ఓన్లీ యాక్షన్ టైటిల్ తో రెడీ అవుతున్న ఈ చిత్రంలో సనాఖాన్,కీర్తి ఖర్బందా హీరోయిన్స్ గా చేస్తున్నారు. ఈ చిత్రంలో మనోజ్ ఓ దొంగగా కనిపించనించనున్నాడు. సెల్ ఫోన్ లు మాత్రమే దొంగతనం చేసే అతన్ని మిస్టర్ నోకియా అని పిలుస్తూంటారు. అలా అనుకోకుండా చేసిన దొంగతనంతో హీరోయిన్ పరిచయం అవుతుంది. ఆమె సెల్ పోన్ దొంగతనం చేసిన తర్వాత ఆమెకు ఎట్రాక్ట్ అయ్యి ఆమెపై ప్రేమను పెంచుకుంటాడు. మరో ప్రక్క అతను విలన్ సెల్ ను కూడా దొంగతనం చేస్తాడు. అక్కడ నుంచి అతని జీవితం రకరకాల మలుపులు తిరుగుతుంది. అంటే ఒక సెల్ ఫోన్ అతని జీవితంలో ఆనందాన్ని తెస్తే. మరో సెల్ ఫోన్ అతని జీవితంలో ట్విస్ట్ లు తెస్తుంది.

ఇప్పటికే యవన్ శంకర్ రాజా అందించిన ఆడియో విడుదలై మంచి క్రేజ్ తెచ్చుకుంది. పిల్ల జమీందార్ నిర్మాత డిఎస్ రావు ఈ చిత్రాన్ని భారీ నిర్మాణ విలువలతో నిర్మించారు. యాక్షన్ అండ్ కామెడీ ఎంటర్‌టైనర్‌గా రూపొందుతున్న ఈచిత్రానికి అని కన్నెగాని దర్శకత్వం వహిస్తున్నారు. మంచు మనోజ్ సినీ కెరీర్లోనే ఈ సినిమా అతిపెద్ద రిలీజ్‌గా నిలవబోతోంది. 400లకు పైగా థియేటర్లలో ఈ చిత్రాన్ని విడుదల చేసేందుకు సన్నాహాలు చేస్తున్నారు. ఇప్పటికే ‘మిస్టర్ నోకియా’ చిత్రం షూటింగ్ పార్టు పూర్తయింది. ప్రస్తుతం పోస్టు ప్రొడక్షన్ వర్క్ జరుపుకుంటోంది. ఈ చిత్రానికి మాటలు: పరుచూరి బ్రదర్స్, సినిమాటోగ్రఫీ బి. రాజశేఖర్, నిర్మాత: డిఎస్ రావు, కథ, స్క్రీన్ ప్లే, దర్శకత్వం: ఆని కన్నెగాని.

వేరే హీరోతో రజనీ 'బాషా' సీక్వెల్

2012-02-23T17:32:00.001+05:30

ఈ భాషా ఒక్కసారి చెపితే వంద సార్లు చెప్పినట్లు...అంటూ రజనీకాంత్ చెప్పే డైలాగుని మరిచిపోవటం కష్టమే. రజనీకాంత్ సూపర్ హిట్ భాషా లో ఇలాంటి కేక పుట్టించే డైలాగులు,సీన్స్ చాలా ఉన్నాయి. దాంతో ఈ చిత్రానికి సీక్వెల్ చేస్తే ఎలా ఉంటుందనే ఆలోచన దర్శకుడు సురేష్ కృష్ణ కి కలిగిందీ. దాంతో ఆయన స్క్రిప్టు రెడీ చేసుకున్నాడు. అయితే తమిళంలో దాన్ని రజనీతో చేయటం లేదు. కన్నడంలో ప్లాన్ చేస్తున్నాడు. కన్నడ సూపర్ స్టార్ సుదీప్ హీరోగా ఈ చిత్రాన్ని రూపొందిస్తున్నాడు.

అప్పట్లో బాషా చిత్రాన్ని కన్నడంలో అప్పటి సూపర్ స్టార్ లేటు విష్ణు వర్ధన్ చేసారు. ఇప్పుడు రాజమౌళి ఈగలో చేస్తున్న సుదీప్ కి ఆ అవకాశం వరించింది. ఇక ఇక్కడ సూపర్ హిట్ అయ్యితే రజనీకాంత్ చేసే అవకాశం ఉందని తెలుస్తోంది. ఇక ఆ మధ్య బాషా చిత్రాన్ని తమిళంలో రీ రిలీజ్ చేస్తే మళ్లీ అదిరిపోయే కలెక్షన్స్ వచ్చాయి. దాంతో ఆ ఆలోచన పుట్టినట్లు దర్శకుడు చెప్తున్నారు. త్వరలోనే ఈ ప్రాజెక్టు పట్టాలెక్కేటట్లు ఉంది.

సైప్ అలీఖాన్‌ అరెస్టు వెనక అసలు వాస్తవం..?

2012-02-23T17:30:00.001+05:30

బాలీవుడ్ స్టార్, కరీనా కపూర్ ప్రియుడు సైఫ్ అలీఖాన్ బుధవారం అరెస్టు కావడం, అనంతరం బెయిల్‌పై విడుదలైన సంగతి తెలిసిందే. భారత సంతతికి చెందిన సౌతాఫ్రికన్ ఇక్భాల్ మీర్ శర్మపై దాడి చేసిన కేసులో ఐపిసి 325 సెక్షన్ ప్రకారం కేసు నమోదు చేసిన పోలీసులు అతన్ని అరెస్టు చేశారు.

ఇక్భాల్ శర్మ కథనం ప్రకారం ....తాజ్ హోటల్ లో ఇక్బాల్ మీర్ శర్మ తన ఫ్యామిలితో కలసి మంగళవారం రాత్రి డిన్నర్‌కు వచ్చారు. వారి పక్కటేబుల్ లోనే సైఫ్ అలీఖాన్ మరియు అతని ప్రియురాలు కరీనాకపూర్, ఆమె అక్క కరిష్మా, అమృతా అరోరా, ఆమె భర్త షకీల్ లడక్, మలైకా అరోరాఖాన్, ప్రొడ్యూసర్ బిలాల్ అమ్రోహి, మరికొందరు స్నేహితులు కూర్చునిన ఉన్నారు. వార పార్టీ మూడ్‌లో గోలగోల చేస్తుండటంతో ఇక్బాల్ వారిని వారించాడు. గోల చేయకుండా పార్టీ చేసుకోవాలని సూచించాడు. దీంతో కోపం పెంచుకున్న సైఫ్ అలాంటప్పుడు ఇక్కడికెందుకు వచ్చారు లైబ్రరీకి వెళ్లాలని సూచించాడు. ఈ క్రమంలో ఇద్దరి మధ్య వాదన మొదలైంది. సైప్ అతన్ని ఇడియట్ అని దూషించడంతో పాటు ముఖంపై పంచ్ ఇచ్చాడు. శర్మ మామను కూడా తోసేశాడు. దీంతో అక్కడి నుంచి తన ఫ్యామిలీతో వెళ్లి పోయిన శర్మ హాస్పటల్ కి వెళ్లి చికిత్స చేయించుకుని ఫోలీసులకు ఫిర్యాదు చేశారు.

సైప్ కథనం ప్రకారం....
ముందు వారే నాపై దాడి చేశారు. మా బృందంలోని ఆడవారిని అసభ్య పదజాలంతో దూషించారు. హోటల్ లోని సిసిటివి రికార్డులను పరిశీలించినా, హోటల్ సిబ్బందిని అడిగినా ఈ విషయం తేలుతుంది. న్యాయం నా వైపునే ఉంది. చట్టానికి లోబడి పోలీస్ స్టేషన్ కు వచ్చి వివరణ ఇచ్చి బెయిల్ తీసుకున్నాను అంటూ చెప్పారు.

తెరాసలోకి నాగం వస్తారు, బిజెపిపై నో కామెంట్: కెసిఆర్

2012-02-23T12:00:00.001+05:30

హైదరాబాద్: తెలంగాణ నగారా సమితి చైర్మన్, నాగర్ కర్నూల్ మాజీ ఎమ్మెల్యే నాగం జనార్ధన్ రెడ్డి త్వరలో తెలంగాణ రాష్ట్ర సమితి తీర్థం పుచ్చుకుంటారని ఆ పార్టీ అధినేత కల్వకుంట్ల చంద్రశేఖర రావు బుధవారం అన్నారు. నాగం జనార్ధన్ రెడ్డితో పాటు హరీశ్వర్ రెడ్డి కూడా పార్టీలో చేరనున్నారని తెలిపారు. నాగం నాగర్ కర్నూల్ నియోజకవర్గం నుండి స్వతంత్ర అభ్యర్థిగా పోటీ చేస్తున్న విషయం తెలిసిందే. టిఆర్ఎస్ అభ్యర్థుల మాదిరిగానే నాగం గెలుపు కోసం కూడా పార్టీ నేతలు గట్టిగా కృషి చేయాలని పిలుపునిచ్చారు. ఆయన తెలంగాణ భవనంలో సాయంత్రం పోలిట్ బ్యూరో, శాసనసభా పక్షం, రాష్ట్ర కార్యవర్గ ఉద్యమ కమిటీ సంయుక్త సమావేశంలో మాట్లాడారు.

అసెంబ్లీ సమావేశాల కంటే మనకు ఉప ఎన్నికలే ముఖ్యమని, అయినా అసెంబ్లీకి పోయి చేసేది ఏముందని, ఎలాగూ సభ నుంచి సస్పెండ్ చేస్తారు కదా అని అన్నట్లుగా తెలుస్తోంది. ఎమ్మెల్యేలంతా ఉప ఎన్నికలు జరిగే నియోజకవర్గాలకు వెళ్లి ప్రచారంలో పాల్గొనాలని సూచించినట్లుగా తెలుస్తోంది. ఉప ఎన్నికలు జరుగుతున్న అసెంబ్లీ స్థానాల్లో నిర్వహించిన సర్వే ఫలితాలను ఈ సందర్భంగా పార్టీ నేతలకు కెసిఆర్ వివరించారు. స్టేషన్ ఘన్‌పూర్‌లో టిడిపి అభ్యర్థికి డిపాజిట్ వచ్చే పరిస్థితి ఉందని, అక్కడా ఆ అభ్యర్థికి డిపాజిట్ రాకుండా చేయాలని అన్నట్లుగా సమాచారం. అన్ని స్థానాల్లోనూ భారీ మెజారిటీతో గెలుపొందటానికి ప్రతి ఒక్క కార్యకర్త కష్టపడేలా చూడాలన్నారు. మహబూబ్‌నగర్‌పై రగడ నేపథ్యంలో బిజెపిపై పార్టీ

కార్తిని చూసి చాలా నేర్చుకోవాలి: రాజమౌళి

2012-02-23T12:00:00.000+05:30

అన్నదమ్ములిద్దరూ చాలా కష్టపడతారు. అటు తమిళంలోనూ ఇటు తెలుగులోనూ తమకంటూ ఒక ఇమేజ్ ఏర్పడుచుకున్నారు. వాళ్లని చూసి మనం చాలా నేర్చుకోవాలి అన్నారు రాజమౌళి. ప్రముఖ దర్సకుడు రాజమౌళి చేతుల మీదుగా కార్తి నటించిన మల్లిగాడు చిత్రం ఆడియో విడుదల అయ్యింది. తమిళంలో కార్తీ,ప్రియమణి కాంబినేషన్ లో రూపొందిన పరుత్తి వీరన్ చిత్రంని తెలుగులో మల్లిగాడు టైటిల్ తో డబ్బింగ్ చేస్తున్నారు. మార్చి ఎనిమిదిన విడుదల కానున్న ఈ చిత్రం ఆడియో నిన్న సాయింత్రం రాజ్ దక్కన్ హోటల్ లో మధురా ఆడియో ద్వారా విడుదలైంది. ఈ పంక్షన్ కి శ్రీనువైట్ల,రాజమౌళి ముఖ్య అతిధులుగా విచేచ్సారు.

ఇక హీరో కార్తీ మాట్లాడుతూ...ఇన్ని రోజులూ నాకు నా మొదటి సినిమా తెలుగులో విడుదల కాలేదనే వెలితిగా ఉండేది. ఇది మొత్తానికి తీరిపోయింది. ఈ రోజు కోసం నేను చాలా ఎక్సైట్మెంట్ గా ఎదురుచూస్తున్నాను. సినిమాలు చాలా వస్తాయి కానీ, ప్రేమాభిషేకం,మరోచరిత్ర వంటి చిత్రాలు అప్పుడప్పుడు వస్తాయి. అలాంటిదే ఈ మల్లిగాడు సినిమా. ఇలాంటి సబ్డెక్ట్ నా మొదటి సినిమాకే రావటం నా అదృష్టం. అమీర్ చాలా అద్బుతంగా తీసాడు. ఈ సినిమా ద్వారా ప్రియమణికి నేషనల్ అవార్డ్ వచ్చింది. ఈ చిత్రాన్ని గత నా చిత్రాలు లాగానే తెలుగు ప్రేక్షకులు ఆదరిస్తారని భావిస్తున్నాను అన్నారు.

ఆరేళ్ల తర్వాత హిట్ చూశా: సిద్ధార్థ

2012-02-23T09:02:00.001+05:30

సుమారు ఆరేళ్ల తర్వాత తను నటించగా ఏకగ్రీవంగా హిట్ టాక్ వచ్చిన సినిమా 'లవ్ ఫెయిల్యూర్' అని హీరో సిద్ధార్థ్ అన్నారు. మంగళవారం సాయంత్రం ఫిల్మ్‌నగర్ కల్చరల్ సెంటర్‌లో జరిగిన ఆ సినిమా సక్సెస్ మీట్‌లో ఆయన మాట్లాడారు. "చాలా మంచి సినిమా అని అందరూ అంటున్నారు. ఇంతదాకా బాలాజీ వంటి క్లారిటీ ఉన్న డైరెక్టర్‌తో నేను పనిచేయలేదు. బాగుంటే కొత్త తరహా సినిమా ఆదరిస్తామని తెలుగు ప్రేక్షకులు నిరూపించారు. ఈ సినిమాకి మరో హీరో తమన్. మంచి బాణీలిచ్చాడు. పార్వతి పాత్ర చెయ్యడం సులువు కాదు. అమల గొప్పగా చేసింది. నిర్మాత బెల్లంకొండ సురేశ్ సహకారం మరచిపోలేనిది. ఇది చిన్న సినిమాగా విడుదలై పెద్ద విజయం సాధించడంలో నా మిత్రుడు, ఎగ్జిక్యూటివ్ ప్రొడ్యూసర్ చక్రవర్తి రామచంద్ర భాగస్వామ్యం ఎంతో ఉంది. నా తదుపరి చిత్రానికి అతనే నిర్మాత'' అని ఆయన అన్నారు.

దర్శకుడు బాలాజీ మోహన్ మాట్లాడుతూ - "రెండు భాషల్లోనూ ఇంత మంచి రెస్పాన్స్ ఊహించలేదు. మంచి సబ్జెక్టునీ, కొత్త ఆలోచనల్నీ జనం ఆదరిస్తారని రుజువైంది'' అన్నారు. చిత్ర సమర్పకుడు బెల్లంకొండ సురేశ్ మాట్లాడుతూ "హైదరాబాద్‌లో మొదటి వారం 15 థియేటర్లలో ఆడుతున్న ఈ సినిమా రెండో వారం 25 థియేటర్లలో ఆడబోతోంది. యువతకీ, ఫ్యామిలీ ప్రేక్షకులకీ బాగా నచ్చుతోంది'' అని తెలిపారు. ఈ కార్యక్రమంలో నిర్మాత శశికాంత్, నటుడు సురేశ్, హీరోయిన్ అమలా పాల్ మాట్లాడారు.

చెన్నైలోని వేలాచేరిలో భారీ ఎన్కౌంటర్

2012-02-23T08:55:00.000+05:30

చెన్నైలోని వేలాచేరిలో అర్ధరాత్రి ఎన్‌కౌంటర్‌ జరిగింది. ఒక ప్రభుత్వ క్వార్టర్స్‌లో ఉంటున్న ఐదుగురు దొంగలను పోలీసులు ఎన్‌కౌంటర్‌లో హతమార్చారు. ఈ సంఘటనలో ఇద్దరు పోలీసులకు కూడా తీవ్ర గాయాలు అయ్యాయి. దొంగలు బీహార్‌, పశ్చిమబెంగాల్‌ రాష్ట్రాలకు చెందినవారని పోలీసులు తెలిపారు. వీరి నుంచి పోలీసులు 30 లక్షల రూపాయలను స్వాధీనం చేసుకున్నారు.

గతంలో వీరు పెరుంగుడి, కీల్‌కోట్టై బ్యాంకులలో దొంగతనానికి పాల్పడినట్లు పోలీసులు తెలిపారు. దొంగలు ఈ క్వార్టర్స్‌ను మూడు నెలల క్రితం అద్దెకు తీసుకున్నట్లు తెలుస్తోంది. అర్ధరాత్రి కాల్పులు జరిగినా చుట్టుపక్కల వాళ్లు మాత్రం తమకెటువంటి శబ్దాలు వినబడలేదని చెప్పడంతో, ఎన్‌కౌంటర్‌పై అనుమానాలు వ్యక్తమవుతున్నాయి. గాయపడిన పోలీసుల పేర్లు రవి, జయశీల్‌ అని పోలీసు వర్గాలు తెలిపాయి. క్వార్టర్స్‌ నుంచి ఐదు పిస్టల్స్‌, రెండు రివాల్వర్‌లను పోలీసులు స్వాధీనం చేసుకున్నారు.

వైఎస్సార్ కాంగ్రెస్ కోవూరు అభ్యర్థిగా నల్లపరెడ్డి

2012-02-23T06:00:00.001+05:30

హైదరాబాద్, న్యూస్‌లైన్ : నెల్లూరు జిల్లా కోవూరు శాసనసభా నియోజకవర్గం ఉప ఎన్నికల్లో పోటీ చేయడానికి వైఎస్సార్ కాంగ్రెస్ అభ్యర్థిగా మాజీ ఎమ్మెల్యే నల్లపరెడ్డి ప్రసన్నకుమార్ రెడ్డి పేరును పార్టీ అధ్యక్షుడు వై.ఎస్.జగన్‌మోహన్ రెడ్డి ఖరారు చేశారు. నియోజకవర్గం ఎన్నికల ఇంఛార్జిలుగా ముగ్గురు నేతలను కూడా నియమించారు. మాజీ మంత్రి కొణతాల రామకృష్ణ, ఎం.పి మేకపాటి రాజమోహన్ రెడ్డి, జడ్.పి మాజీ ఛైర్మన్ కాకాణి గోవర్థన్ రెడ్డిని ఎలక్షన్ ఇంఛార్జిలుగా నియమించినట్లు బుధవారం రాత్రి రాష్ట్ర సంస్థాగత వ్యవహారాల కోఆర్డినేటర్ పి.ఎన్.వి.ప్రసాద్ విడుదల చేసిన ఒక ప్రకటనలో తెలిపారు. నియోజకవర్గంలోని మండలాల వారీగా ఇద్దరేసి ఇంఛార్జిలను కూడా నియమించారు. మాజీ మంత్రి బాలినేని శ్రీనివాసరెడ్డి, ఎమ్మెల్యే మేకపాటి చంద్రశేఖరరెడ్డి(ఇందుకూరుపేట), ఆళ్ల రామకృష్ణా రెడ్డి, జిల్లా పార్టీ యువజన విభాగం అధ్యక్షుడు అనిల్‌కుమార్ యాదవ్(కోవూరు), ఎమ్మెల్యే బి.గురునాథరెడ్డి, రామిరెడ్డి ప్రతాప్‌కుమార్ రెడ్డి(కొడవలూరు), సిహెచ్.వంశీకృష్ణ శ్రీనివాస్ యాదవ్, పాశం సునీల్‌కుమార్(విడవలూరు), మాజీ ఎం.పి భూమా నాగిరెడ్డి, కోటంరెడ్డి శ్రీధర్‌రెడ్డి(బుచ్చిరెడ్డి పాళెం) వీరు ఎన్నికలు ముగిసే వరకూ తమకు నిర్దేశించిన మండలాల్లో వైఎస్సార్ కాంగ్రెస్ అభ్యర్థి నల్లపరెడ్డి ప్రసన్నకుమార్ రెడ్డి ప్రచారాన్ని పర్యవే క్షిస్తారు.

విజయమ్మకు ఛాంబర్ ఇవ్వడానికి అంగీకారం

2012-02-23T06:00:00.000+05:30

వైఎస్సార్ కాంగ్రెస్ పార్టీ ఎమ్మెల్యే వై.ఎస్.విజయమ్మకు అసెంబ్లీ ఆవరణలో ప్రత్యేక ఛాంబర్‌ను కేటాయించడానికి స్పీకర్ నాదెండ్ల మనోహర్ అంగీకరించారని శోభా నాగిరెడ్డి తెలిపారు. తాను బుధవారం బోస్‌తో కలిసి స్పీకర్‌కు ఈ మేరకు చేసిన విజ్ఞప్తికి ఆయన సానుకూలంగా స్పందించారని శోభ విలేకరులకు వివరించారు.

ఇండియాలో తోషిబా శాటిలైట్ ల్యాప్‌టాప్స్!!

2012-02-23T02:14:00.001+05:30

విశ్వసనీయ బ్రాండ్ తోషిబా దేశీయ కంప్యూటర్ల విపణిలో తన హవాను కొనసాగించేందుకు రెండు అత్యుత్తమ ల్యాపీలను ప్రవేశపెట్టింది. పూర్తి స్థాయి హుందాతనంతో స్పార్క్‌లింగ్ సిరీస్ నుంచి వస్తున్న ఈ డివైజ్‌లను ఆకట్టకునే స్ధాయిలో డిజైన్ చేశారు. తోషిబా స్పార్క్‌లింగ్ శాటిలైట్ L740, L750 ఎడిషన్‌లలో రూపుదిద్దుకున్న ఈ ల్యాప్‌టాప్‌లు ఉత్తమ ఫీచర్లతో సమంజసమైన ధరలకే లభ్యం కానున్నాయి.

శాటిలైట్ L740:

* 14 అంగుళాల స్ర్కీన్,
* బ్లాక్, మెరూన్ బ్రౌన్, గ్రేస్ సిల్వర్ కలర్ వేరియంట్‌లలో ఈ ల్యాపీ అందుబాటులో ఉంది.
* సౌకర్యవంతమైన కీ బోర్డ్,
* మల్టీ టచ్ క్రంట్రోల్ టచ్ ప్యాడ్,
* హై స్పీడ్ ర్యామ్ (8జీబి వరకు) ,
*750జీబి సాటా హార్డ్‌డిస్క్ డ్రైవ్,
* ఉత్తమ క్వాలిటీ గ్రాఫిక్ వ్యవస్థ.
* స్టీరియో స్పీకర్స్,
* క్వాలిటీ వెబ్ క్యామ్,
* ప్రారంభ ధర రూ.24,000.

శాటిలైట్ L750:

* 14 అంగుళాల స్ర్కీన్,
* బ్లార్, మెరూన్ బ్రౌన్, గ్రేస్ సిల్వర్ కలర్ వేరియంట్ లలో ఈ ల్యాపీ అందుబాటులో ఉంది.
* సౌకర్యవంతమైన కీ బోర్డ్,
* మల్టీ టచ్ క్రంట్రోల్ టచ్ ప్యాడ్,
* హై స్పీడ్ ర్యామ్ (8జీబి వరకు) ,
* 750జీబి సాటా హార్డ్ డిస్క్ డ్రైవ్,
* ఉత్తమ క్వాలిటీ గ్రాఫిక్ వ్యవస్థ.
* స్టీరియో స్పీకర్స్,
* క్వాలిటీ వెబ్ క్యామ్,
* ప్రారంభ ధర రూ.24,000.

5వేలకే కంప్యూటర్.. సంవత్సరం వారంటీ కూడా..!!

2012-02-23T02:12:00.000+05:30

సాధారణ ప్రజానికం కోసం జింక్ (Zync) టెక్నాలజీస్ తక్కువ ధరతో కూడిన ఉత్తమ క్వాలిటీ కంప్యూటింగ్ డివైజ్ ను రూపొందించింది. జింక్ ప్యాడ్ Z909 మోడల్ లో రూపుదిద్దుకున్న ఈ టాబ్లెట్ పీసీ ఆండ్రాయిడ్ ఆపరేటింగ్ వ్యవస్థ ఆధారితంగా పని చేస్తుంది. మన్నికైన హార్డ్‌వేర్, సాఫ్ట్‌వేర్ స్పెసిఫికేషన్‌లతో డిజైన్ కాబడిన ఈ డివైజ్‌ను సంవత్సరం వారంటీతో రూ.5,200 ధరకు విక్రయించేందకు సంస్ధ సిద్ధంగా ఉంది.

‘జింక్ ప్యాడ్ Z909’ ప్రధాన ఫీచర్లు:

* 7 అంగుళాల రెసిస్టిబ్ టచ్ స్ర్కీన్ డిస్ ప్లే (స్ర్కీన్ రిసల్యూషన్ 800 x 400 పిక్సల్స్),
* వీజీఏ ఫ్రంట్ కెమెరా (ఆటోఫోకస్),
* ఆండ్రాయిడ్ 2.2 ఆపరేటింగ్ సిస్టం,
* 800 MHz సామర్ద్యం గల VIA ప్రాసెసర్,
* 256ఎంబీ సామర్ధ్యం గల డిడీఆర్2 ర్యామ్,
* ఇంటర్నల్ మెమెరీ 4జీబి,
* కార్డ్ మెమరీని 16జీబి వరకు విస్తరించుకోవచ్చు,
* యూఎస్బీ సపోర్ట్, 3.5ఎమ్ఎమ్ ఆడియో జాక్.

మద్యం సిండికేట్లు, ఇది రూ. 15 వేల కోట్ల స్కామ్

2012-02-22T23:00:00.000+05:30

హైదరాబాద్: మద్యం సిండికేట్లకు సంబంధించి రాష్ట్రవ్యాప్తంగా 15 వేల కోట్ల రూపాయల మేర కుంభకోణం జరిగిందని ఎసిబి కోర్టుకు తెలిపింది. మద్యం సిండికేట్ల వ్యవహారంలో అరెస్టయినవారికి బెయిల్ ఇవ్వవద్దని ఎసిబి తరఫున వాదించిన పబ్లిక్ ప్రాసిక్యూటర్ కోరారు. నాన్ డ్యూటీ పెయిడ్ లిక్కర్ విక్రయించి వేల కోట్ల రూపాయలు సొమ్ము చేసుకున్నారని చెప్పారు. ఎమ్మిగనూరు సిండికేట్ల వ్యవహారంలో అరెస్టయినవారి విషయంపై పబ్లిక్ ప్రాసిక్యూటర్ తన వాదనలను వినిపించారు. ప్రజా ప్రతినిధులకు, ఆబ్కారీ అధికారులకు, పోలీసులకు ముడుపులు ముట్టాయని ఎసిబి ఆరోపించింది.

మద్యం సిండికేట్ల వ్యవహారంలో ప్రభుత్వ ఖజానాకు పెద్ద యెత్తున గండి కొట్టారని చెప్పింది. మద్యం సిండికేట్లకు సంబంధించి కొంత మంది నిందితులు పరారీలో ఉన్నారని, వారిని పట్టుకునే ప్రయత్నం చేస్తున్నామని చెప్పింది. అరెస్టయినవారికి బెయిల్ ఇస్తే సాక్ష్యాలను తారుమారు చేసే ప్రమాదం ఉందని తెలిపింది. ప్రైవేట్ వ్యక్తులు ఎసిబి చట్టం పరిధిలోకి రారని, అటువంటప్పుడు వారిని ఎసిబి ఎలా అరెస్టు చేస్తుందని, అటువంటి వారికి బెయిల్ ఇవ్వాలని డిఫెన్స్ తరఫు న్యాయవాది వాదించారు.

కాగా, ఖమ్మం సిండికేట్ల వ్యవహారంలో అరెస్టయిన నున్న రమణ బెయిల్ పిటిషన్ దాఖలు చేసుకున్నారు. ఈ పిటిషన్‌పై రేపు గురువారం విచారణ జరగనుంది.

అనుష్క లోకల్ డామినేషన్ నడుస్తుందా?

2012-02-22T19:56:00.003+05:30

ప్రభాస్ హీరోగా రూపొందిన డార్లింగ్ అప్పట్లో విడుదలై మంచి విజయం సాధించిన సంగతి తెలిసిందే. ఈ చిత్రంలో నటించిన కాజల్‌కు మంచి మార్కులే పడ్డాయి. ప్రభాస్ ఫిజిక్ కు తగిన జోడీగా పేరు తెచ్చుకుంది. తాజాగా డార్లింగ్ చిత్రం కన్నడంలో రీమేక్ చేయడానికి సన్నాహాలు చేస్తున్నారు. యం.డి శ్రీధర్ దర్శకత్వంలో దర్శన్ హీరోగా ఈ చిత్రాన్ని రూపొందించే ప్రయత్నంలో ఉన్నారు.

అయితే...ఈ చిత్రంలో హీరోయిన్‌గా ఎవరిని ఎంపిక చేయాలనే దానిపై దర్శక నిర్మాతలు మల్ల గుల్లాలు పడుతున్నారు. కత్తిలాంటి అందాలతో అదరగొడుతున్న కాజల్ ను తీసుకుందామా? లేక బెంగుళూరు లోకల్ భామ అనుష్కను తీసుకుందామా? అనే దానిపై ఆలోచిస్తున్నారు. త్వరలోనే ఈ ఇద్దరిలో ఎవరో ఒకరు ఖరారు కానున్నారు.

బిజినెస్ మేన్ హిట్‌తో మంచి జోష్ మీద ఉన్న అనుష్క ప్రస్తుతం తమిళంలో సూర్య హీరోగా రూపొందుతున్న మాత్రన్ సినిమాతో పాటు, మురుగదాస్ దర్శకత్వంలో విజయ్ హీరోగా రూపొందుతున్న తుపాకి చిత్రంలో నటిస్తోంది. పవన్ కళ్యాణ్ హీరోగా రూపొందుతున్న ‘కెమెరామెన్ గంగతో రాంబాబు’ చిత్రంలోనూ కాజల్ ఎంపికైనట్లు వార్తలు వినిపిస్తున్నాయి.

అనుష్క నాగ్ సరసన ఢమరుకం సినిమాతో పాటు, ప్రభాస్ హీరోగా రూపొందుతున్న వారధి చిత్రంలో, మరో నాలుగు తమిళ చిత్రాల్లో నటిస్తోంది.

దాడికి పాల్పడ్డ టాప్ హీరో, అరెస్టు చేసే అవకాశం?

2012-02-22T18:30:00.000+05:30

బాలీవుడ్ టాప్ హీరో సైప్ అలీఖాన్ మరోసారి ఇబ్బందుల్లో పడ్డాడు. ఓ వ్యక్తిపై దాడి చేసిన కేసులో ఆయన అరెస్టయి జైలుకెళ్లే అవకాశం కూడా ఉందని తెలుస్తోంది. వివరాల్లోకి వెళితే...

సైప్ అలీఖాన్-కరీనా కపూర్ జంటగా నటించిన ‘ఏజెంట్ వినోద్’ చిత్రం మార్చి 23న విడుదల చేసేందుకు సన్నాహాలు చేస్తున్నారు. ఇందుకు సంబంధించిన పనుల్లో భాగంగా మంగళవారం రాత్రి తాజ్ హోటల్ కు వచ్చిన సైఫ్..ఇక్భాల్ శర్మ అనే వ్యక్తిపై దాడి చేశాడు. పిడిగుద్దులతో అతని ముఖంపై గాయం చేశాడు. దీంతో శర్మ పోలీసులకు ఫిర్యాదు చేశారు. ఈ మేరకు పోలీసులు సైఫ్ అలీఖాన్ పై ఇండియన్ పీనల్ కోడ్ 325 సెక్షన్ ప్రకారం కేసు నమోదు చేసి దర్యాప్తు చేస్తున్నారు. పోలీసుల నుంచి అందిన సమాచారం ప్రకారం ఇలాంటి కేసుల్లో జైలు శిక్ష అనుభవించే అవకాశాలు కూడా ఉన్నాయని అంటున్నారు.

సైఫ్ అలీఖాన్ ఇలాంటి చర్యలకు పాల్పడటం ఇప్పుడు కొత్తేమీ కాదు. 2008లో ఒకసారి ఇదే తరహాలో ఓ ఫోటో జర్నలిస్టుపై దాడి చేశాడు. అయితే అప్పట్లో సైఫ్ కు, ఫోటో గ్రాఫర్ కు మధ్య కొందరు రాజీ కుదర్చడంతో వివాదం సద్దుమనిగింది. మరి ఈ సారి ఏం జరుగుతుందో చూడాలి.

బెదిరించి భర్తని కిడ్నాప్ చేసిన జెనీలియా

2012-02-22T17:30:00.001+05:30

మన్‌ప్రీత్‌ కుమార్‌ దర్శకత్వంలో రూపొందిన తాజా హిందీ చిత్రం 'తేరే నాల్‌ లవ్‌ హోగయా'. అందులో వేరొకరితో జరుగబోయే తన పెళ్లి నుంచి తప్పించుకోడానికి రితేష్‌ను కిడ్నాప్‌ చేసే పాత్రలో జెనీలియా నటిస్తోంది. ఈ చిత్రంలో తాను రితేష్‌ను కిడ్నాప్‌ చేస్తే, నిజ జీవితంలో రితేష్‌ తనను కిడ్నాప్‌ చేశాడంటోంది. ఇటీవల విడుదలైన ట్రైలర్ లో జెనీలియా..ఓ తుపాకితో రితీష్ ని బెదిరించి కిడ్నాప్ చేయటం అందరినీ ఆకట్టుకుంటోంది. ఈ చిత్రంలో వారిద్దరూ తొలుత ఒకరంటే ఒకరు ఇష్టంలేని జంటగా ఉన్నప్పటికీ అనంతరం నెమ్మదిగా ప్రేమలో పడతారు. ఈ చిత్రం క్లైమాక్స్‌ సన్నివేశం అందరికీ ఆసక్తికరంగా ఉంటుందని జెనీలియా తెలిపింది. ఫిబ్రవరి 24న ప్రేక్షకుల ముందుకు రానున్న ఈ చిత్రంతో ఈ ఆలుమొగలు కలిసి నటించిన చిత్రాల సంఖ్య మూడుకు చేరుతుంది.

ఇక తన భర్త రితేష్‌తో కలిసి నటిస్తున్న 'తేరే నాల్‌ లవ్‌ హోగయా' తాజా హిందీ చిత్రం ప్రమోషన్‌ పనిలో నిమగ్నమైన జెనీలియా ప్రస్తుతం కాస్త బిజీగా ఉంది. జీవితంలో రితేష్‌ను పొందడం పట్ల ఆమె సంతోషాన్ని వ్యక్తం చేస్తోంది. తన జీవితంలో అతనొక ఒక పెద్ద గిప్ట్ అని కూడా చెబుతోంది. అతను ఆమె కలల రాకుమారుడట. ఎనిమిది సంవత్సరాల పాటు అతనితో సాగించిన ప్రేమాయణం జీవితంలో ఓ మధురమైన ఘట్టం అంటోంది. రితేష్‌ చాలా బుద్ది మంతుడు అంటూ అతని వ్యక్తిత్వాన్ని జెనీలియా మెచ్చుకుంటోంది. ఇక నుంచి కేవలం రితేష్‌తోనే నటించాలో, సంవత్సరంలో ఎన్ని చిత్రాలలో నటించాలో వంటి విషయాలపై ఇంకా నిర్ణయం తీసుకోలేదంటోంది శ్రీమతి జెనీలియా. ఇక త్వరలో ఆమె రానా సరసన నటించిన నా ఇష్టం చిత్రం విడుదల కాబోతోంది. తెలుగులో ఆరెంజ్ తర్వాత ఆమె నటించిన చిత్రం ఇదే.

పెళ్లి రిసెప్షన్: బాబు ధర్మాన వాగ్వాదం, సిఎం జోక్యం

2012-02-22T17:30:00.000+05:30

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు సభలో మాట్లాడుతున్న సమయంలో మంత్రి ధర్మాన ప్రసాద రావుకు, ఆయనకు మధ్య తీవ్ర వాగ్వాదం జరిగింది. చంద్రబాబు మాట్లాడుతూ.. మంత్రి ధర్మాన ప్రసాద రావు తన తనయుడు రిసెప్షన్ కోసం విఆర్వో పరీక్షా కేంద్రాన్ని మార్చారన్నారు. అందుకు ధర్మాన స్పందించారు. ప్రతిపక్ష నేత చంద్రబాబు పూర్తి వివరాలు తెలుసుకొని మాట్లాడాలని సూచించారు. విషయం తెలియకుండా సిపిఐ నారాయణలా మీడియాకు ఎక్కేందుకు మాట్లాడవద్దని అన్నారు. ఓ ప్రతిపక్ష నేతగా తెలుసుకొని మాట్లాడతారని భావించానని అన్నారు. కొంతకాలంగా అందరూ పేపర్ చూసి మాట్లాడటం నేర్చుకున్నారని విమర్శించారు. అది సరికాదన్నారు. రిసెప్షన్ కోసం దానిని తాము నవంబరులోనే నిబంధనల మేరకు బుక్ చేసుకున్నామని చెప్పారు. కానీ విఆర్వో సెంటర్ మార్చారని ప్రతిపక్ష నేత తనకు ఆపాదించారని అందుకు ఆయన క్షమాపణలు చెప్పాలని డిమాండ్ చేశారు. మద్యం సిండికేట్ల వ్యవహారంపై ఎర్రన్నాయుడి తమ్ముడితో బాబు మాట్లాడాలన్నారు. బాబు ప్రతిపక్షంలో కూర్చుంటే ఓ మాట అధికారంలో ఉంటే మరో మాట మాట్లాడుతున్నారన్నారు.

అందుకు బాబు... రిసెప్షన్ కోసం అనుమతి పొందారో లేక రికార్డులు సృష్టించారో ఎవరికి తెలుసునన్నారు. నూతన దంపతులకు తాను అభినందనలు తెలియజేస్తున్నానని అన్నారు. అయితే ఒకరి పెళ్లి మరొకరికి చావు కావొద్దన్నారు. గట్టిగా మాట్లాడినంత మాత్రన తప్పు ఒప్పుకాదన్నారు. పబ్లిక్ ఇంట్రస్టు కోసం పర్సనల్ ఇంట్రెస్టును ఎందుకు వదులుకోలేదన్నారు. బాబు వ్యాఖ్యలపై ముఖ్యమంత్రి కిరణ్ కుమార్ రెడ్డి స్పందిస్తూ.. మన సహచరుడి తనయుడి పెళ్లిని ఉద్దేశ్య పూర్వకంగా కాంట్రవర్సీ చేయవద్దని సూచించారు. ఇది సరి కాదన్నారు. ఓ ఆంగ్ల ఛానల్ తెలియకుండా వార్త రాస్తే దానిని ప్రస్తావించడం సరికాదన్నారు. పెళ్లిని కూడా కాంట్రవర్సీ చేయడం నీచం అన్నారు. అనంతరం బాబు తన ప్రసంగాన్ని కొనసాగిస్తూ... డిఎస్సీకి టెట్ ఎందుకని ప్రశ్నించారు. అర్హత ప్రకారం ఉద్యోగాలు ఇవ్వాలి తప్ప అభ్యర్థులను ఇబ్బంది పెట్టవద్దని సూచించారు.

రవితేజ సినిమాకు తెలంగాణ సెగ, వెళ్లిపోయిన హీరో

2012-02-22T15:00:00.001+05:30

హైదరాబాద్: హీరో రవితేజ చిత్రానికి తెలంగాణ సెగ తగిలింది. బుధవారం హైదరాబాదులోని తార్నాక ఆర్టీసి ఆసుపత్రి వద్ద రవితేజ తాజా చిత్రం దరువు షూటింగ్ జరుగుతోంది. రవితేజ చిత్రం షూటింగ్ జరుగుతున్న విషయం తెలుసుకున్న ఉస్మానియా విశ్వవిద్యాలయం విద్యార్థులు, పలువురు తెలంగాణవాదులు అక్కడకు వచ్చారు. చిత్రం షూటింగ్‌ను అడ్డుకున్నారు. అక్కడి ఫర్నిచర్‌ను విద్యార్థులు ధ్వంసం చేశారు. దీంతో అక్కడ పరిస్థితి ఉద్రిక్తంగా మారింది. జై తెలంగాణ అంటూ నినాదాలు చేశారు.

యూనిట్‌ను జై తెలంగాణ నినాదాలు చేయాలని డిమాండ్ చేశారు. కాగా హీరో విద్యార్థులు, తెలంగాణవాదులు షూటింగ్ అడ్డుకోవడంతో హీరో రవితేజ షూటింగ్ స్పాట్ నుండి వెంటనే వెళ్లిపోయారు. కాగా నాలుగు రోజుల క్రితం రవితేజ నిప్పు చిత్రం విడుదలైన విషయం తెలిసిందే.

స్వల్ప గాయాలతో హన్సిక బయిటపడింది

2012-02-22T15:00:00.000+05:30

హన్సిక కి తెలుగులో ఇమేజ్ రోజు రోజుకీ తగ్గిపోయినా తమిళంలో మాత్రం రివర్స్ గేర్ లో పెరిగిపోతూ వస్తోంది. ఆమె లావు అవటమే అక్కడి వారికి బాగా నచ్చుతున్నట్లుంది. ఒకప్పటి హీరోయిన్లు ఖుష్బూ, నగ్మాల తర్వాత హన్సికకి మాత్రమే ఇంతటి ఫాలోయింగ్‌ కనిపించిందంటుని అక్కడి పరిస్ధితి చూసిన తమిళ మీడియా అంటోంది. ఇక ఈ విషయం నిర్దారణకు అన్నట్లు రీసెంట్ గా...ఈ ముద్దుగుమ్మ కోయంబత్తూరుకు ఒక కార్యక్రమం కోసం వెళ్ళింది. అప్పుడు నిర్వాహకులు ఏ మాత్రం ఊహించని రీతిలో అభిమానులు చుట్టు ముట్టేశారు.

చివరికి అదనపు బలగాల్ని రప్పించినా హన్సికను కారు వద్దకు తీసుకెళ్ళడానికి నానా పాట్లు పడాల్సి వచ్చింది. ఈ క్రమంలో ఈ సింధీ భామకు స్వల్పంగా గాయాలయ్యాయి. అయితేనేం ఆ క్రౌడ్ లోంచి ఆమె బయిటపడటానికి నానా యాతన పడాల్సి వచ్చింది. గత ఏడాది తెలుగులో'కందిరీగ', 'ఓ మై ఫ్రెండ్‌' రూపంలో తనకు మంచి హిట్స్‌ వచ్చాయంటోంది. ప్రస్తుతం తమిళంలో పెద్ద పెద్ద ప్రాజెక్ట్‌లతో బిజిగా ఉన్న ఒకప్పటి ఈ బాలతారకు అక్కడ విజయ్‌ సరసన నటించిన 'వేలాయుధం' చిత్రం మంచి పేరు తెచ్చిపెట్టింది.

బొత్సకు ఉద్వాసన - తెలంగాణ నేతకు పీసీసీ : దామోదర్ రెడ్డి

2012-02-22T12:30:00.001+05:30

ఒకే వ్యక్తికి ఒక పదవి అనే నియమావళి మేరకు జోడు పదువులను అనుభవిస్తున్న ప్రదేశ్ కాంగ్రెస్ కమిటీ అధ్యక్షుడు బొత్స సత్యనారాయణకు త్వరలోనే ఉద్వాసన పలుకవచ్చని తెలంగాణ ప్రాంతానికి చెందిన కాంగ్రెస్ నేత, మాజీ మంత్రి రాంరెడ్డి దామోదర్ రెడ్డి జోస్యం చెప్పారు. జోడు పదవులు అంశాన్ని ప్రధానంగా చేసుకుని పార్టీ అధినాయకత్వాన్ని కలిసి ఫిర్యాదు చేశారు.

పార్టీ పెద్దలతో సమావేశం అనంతరం దామోడర్ రెడ్డి మాట్లాడుతూ బొత్స సత్యనారాయణను మంత్రి పదవిలో కొనసాగిస్తూ త్వరలోనే పీసీసీ చీఫ్ పదవికి ఉద్వాసన పలుకుతారన్నారు. ఈ మేరకు కాంగ్రెస్ అధిష్టానం తనకు హామీ ఇచ్చిందని ఆయన చెప్పారు.

ప్రదేశ్ కాంగ్రెస్ కమిటీకి కొత్త ఆధ్యక్షుడిని నియమించే విషయాన్ని ఏప్రిల్‌లో పరిశీలిస్తామని హైకమాండ్ స్పష్టం చేసిందన్నారు. ఒక వ్యక్తికి ఒక పదవిలో కొనసాగాలన్న నియమాన్ని బొత్స సత్యనారాయణకు వర్తింపజేయాలని తాను కోరగా దానికి కాంగ్రెస్ అధినాయకత్వంలో సానుకూలంగా స్పందించిందన్నారు. అందువల్ల బొత్సను పీసీసీ చీఫ్ పదవి నుంచి తప్పించి, ఆయన స్థానంలో కొత్తగా మరో నేతను తెలంగాణ ప్రాంతం నుంచి ఎంపిక చేస్తారని దామోదర్ రెడ్డి తెలిపారు.

ఏసుక్రీస్తునే మించిపోయా.. జింబాబ్వే అధ్యక్షుడి జోకులు

2012-02-22T12:30:00.000+05:30

జింబాబ్వే అధ్యక్షుడు రాబర్ట్ ముగాబే తనపై తానే జోకులేసుకుంటున్నారు. పనిలో పనిగా తాను విశ్వసించే దైవం ఏసుక్రీస్తుపై కూడా జోకులను పేలుస్తున్నారు. ఈ 88 ఏళ్ల జింబాబ్వే పాలకుని ఆరోగ్యంపై ఇటీవలి కాలంలో పలు కథనాలు వెల్లువెత్తాయి.

వృద్ధాప్యంలో ఉన్న రాబర్ట్ ముగాబేను పలు రకాల అనారోగ్యాలు చుట్టుముట్టాయని, ప్రస్తుతం ఆయన కేన్సర్‌తో బాధపడుతున్నందున ఇక ఎంతోకాలం బతకరని ఆ కథనాల సారాంశం. దీన్ని తేలిగ్గా కొట్టిపారేస్తున్న ముగాబే, తాను ఇప్పటికే పలుమార్లు చనిపోయి బతికానంటూ, ఈ విషయంలో తాను ఏసుక్రీస్తు రికార్డును కూడా అధిగమించేశానంటూ జోకులేస్తున్నారు.

88వ పుట్టిన రోజు జరుపుకుంటున్న రాబర్ట్, తమ దేశ రేడియోకు ప్రత్యేక ఇంటర్వ్యూ ఇచ్చారు. ఫిడేలు(ఒక రకమయిన వాయిద్యం) మాదిరి నిక్షేపంగా ఉన్నానంటూ దేశ ప్రజలకు చెప్పారు. వ్యక్తిగతంగా రోమన్ కేథలిక్ అయిన రాబర్ట్ తన ఆరోగ్యంపై వస్తున్న కథనాలను తేలిగ్గా తీసిపారేసారు.

"నేను ఇప్పటికి పలుమార్లు చనిపోయి మళ్లీ బతికాను... కానీ భగవంతుడు ఏసుక్రీస్తు కేవలం ఒకసారే చనిపోయాడు.. ఒకసారే తిరిగి లేచారు.. కాబట్టి ఆయన కన్నా నేనే గొప్ప" అంటూ వ్యాఖ్యానించారు. ఐదు కాదు పది కాదు ఏకంగా ముప్ఫయి రెండేళ్ల పాటు అధికారం వెలగబెట్టిన ఈ పెద్దాయనకు ఇపుడు తీరిగ్గా ఎన్నికలు గుర్తుకొచ్చాయి.

వచ్చే ఏడాది (2013)లో ఎన్నికలు జరిపించాలనుకుంటున్నారు. దేశ ప్రధానమంత్రి, రాబర్ట్‌కు చిరకాల ప్రత్యర్థి అయిన మోర్గాన్ స్వాంగిరై మాత్రం రానున్న ఎన్నికలకన్నా ముందే కొత్త రాజ్యాంగం కోసం డిమాండ్ చేస్తున్నారు. ఇంత వృద్ధాప్యంలో కూడా తాను ఇలా రాయిలా నిక్షేపంగా ఉన్నారనే దానికి కారణాలను కూడా ఆయన వెల్లడించారు. ఆయన ఆల్కహాల్ సేవించరట! ప్రతిరోజు వ్యాయామం చేయడం, కూరగాయలు, పండ్లతో చేసిన ఆహారాన్ని తీసుకోవడమే ఆయన ఆరోగ్య రహస్యం అని ఇంటర్వ్యూలో చెప్పారు.

'వైయస్సార్ మౌఖికంగా చెప్పారు, జగన్ సాక్షికి ఇచ్చాం?'

2012-02-22T10:09:00.000+05:30

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి మీడియాకు వచ్చిన ప్రభుత్వ ప్రకటనల వైనంపై సిబిఐ అధికారులు సమాచారశాఖ అధికారులను మంగళవారం నిశితంగా ప్రశ్నించారు. జగన్ అక్రమాస్తుల కేసు దర్యాప్తులో భాగంగా సీనియర్ ఐఏఎస్, ఎయిడ్స్ కంట్రోల్ బోర్డు ప్రాజెక్టు డైరెక్టర్ పార్థసారథిని సిబిఐ అధికారులు మంగళవారం సుమారు మూడు గంటల పాటు విచారించారు. సమాచారశాఖలో డిప్యూటి డైరెక్టర్‌గా చేసి పదవీ విరమణ చేసిన ప్రభాకర రావు, ప్రస్తుత డిప్యూటి డైరెక్టర్ రాజ బాబును ఒకేచోట కూర్చోపెట్టి సిబిఐ అధికారులు ప్రశ్నించినట్లు సమాచారం. సమాచారశాఖ కమిషనర్, ఇతర అధికారులు ప్రతిరోజూ ముఖ్యమంత్రిని కలవాల్సి ఉంటుందని, ప్రభుత్వం ప్రవేశపెట్టిన కొత్త పథకాలు, ప్రత్యేక సందర్భాలు, పండుగలకు సంబంధించిన ప్రకటనలపై ముఖ్యమంత్రి మౌఖిక ఆదేశాలు జారీ చేస్తారని వీరు సిబిఐకి వెల్లడించారని సమాచారం. గతంలో పార్థసారథి సమాచార శాఖ కమిషనర్‌గా పని చేశారు. ఆ సమయంలో జగన్‌కు చెందిన దిన పత్రిక, టెలివిజన్‌కు భారీగా ప్రకటనలు జారీ అయ్యాయి.
అప్పుడే ప్రారంభమైన పత్రికకు ఇతర పత్రికల కన్నా భారీ స్థాయిలో ప్రకటనలిచ్చిన అంశంపై సిబిఐ విచారణ జరుపుతోంది.

ప్రభుత్వ ప్రకటనలు పత్రికలకు జారీ చేయడానికి ఏ నిబంధనలు పాటించాల్సి ఉంటుంది? లేదా పెద్దలు ఎవరైనా నేరుగా చెబితే నిబంధనలు ఉల్లంఘించి ప్రకటనలు జారీ చేస్తారా? అప్పట్లో జగన్ పత్రిక ప్రకటనల విషయంలో సమాచార శాఖపై వైఎస్ ఏమైనా ఒత్తిడి తెచ్చారా? అన్న విషయాలను సిబిఐ అధికారులు తెలుసుకున్నట్లు సమాచారం. సమాచార శాఖ కమిషనర్, ఇతర అధికారులు ప్రతిరోజు ముఖ్యమంత్రిని కలవాల్సి ఉంటుందని, ఆ సమయంలో ప్రభుత్వం ప్రవేశపెట్టిన కొత్త పథకాలు, ప్రత్యేక సందర్భాలు, పండుగలకు సంబంధించిన ప్రకటనలపై ముఖ్యమంత్రి మౌఖిక ఆదేశాలు జారీ చేస్తారని వీరు వివరించినట్లు తెలుస్తోంది. ఒకే విధమైన సర్క్యులేషన్ ఉన్న రెండు పత్రికలకు ఒకే విధమైన స్పేస్‌తో ప్రకటన ఎందుకు జారీ చేయలేదు? ఒక పత్రికకు సగం పేజీ ప్రకటన ఇస్తే, జగన్ మీడియా సంస్థకు మాత్రం పూర్తి పేజీ ప్రకటన ఇవ్వడానికి కారణం ఏమిటి? ఈ నిర్ణయం వెనుక పెద్దల ఆదేశాలేమన్నా ఉన్నాయా? అన్న కోణంలో సీబీఐ అధికారులు ప్రశ్నించినట్లు తెలుస్తోంది.

ఒకే స్థాయిలో సర్క్యులేషన్ ఉన్న రెండు పత్రికల మధ్య రెండేళ్లలో ప్రభుత్వ ప్రకటనలకు సంబంధించి రూ.ముప్పై కోట్ల వ్యత్యాసం ఎందుకు వచ్చిందనే విషయాలను తెలుసుకోవడానికి సిబిఐ అధికారులు ఎక్కువగా ప్రయత్నించినట్లు తెలిసింది. పార్థసారథిని విచారించడానికి ముందు జగతి పబ్లికేషన్స్‌లో ప్రకటనల విభాగం బాధ్యతలు నిర్వహిస్తున్న పలువురు బాధ్యులను సిబిఐ అధికారులు పిలిపించి విచారించారు. జగన్ పత్రికకు జారీ చేసిన ప్రకటనలు ఏ ఉద్దేశంతో జారీ అయ్యాయో తెలుసుకునే ప్రయత్నం సిబిఐ చేసినట్లు తెలుస్తోంది. మరోవైపు జగన్ అక్రమాస్తుల కేసు దర్యాప్తులో భాగంగా వాన్ పిక్ ప్రాజెక్టు ప్రతినిధులను సిబిఐ అధికారులు మంగళవారం విచారించారు. వాన్ పిక్ ప్రతినిధులు రెండుసార్లు సిబిఐ ముందు హాజరయ్యారు.

..ఏదైనా ఐతే అమ్మ: అరెస్టు ప్రచారంపై జగన్ కామెంట్!

2012-02-22T10:04:00.001+05:30

హైదరాబాద్: తాను తన అరెస్టు గురించి ఆలోచించడం లేదని వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి మంగళవారం తన వర్గం శాసనసభ్యులతో అన్నట్లుగా సమాచారం. మంగళవారం సాయంత్రం జగన్ తన వర్గం ఎమ్మెల్యేలతో లోటస్ పాండులో భేటీ అయ్యారు. ఈ సందర్భంగా పలువురు ఎమ్మెల్యేలు కాంగ్రెసు, తెలుగుదేశం పార్టీలు రెండు కలిసి మరికొద్ది రోజుల్లో జగన్ అరెస్టు అవుతారని ప్రచారం చేస్తున్నాయని ఆయన దృష్టికి తీసుకు వెళ్లారని తెలుస్తోంది. అందుకు స్పందించిన జగన్.. తాను అరెస్టు గురించి ఏమాత్రం ఆలోచించడం లేదని, వారు ఏమైనా అనుకోనివ్వమని, నేను మాత్రం నా అజెండాతో ముందుకెళతానని, ఒకవేళ అనుకోని పరిస్థితులు ఎదురైతే నా తల్లి విజయలక్ష్మి పార్టీ వ్యవహారాలు చూసుకుంటుందని వారితో చెప్పినట్లుగా తెలుస్తోంది.

అంతేకాకుండా శాసనసభలో ప్రజా సమస్యలు ప్రస్తావించి బలమైన ప్రతిపక్షంగా వ్యవహరించాలని కూడా తన వర్గ ఎమ్మెల్యేలకు ఆయన సూచించారు. సభ్యులందరూ సభకు విధిగా హాజరవ్వాలని ఆయన సూచించారు. నెల్లూరు జిల్లా కోవూరు అసెంబ్లీ స్థానాన్ని దక్కించుకోవడానికి ప్రతి ఒక్కరూ శాయశక్తులా కృషి చేయాలని పార్టీ నేతలు, ప్రజాప్రతినిధులను జగన్ ఆదేశించారు. 16 మంది ఎమ్మెల్యేలు, ఆరుగురు ఎమ్మెల్సీలు, ఒక ఎంపి హాజరైన ఈ సమావేశానికి అనంతపురం జిల్లా రాయదుర్గం ఎమ్మెల్యే కాపు రామచంద్రారెడ్డి, అనకాపల్లి ఎంపి సబ్బం హరి గైర్హాజరయ్యారు.

కెసిఆర్‌కు ఊరట: పోటీపై వెనక్కి తగ్గిన బిజెపి

2012-02-22T06:00:00.001+05:30

హైదరాబాద్: ఉప ఎన్నికల్లో తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుకు ఊరట లభించింది. మహబూబ్‌నగర్‌లో మినహా తెలంగాణలోని మిగతా స్థానాల్లో పోటీకి దిగాలనే యోచనను బిజెపి విరమించుకుంది. మంగళవారం సాయంత్రం జరిగిన బిజెపి కోర్ కమిటీ సమావేశంలో ఈ మేరకు నిర్ణయం తీసుకున్నట్లు తెలుస్తోంది. మహబూబ్‌నగర్‌లో మాత్రం పోటీకి దిగాలని ఆలోచిస్తోంది. ఎమ్మెల్యే రాజేశ్వర రెడ్డి ఆకస్మిక మృతి వల్ల మహబూబ్‌నగర్ సీటుకు ఉప ఎన్నిక జరుగతోంది. మిగతా చోట్ల తెలంగాణ కోసం తమ తమ పార్టీలకు రాజీనామాలు చేసిన అభ్యర్థుల్లో నలుగురు తెరాస తరఫున, నాగం జనార్దన్ రెడ్డి స్వతంత్ర అభ్యర్థిగా పోటీకి దిగబోతున్నారు. మహబూబ్‌నగర్‌కు తమ అభ్యర్థిగా ఇబ్రహీం పేరును తెరాస ప్రకటించింది.

బిజెపి మహబూబ్ నగర్, కోవూరులతో పాటు స్టేషన్ ఘనపూర్, కామారెడ్డి స్థానాల నుంచి కూడా పోటీకి దిగాలని యోచించింది. నాగర్ కర్నూలులో నాగం జనార్దన్ రెడ్డికి మద్దతు ఇవ్వాలని నిర్ణయించుకుంది. ఆయనకు తెరాస కూడా మద్దతు ఇవ్వబోతోంది. అయితే, తెరాస విజ్ఞప్తులతో, తెలంగాణ రాజకీయ జెఎసి చైర్మన్ కోదండరామ్ దౌత్యంతో బిజెపి నాయకత్వం దిగి వచ్చినట్లు చెబుతున్నారు.

రాజీనామాలు చేసిన స్థానాల్లో ఆయా అభ్యర్థులే పోటీ చేస్తారని కోదండరామ్ మంగళవారం చెప్పారు. దానిపై ఎటువంటి సందేహాలు అవసరం లేదని ఆయన అన్నారు. తెలంగాణ రాజకీయ జెఎసి స్టీరింగ్ కమిటీ సమావేశానంతరం ఆయన మీడియా ప్రతినిధులతో మాట్లాడారు. మహబూబ్‌నగర్ స్థానం విషయంలో మాత్రం బిజెపి, తెరాస తేల్చుకుంటాయని ఆయన అన్నారు. ప్రస్తుత స్థితిలో మహబూబ్ నగర్ సీటు వివాదం కూడా కొలిక్కి వచ్చే అవకాశాలున్నాయి.

రామ్ చరణ్‌కు రాజమౌళి ‘ఈగ’ షాక్!

2012-02-22T06:00:00.000+05:30

మెగా పవర్ స్టార్ రామ్ చరణ్ తేజ్ ప్రస్తుతం సంపత్ నంది దర్శకత్వంలో ‘రచ్చ’ చిత్రంలో నటిస్తున్న సంగతి తెలిసిందే. తమన్నా హీరోయిన్ గా నటిస్తోంది. ఎన్వీ ప్రసాద్, పరాస్ జైన్ ఈ చిత్రాన్ని నిర్మిస్తున్నారు. చివరి దశకు చేరుకున్న ఈ చిత్రాన్ని ఏప్రిల్ లో విడుదల చేసేందుకు సన్నాహాలు చేస్తున్నారు. అయితే ఈ నెలలో ఇతర పెద్ద సినిమాలు ఏవీ లేవని ధైర్యంగా ఉన్న రామ్ చరణ్‌కు రాజమౌళి ఈగ రూపంలో షాక్ తగిలింది.

నాని, సమంత, సుదీప్ ప్రధాన పాత్రల్లో రాజమౌళి దర్శకత్వంలో గ్రాఫిక్స్ ప్రధానంగా రూపొందుతున్న ఈగ చిత్రాన్ని కూడా ఏప్రిల్‌లో విడుదల చేసేందుకు సన్నాహాలు చేస్తున్నారు. అదే జరిగితే ‘రచ్చ’ సినిమాకు భారీగా పోటీ తప్పదని, ముఖ్యంగా రాజమౌళి మార్కు సినిమా కాబట్టి రామ్ చరణ్ ‘రచ్చ’ సినిమా కంటే కూడా ‘ఈగ’ సినిమాపైనే జనాలకు ఎక్కువ ఆసక్తి ఉంటుందనే అభిప్రాయాలు వ్యక్తం అవుతున్నాయి.

పవన్ కళ్యాణ్ ‘గబ్బర్ సింగ్’ చిత్రం కూడా దాదాపుగా ఈ రెండు చిత్రాలకు దగ్గరగానే విడుదలవుతోంది. మరి ఏం జరుగబోతోందో..? మరో నెల రోజులు ఆగితే గానీ తెలియదు.

ఆ చిత్రం చేయటం తప్పే అంటూన్న సూపర్ స్టార్

2012-02-21T22:00:00.001+05:30

బాలీవుడ్ సూపర్ స్టార్ షారూఖ్ ఖాన్,ఐశ్వర్యారాయ్ కాంబినేషన్ లో అప్పట్లో సంజయ్ లీలా భన్సాలీ దేవదాస్ చిత్రాన్ని రూపొందించారు. అయితే ఆ చిత్రం కమర్షియల్ గానూ,క్రిటికల్ గానూ ఫెయిల్యూర్ అయ్యింది. ఈ విషయాన్ని చాలా కాలం తర్వాత షారూఖ్ ఖాన్ స్వయంగా ఒప్పుకున్నారు. ఆయన మాట్లాడుతూ...‘దేవదాస్’ చిత్ర రీమేక్‌లో నటించడం పెద్ద తప్పని బాలీవుడ్ స్టార్ షారుఖ్ ఖాన్ అభిప్రాయపడ్డారు. దేవదాస్ రీమేక్‌లో నటించడం తన అవివేకమని ఆయన అన్నారు. ‘ది డైలాగ్ ఆఫ్ దేవదాస్’ అనే పుస్తక అవిష్కరణ కార్యక్రమంలో షారుఖ్ మాట్లాడుతూ.. దిలీప్ సాహెబ్‌ను అనుకరించడం ఎవరివల్లా కాదని.. తాను ఆ చిత్రంలో నటించకుండా ఉంటే బాగుండేదన్నారు.

1955 సంవత్సరంలో నిర్మించబడిన దేవదాస్ చిత్రాన్ని ప్రముఖ దర్శకుడు బీమల్ రాయ్ దర్శకత్వం వహించారు. దేవదాస్ చిత్రానికి సంబంధించిన డైలాగ్స్‌కు రాజిందర్ సింగ్ బేడి పుస్తక రూపం కల్పించారు. అందరి తల్లుల లానే తన తల్లి కూడా ఇష్టపడిందని.. దిలీప్‌లా కనిపించావని అయితే దిలీప్ సాహెబ్‌లా నటించలేదని తెలిపారని బాలీవుడ్ బాదుషా అన్నారు. తాను ఈ పుస్తక ఆవిష్కరణలో పాల్గొనడం వల్ల తన తల్లి ఆత్మకు శాంతి చేకూరుతుందని షారుఖ్ వ్యాఖ్యానించారు. ఆనారోగ్య కారణంతో ఈ కార్యక్రమానికి హాజరుకాని దిలీప్ సాహెబ్ పంపిన లేఖను షారుఖ్ చదివి వినిపించారు.

మోపిదేవి వెంకటరమణ చుట్టూ బిగిస్తున్న ఉచ్చు

2012-02-21T22:00:00.000+05:30

హైదరాబాద్: పది లక్షల రూపాయల ముడుపుల వ్యవహారంలో ఆబ్కారీ మంత్రి మోపిదేవి వెంకటరమణ చుట్టూ ఉచ్చు బిగిస్తోంది. మోపిదేవికి పది లక్షల రూపాయల లంచం ఇచ్చిన మాట నిజమేనని నున్న రమణ తన కస్టడీ రిపోర్టులో చెప్పాడు. నున్న రమణను కస్టడీలోకి తీసుకుని అవినీతి నిరోధక శాఖ (ఎసిబి) అధికారులు రెండు రోజుల పాటు ప్రశ్నించారు. ఖమ్మం జిల్లాలోని రెండు మద్యం సిండికేట్ల మధ్య సెటిల్మెంట్ జరిపిన వ్యవహారంలో తాము మోపిదేవికి పది లక్షల రూపాయల ముడుపులు ఇచ్చామని అతను చెప్పాడు. మద్యం సిండికేట్ల వ్యవహారంలో ఎసిబి అధికారులు రమణను అదుపులోకి తీసుకున్న విషయం తెలిసిందే.

మోపిదేవికి తాము ఏ విధంగా ముడుపులు అప్పగించామనే విషయాన్ని రమణ తన నేరాంగీకర పత్రంలో వివరించారు. రెండు సిండికేట్ల మధ్య గొడవతో రెండు గ్రూపులవాళ్లం మినిస్టర్ క్వార్టర్స్‌లో మంత్రిని కలిశామని, ఇరు వర్గాల మధ్య మంత్రి పంచాయతీ చేశారని, అందుకు గాను తాము పది లక్షల రూపాయలు మంత్రి ఇచ్చామని అతను చెప్పాడు. ఇరు వర్గాలకు చెందిన 14 మంది మంత్రి వద్దకు వచ్చారని, పంచాయతీ చేసి మంత్రి రెండు గ్రూపులకు చెందిన ఇద్దరేసిని లోపలికి పిలిచి పది లక్షల రూపాయలు తీసుకున్నారని రమణ చెప్పాడు.

చిరు సినీ టైటిలే.. ఐశ్వర్యా రాయ్ కూతురు పేరు?

2012-02-21T18:43:00.001+05:30

అమితాబ్ బచ్చన్ తన మనవరాలు పేరుని అభిలాష గా పెట్టనున్నారని సమాచారం. ఈ విషయమై ప్రముఖ రచయిత్రీ శోభాడే చేసిన ట్వీట్ అంతటా హాట్ గా మారింది. శోభాడే ట్వీట్ లో...బేటి బి కి అభిలాష అనే పేరు పెడుతున్నారా..ఆ పేరు చాలా బాగుంది. అభి,ఐష్ లకు శుభాకాంక్షలు..ఈ పేరు అనేది నిజమైతే చాలా ఇన్సిప్రేషన్ గా ఉంది అంది. దాంతో శోభాడే వంటి వ్యక్తి చేసిన ట్వీట్ కావటంతో అంతటా ప్రాచుర్యం పొందుతోంది. అయితే ఈ పేరుపై అమితాబ్ కుటుంబం ఖండనా లేదు..ఖరారు చేస్తున్నట్లు వార్తాలేదు.

ఇక చిరంజీవి కెరీర్ లో సూపర్ హిట్ గా నిలిచిన చిత్రం అభిలాష. ఆ చిత్రం టైటిల్ నే యాదృచ్చికంగా పెట్టబోవటం జరుగుతోంది. ఇక నవంబర్ 17న ఐశ్వర్యారాయ్ ఈ ముద్దుల పాపాయికి జన్మని ఇచ్చింది. ముంబైలోని సెవన్ హిల్స్ హాస్పటిల్ లో డెలివరీ జరిగింది. మరో ప్రక్క ‘‘మా బేబీకి ఒక మంచి పేరు దొరికిందని, త్వరలోనే దాన్ని వెల్లడిస్తామని’’ అభిషేక్ బచ్చన్ వెల్లడించారు. ప్రస్తుతం ఆసుపత్రిలో చికిత్స పొందుతున్న అమితాబ్ తిరిగి ఇంటికి చేరాక బేటిబి ఫోటోలు, పేరు బయటకు వెల్లడయ్యే అవకాశాలు కనిపిస్తున్నాయి.

చిరంజీవి గెస్ట్ రోల్‌పై క్లారిటీ ఇచ్చిన నిర్మాత గణేష్

2012-02-21T18:41:00.002+05:30

పవర్ స్టార్ పవన్ కళ్యాణ్ తాజాగా ‘గబ్బర్ సింగ్‘ చిత్రంలో నటిస్తున్న సంగతి తెలిసిందే. హారిష్ శంకర్ దర్శకత్వం వహిస్తున్న ఈ చిత్రాన్ని బండ్ల గణేష్ బాబు శ్రీ పరమేశ్వర ఆర్ట్స్ బ్యానర్ పై నిర్మిస్తున్నారు. ‘గబ్బర్ సింగ్’ చిత్రంలో చిరంజీవి గెస్ట్ రోల్‌లో కనిపించనున్నారని, పవర్ స్టార్‌తో కలిసి ఓ పాటలో స్టెప్పులు వేయనున్నాడని కొన్ని రోజులుగా ప్రచారం జరుగుతోంది. అయితే ఈ విషయంపై గణేష్ బాబు క్లారిటీ ఇచ్చారు. చిరంజీవి గెస్ట్ రోల్ గానీ, పాటలో స్టెప్పులు వేయడం కానీ చేయడం లేదని స్పష్టం చేశారు. మెగా బ్రదర్స్‌ను ఒకే సినిమాలో కలిసి చూద్దామని ఇప్పటి వరకు ఆశగా ఉన్న అభిమానులు....గణేష్ బాబు ప్రకటనతో ఒక్కసారిగా నిరాశకు గురయ్యారు.

ప్రస్తుతం గబ్బర్ సింగ్ చిత్రం హైదరాబాద్ చుట్టుపక్కల ప్రాంతాల్లో షూటింగ్ జరుపుకుంటోంది. ఈ చిత్రంలో శృతి హాసన్ హీరోయిన్‌గా నటిస్తోంది. బాలీవుడ్ లో సూపర్ హిట్ అయిన ‘దబాంగ్’ చిత్రానికి ఇది రీమేక్.

ఈ చిత్రం తర్వాత పవన్ కళ్యాణ్ పూరి జగన్నాథ్ దర్శకత్వంలో ‘కెమెరామెన్ గంగతో రాంబాబు’ చిత్రంలో నటించనున్నాడు. యూనివర్సల్ మీడియా బ్యానర్ పై డివివి దానయ్య ఈ చిత్రాన్ని తెరకెక్కిస్తున్నారు. పవన్ కళ్యాణ్ సరసన కాజల్ ఎంపికైనట్లు తెలుస్తోంది. మేలో షూటింగ్ ప్రారంభం అయి, దసరా నాటికి సినిమా ప్రేక్షకుల ముందుకు వచ్చే అవకాశం ఉంది.

నేను ఇప్పుడే పెళ్లి చేసుకోవడం లేదు : శ్రద్దా దాస్

2012-02-21T13:00:00.001+05:30

హీరోయిన్ శ్రద్దా దాస్ మరో సారి తన వ్యక్తిగత విషయాలపై వచ్చిన రూమర్స్ తో వార్తల్లోకి ఎక్కింది. గత సంవత్సరం వరుణ్ సందేష్ తో సిక్రెట్ గా ‘సం’బంధం కొనసాగిస్తుందనే గాసిప్స్ ఈ భామపై వినిపించాయి. ఆ వార్తలు నిజమేనేమో అన్న చందంగా ఇద్దరూ రాసుకు పూసుకుంటూ చట్టాపట్టాలేసుకుని తిరగడం కూడా కనిపించింది. అయితే ఏమైందో తెలియదు కానీ గత కొన్ని రోజులుగా ఇద్దరూ దూరం అయినట్లే కనిపిస్తోంది.

తాజాగా శ్రద్ధా దాస్‌పై మరో రూమర్ వినిపిస్తోంది. ఆమెకు ఇప్పటికే ఎంగేజ్ మెంట్ పూర్తయిందని, త్వరలో పెళ్లి చేసుకోబోతోందని ఆ వార్తల సారాంశం. అయితే ఈ వార్తలను శ్రద్దా దాస్ ట్విట్టర్ ద్వారా ఖండించింది. తాను పెళ్లి చేసుకోవడం లేదని, మరో పదేళ్ల వరకు ఆ ఆలోచన లేదని, కెరీర్ పైనే తన దృష్టని, కెరీర్ తోనే తన పెళ్లయిపోయిందని, నేను జీవితంలో సాధించాల్సింది చాలా ఉందని చెప్పుకొచ్చింది ఈ బ్యూటీ. ప్రస్తుతం శ్రద్ధా దాస్ వైవిఎస్ చౌదరి రూపొందిస్తున్న ‘రేయ్’ సినిమాలో తప్ప మరెందులోనూ నటించడం లేదు. అవకాశాల కోసం ఆశగా ఎదురు చూస్తోంది.

సునీల్ కీ, పూల రంగడు డైరక్టర్ కీ తీవ్ర విభేదాలు?

2012-02-21T13:00:00.000+05:30

ఇప్పుడు ఇండస్ట్రీలో హాట్ టాపిక్ గా మారిన అంశం..సునీల్ కీ,పూల రంగడు దర్శకుడు కీ మధ్య తీవ్ర విభేదాలు చోటు చేసుకున్న విషయం. మొన్న శనివారం విడుదలైన పూల రంగడు చిత్రం సూపర్ హిట్ టాక్ తెచ్చుకుంది. అయితే సునీల్ కే ఆ క్రెడిట్ మొత్తం పోయింది. అతని డాన్స్ లు,సిక్స్ ప్యాక్ ని సినిమా లేపి నిలబెట్టాయని,కామెడీ మొత్తం మళయాళ ఒరిజనల్ దర్శకుడుకే దక్కకుతుందని రివ్యూలు వచ్చాయి. ఈ నేపధ్యంలో అగ్నికి ఆజ్యం పోసినట్లుగా ఈ చిత్రం ప్రమోషన్ లో భాంగంగా దర్శకుడుతో పాటు సునీల్ వెళ్లకుండా కేవలం తనొక్కడే లైవ్ లకు వెళ్లివస్తున్నాడు.

రీసెంట్ గా టీవీ నైన్ లైవ్ కి తన సిక్స్ ప్యాక్ కోచ్ ని తీసుకుని సునీల్ వెళ్లటం..వీరభద్రాన్ని షాక్ కు గురిచేసిందని సమాచారం. దాంతో సునీల్ కి తనకు మధ్య విభేదాలు వచ్చాయని,తనకు చెప్పకుండానే సునీల్ ఒక్కడే ఛానెల్స్ కు వెళ్లతున్నాడని టీవీ ఛానెల్స్ కు స్వయంగా తానే ఫోన్ లు చేసి చెప్తున్నారని మీడియా వర్గాలు అంటున్నాయి. అంతేకాకుండా మీడియా వాళ్లు కనపడిన వెంటనే నేను లైవ్ కి వస్తాను,ఎరేంజ్ చేయండి అని అడుగుతున్నాడట. దాంతో మీడియా వాళ్ళు వీరభద్రం ఫోన్ అన్నా,కనపడినా హడిలిపోతున్నారని వినిపిస్తోంది. మరో ప్రక్క పూల రంగడు షూటింగ్ జరిగినన్ని రోజులూ దర్శకుడుకి ఏమీ తెలియదని,తనే అంతా కష్టపడాల్సి వస్తుందని సునీల్ అన్నట్లుగా వినపడ్డాయి. ఇప్పుడు ఈ విభేదాలు తో అది తారాస్ధాయికి వెళ్లిందంటున్నారు.

రామ్ చరణ్ ’రచ్చ’ బడ్జెట్ రచ్చే

2012-02-21T11:09:00.001+05:30

మెగా పవర్ స్టార్ రామ్ చరణ్ తేజ్ హీరోగా భారీ అంచనాలతో రూపొందుతున్న ‘రచ్చ’ సినిమా ఈ సమ్మర్లో మెగా ఫ్యాన్స్‌ను ఎంటర్‌టైన్ చేసేందుకు సిద్ధం అవుతోంది. సినీ వర్గాల నుంచి అందిన సమాచారం ప్రకారం ఈ చిత్రం మొత్తం ఖర్చు రూ. 29 కోట్లకు చేరువైనట్లు తెలుస్తోంది. ఇందులో అత్యధికంగా రామ్ చరణ్ రెమ్యూనరేషన్ ఉందని, యాక్షన్ సన్ని వేశాల చిత్రీకరణకు రూ. 2 కోట్ల వరకు ఖర్చు పెట్టినట్లు చర్చించుకుంటున్నారు.

అయితే మెగా పవర్ స్టార్ రేంజ్ కి ఆ బడ్జెట్ ఎక్కువ మొత్తం ఏమీ కాదని, చెర్రీ మార్కెట్ కూడా అదే రేంజ్ లో ఉంటుందని ట్రేడ్ విశ్లేషకులు అభిప్రాయ పడుతున్నారు. ఆరెంజ్ సినిమా తర్వాత చరణ్ చాలా గ్యాప్ తీసుకోవడం, సంపత్ నంది దర్శకత్వం వహిస్తుండటం, ముఖ్యంగా చెర్రీ వివాహానికి ముందు రిలీజ్ అవుతుండటం కూడా ఈ సినిమాపై అంచనాలు పెరిగాయి.
మాస్ అండ్ యాక్షన్ ఎంటర్ టైనర్ గా రూపొందుతున్న ఈచిత్రానికి నిర్మాతలు : ఎన్వీ ప్రసాద్‌, పారాస్‌జైన్‌, సమర్పణ: ఆర్‌.బి.చౌదరి, ఛాయాగ్రహణం: సమీర్‌ రెడ్డి.

ఈ చిత్రం తర్వాత రామ్ చరణ్ ‘ఎవడు’ చిత్రంలో నటించబోతున్నాడు. వంశీ పైడిపల్లి దర్శకత్వం వహిస్తున్న ఈచిత్రానికి దిల్ రాజు నిర్మాత. దీంతో పాటు వివి వినాయక్ దర్శకత్వంలో మరో సినిమాలో కూడా నటించనున్నాడు.

నేను చేసిన పొరపాట్ల వల్లే... మహేష్ బాబు

2012-02-21T11:06:00.001+05:30

ఇప్పుడంటే ఓకేగానీ... ఒకప్పుడు నాలో కొద్దిగా కన్‌ఫ్యూజన్‌ ఉండేది. 'రౌండప్‌ చేసి నన్ను కన్‌ఫ్యూజ్‌ చెయ్యొద్దు. ఎందుకంటే కన్‌ఫ్యూజన్‌లో ఎక్కువ కొట్టేస్తాను' అని బిజినెస్‌మేన్‌లో ఓ డైలాగ్‌. సినిమాల్లో నన్ను కన్‌ఫ్యూజ్‌చేసే, టెన్షన్‌పెట్టే విలన్లు ఉన్నారుగానీ... నిజజీవితంలో మాత్రం అలా ఎవ్వరూ లేరు. కన్‌ఫ్యూజనంతా నేను చేసిన పొరపాట్ల వల్లే. అది కూడా ఇప్పుడు పోయింది. క్లారిటీ వచ్చింది అంటున్నారు మహేష్ బాబు. బిజినెస్ మ్యాన్ చిత్రం విజయోత్సాహంలో ఉన్న మహేష్ బాబు తన కెరీర్ గురించి మాట్లాడుతూ ఇలా స్పందించారు.

అలాగే...నా కెరీర్‌లోనే బెస్ట్‌ ఫేజ్‌ ఇది. ఎంత సంతోషంగా ఉందో చెప్పలేను. అందుకు కారణం... దూకుడు, బిజినెస్‌మేన్‌ సినిమాలే. వాటి భారీ విజయాలు ఎంతో ఆత్మవిశ్వాసాన్నిచ్చాయి. 'ఒక్కసారి కమిటయితే నామాట నేనే వినను' - 'పోకిరి'లోని ఈ డైలాగు నాకు చాలా బాగా సరిపోతుంది. నేనొక నిర్ణయం తీసుకున్నానంటే దానికే కట్టుబడతాను. 'మనం చేసే పనివల్ల మనకు ప్రయోజనం ఉండాలి. ఎదుటివారికి ఇబ్బంది కలగకూడదు...' - ఇదీ నా ఫిలాసఫీ. దీన్నే ఫాలో అవుతాను అన్నారు. ప్రస్తుతం మహేష్ బాబు ...సీతమ్మ వాకిట్లో సిరిమల్లె చెట్టు చిత్రంలో చేస్తున్నారు. అలాగే ఈ చిత్రంతో పాటు సుకుమార్ దర్సకత్వంలో ఓ చిత్రం కమిటయ్యారు.

రాహుల్‌పై ఎఫ్ఐఆర్ నమోదు, నిబంధనల ఉల్లంఘన

2012-02-21T09:19:00.001+05:30

ఎన్నికల ప్రవర్తనా నియమావళిని ఉల్లంఘించినందుకు గాను కాంగ్రెసు ప్రధాన కార్యదర్శి రాహుల్ గాంధీపై ఎఫ్ఐఆర్ నమోదైంది. కాన్పూరులో ట్రాఫిక్‌కు ఇబ్బంది కలగకుండా అనుమతించిన రూటులో కాకుండా మరో రూటులో ఎన్నికల ర్యాలీ నిర్వహించినందుకు ఆయనపై ఈ ఎఫ్ఐఆర్ నమోదైంది. రాహుల్ గాంధీ రోడ్ షోకు జిల్లా అధికార యంత్రాంగం మధ్యాహ్నం 12 గంటల వరకు 20 కిలోమీటర్ల అనుమతించారు. శివరాత్రి కావడంతో అధికారులు ఈ ఆంక్షలు పెట్టారు.

అయితే రాహుల్ గాంధీ రోడ్డు షో నిబంధనలను ఉల్లంఘిస్తూ ఉదయం పది గంటలకు ప్రారంభమైన సాయంత్రం మూడు గంటల వరకు సాగింది. అనుమతించిన మార్గంలో కాకుండా 38 కిలో మీటర్ల మేర ఆయన రోడ్ షో సాగింది. అందువల్ల రాహుల్‌పై కేసు పెట్టామని జిల్లా మెజిస్ట్రేట్ హరి ఓం చెప్పారు. మరో 39 మందిపై కూడా కేసు నమోదు చేశారు.

పూలరంగడు కలెక్షన్స్ అదుర్స్

2012-02-21T09:15:00.002+05:30

సునీల్ తాజా చిత్రం పూలరంగడు కలెక్షన్స్ విషయంలో దూసుకుపోతోంది. ఆర్.ఆర్.మూవీ మేకర్స్ చిత్రం బిజినెస్ మ్యాన్ రేంజిలో ఈ రెండు రోజులుగా కలెక్షన్స్ అదరకొడుతోందని ట్రేడ్ టాక్. శనివారం రిలీజైన ఈ చిత్రం మార్నింగ్ షో కే హిట్ టాక్ తెచ్చుకోవటం ప్లస్ అయ్యింది. శని,ఆదివారాలు వీకెండ్స్ తో పాటు సోమవారం నాడు శివరాత్రి ఈ చిత్రానికి కలిసి వచ్చిన అంశం. మరో ప్రక్క ఇదే వారం విడుదలైన నిప్పు,లవ్ ఫెయిల్యూర్ చిత్రాలు నెగిటివ్ టాక్ తెచ్చుకోవటం కూడా సినిమాకు బాగా ప్లస్ అయ్యింది. అంతేగాక ఈ నెలలో మరే పెద్ద చిత్రమూ విడుదల లేకపోవటం కూడా ఈ సినిమాకు లాభిస్తుంది.

ఇక సునీల్ సినిమా నుంచి ఆశించే కామెడీకి తోడు మాస్ ని అలరించే డాన్స్ లు, సునీల్ సిక్స్ ప్యాక్ సినిమాను నిలబెట్టాయి. ఏ విధంగా చూసుకున్నా ఈ చిత్రం నిర్మాతలకు మంచి లాభాలతో పాటు సునీల్ కెరీర్ కు బాగా ప్లస్ అవుతోంది. దర్సకుడు వీరభధ్రం కి అప్పుడే ఆఫర్స్ రావటం మొదలైనట్లు వినికిడి.

గెలవడం కష్టమన్న కాంగ్రెస్ నేతలు

2012-02-21T03:30:00.000+05:30

హైదరాబాద్: తెలంగాణ వాదం బలంగా ఉందని, స్టేషన్ ఘన్ పూర్ లో కాంగ్రెస్ పార్టీ అభ్యర్థి గెలవడం కష్టమని ఆ పార్టీ నేతలు ముఖ్యమంత్రి కిరణ్ కుమార్ రెడ్డికి చెప్పారు. వరంగల్ జిల్లా పార్టీ నేతతో ముఖ్యమంత్రి సమావేశం ముగిసింది. స్టేషన్ ఘన్ పూర్ అభ్యర్థి విషయమై చర్చించారు. ఎన్నికల ఫండ్ అధికంగా ఇస్తే గట్టి పోటీ ఇవ్వగలమని నేతలు అన్నారు. నేతలందరూ పార్టీ అభ్యర్థి కోసం కలసికట్టుగా కృషి చేయాలని సిఎం వారికి చెప్పారు.

ఇదిలా ఉండగా, ఈ స్థానానికి కాంగ్రెస్ అభ్యర్థిగా ముగ్గురి పేర్లు పరిశీలనలో ఉన్నాయి. జెడ్సన్, ఎంపి రాజయ్య కుమారుడు అనిల్, ప్రతాప్ పేర్లు పరిశీలనలో ఉన్నాయి.

చేతికి గాజులు, పెదాలకు లిప్‌స్టిక్‌తో ఆనం వెరైటీ

2012-02-21T01:00:00.000+05:30

నెల్లూరు: తన వేష భాషలతో నిత్యం మీడియాకెక్కే శ్రీ పొట్టి శ్రీరాములు నెల్లూరు జిల్లా కాంగ్రెసు పార్టీ శాసనసభ్యుడు ఆనం వివేకానంద రెడ్డి సోమవారం విచిత్ర వేషధారణతో అందరినీ ఆశ్చర్యపరిచారు. వివేకానంద రెడ్డి సోమవారం నెల్లూరులో జరిగిన ఓ ఎగ్జిబిషన్‌కు వెళ్లారు. ఎగ్జిబిషన్‌లో ఉన్న దుకాణ సముదాయాలను తిలకించారు. ఆ సమయంలో ఆయన ఓ గాజుల దుకాణం ముందు ఆగి గాజులు వేసుకొని చూపరులకు కనువిందు చేశారు. ఆ తర్వాత మెడలో నగలు వేసుకుని చూసుకున్నారు. దుకాణంలో ఉన్న లిప్‌స్టిక్ తీసుకొని పెదాలకు రుద్దుకున్నారు. అంతేకాదు తాను ఎలా ఉన్నానని మహిళలను అడుగుతూ హొయలు పోయారు. ఎగ్జిబిషన్‌లో లిప్‌స్టిక్ పెట్టుకొని, నగరు ధరించి, గాజులు వేసుకొని వెరైటీ వేషాలు వేసిన ఆనంను చూసి అందరూ ముసిముసి నవ్వులు నవ్వుకున్నారు.

కాగా కర్నూలు జిల్లా రాజకీయ నాయకుడు బంగి అనంతయ్య తన నిరసనను విచిత్రంగా తెలియజేసే విషయం తెలిసిందే. చెప్పుతో కొట్టుకొని, చీర కట్టుకొని, రిక్షా తొక్కి ఇలా వివిధ రూపాల్లో ఆయన నిరసన తెలుపుతుంటారు. ఇటీవల తెలుగుదేశం పార్టీ అధినేత నారా చంద్రబాబు వైఖరిని నిరసిస్తూ ఆయన చిప్ప చేతిలో పట్టుకొని బాబును నమ్ముకుంటే తనకు చిప్పే మిగిలింది అంటూ భిక్షమెత్తారు. అయితే అనంతయ్య నిరసన తెలిపేందుకు విచిత్ర వేషధారణలు వేస్తే ఆనం మాత్రం అందరినీ అలరించడానికి వెరైటీలు చేస్తుంటారు.

కొడుకు పెళ్లి రిసెప్షన్‌కు పరీక్ష సెంటర్ మార్చిన మంత్రి

2012-02-20T21:30:00.000+05:30

శ్రీకాకుళం: తన కుమారుడి పెళ్లి రిసెప్షన్ కోసం పరీక్ష కేంద్రాన్ని మార్పించిన మంత్రి ఉదంతం వెలుగులోకి వచ్చింది. తన కుమారుడు రవి మనోహర్ నాయుడు వివాహానంతర విందు కోసం రోడ్లు, భవనాల శాఖ మంత్రి శ్రీకాకుళంలోని ఓ పాఠశాల నుంచి పరీక్ష కేంద్రాన్ని మార్పించారు. అకస్మాత్తుగా, ముందస్తు సమాచారం ఇవ్వకుండా పరీక్షా కేంద్రాన్ని మార్చడంతో అభ్యర్థులు తీవ్ర ఇబ్బందులు ఎదుర్కున్నారు. దీంతో ఓ విద్యార్థి ప్రమాదానికి గురైనట్లు కూడా వార్తలు వచ్చాయి.

మంత్రిపై చర్యలు తీసుకోవాలని కోరుతూ భారత ప్రభుత్వ మాజీ కార్యదర్శి ఇఎఎస్ శర్మ ముఖ్యమంత్రి కిరణ్ కుమార్ రెడ్డికి లేఖ రాశారు. అయితే, ఆ సంఘటన పెద్దగా ప్రచారంలోకి రాలేదు. ఎస్ఎఫ్ఐ విద్యార్థులు శ్రీకాకుళంలో ర్యాలీ నిర్వహించారు. హన్స్ ఇండియా ఆంగ్ల పత్రికలో వార్త రావడంతో అది బయటి ప్రపంచానికి కొంత మేర తెలియవచ్చింది. ఆదివారంనాడు విలేజ్ రెవెన్యూ ఆఫీసర్స్ నియామకం కోసం నిర్వహించిన పరీక్ష విషయంలో మంత్రి ఉదంతం చోటు చేసుకుంది.

మంచులో మృత్యుంజయుడు

2012-02-20T21:00:00.000+05:30

మైనస్ ముప్ఫై డిగ్రీల చలి...పైగా తిండి లేదు...కారు మంచు కింద ఇరుక్కుపోయింది. రెండు నెలలు గడిచిపోయింది. కారులో ఏవరు లేకుంటే ఇబ్బంది లేదు..కానీ ఆ కారులో 45 సంవత్సరాల వ్యక్తి ఉంటే బ్రతకడం సాధ్యమా...కుటుంబసభ్యులే ఆశలు వదులుకున్నారు. కానీ స్వీడన్ కు చెందిన వ్యక్తి మాత్రం మృత్యువును జయించాడు. మంచును తవ్వుతుండగా రెండు నెలల క్రితం ఇరుక్కుపోయిన కారు కనిపించింది. అందులో వెనుక సీటులో ఓ వ్యక్తిని గుర్తించారు.

ఒకటి రెండు పదాలకు మించి మాట్లాడలేని స్థితిలో ఉండటంతో వెంటనే ఆసుపత్రిలో చేర్పించారు. ఒక రకమైన నిద్రాణ స్థితిలోకి జారిపోవడంతో ఇతను రెండు నెలల పాటు ఆహారం లేకున్నా బతకగలిగారని వైద్యులు చెప్పారు. మంచును కరిగించుకుని తాగడం వల్ల బతికి ఉంటారని అంటున్నారు.

యురేనియం శుద్ధి కార్యక్రమాన్ని వేగవంత చేసిన ఇరాన్

2012-02-20T18:43:00.001+05:30

అంతర్జాతీయ సమాజం చేస్తున్న విజ్ఞప్తులను ఇరాన్ ఏమాత్రం పట్టించుకోవడం లేదు. ఈ వారాంతంలో అంతర్జాతీయ అణుశక్తి సంస్థ (ఐఏఈఏ) ప్రతినిధులు టెహ్రాన్ పర్యటనకు వెళ్లాల్సి ఉంది. ఈ నేపథ్యంలో ఇరాన్ తాజాగా యురేనియం శుద్ధీకరణ కార్యక్రమాన్ని మరింత ముమ్మరం చేసింది. ఇందుకోసం అణు రియాక్టర్లలో స్వదేశీ పరిజ్ఞానంతో తయారు చేసిన అత్యాధునిక శుద్ధీకరణ కడ్డీలను అమర్చింది.

వాస్తవానికి అంతర్జాతీయ అణుశక్తి ఇంధన సంస్థ ప్రతినిధులు గత వారమే ఇరాన్‌లో పర్యటించాల్సి వుంది. అయితే, తన అణు కార్మాగాలను తనిఖీ చేసేందుకు ఇరాన్ అనుమతించలేదు. ఐఏఈఏ ప్రతినిధి బృందం తమ పర్యటనను వాయిదా వేసుకుంది. ఈ పరిస్థితుల్లో ఇరాన్ మాత్రం తన అణు కార్యక్రమాన్ని మరింత వేగవంతం చేసింది.

యురేనియం శుద్ధీకరణ కార్యక్రమాన్ని ముమ్మరం చేసింది. యురేనియం శుద్ధీకరణ కడ్డీలతో పాటు.. అణు విద్యుత్ ఉత్పత్తి తయారీకి ఉపయోగించే పూర్తి సాంకేతిక పరిజ్ఞానాన్ని ఇరాన్ స్వయంగా అందించుకుని తన అణు కార్యక్రమాన్ని నిర్విఘ్నంగా కొనసాగిస్తోంది.

కార్చిచ్చు కారణంగా యేడాదికి 3.39 లక్ష మంది మృతి!

2012-02-20T18:31:00.001+05:30

ప్రతి యేడాది ప్రపంచ వ్యాప్తంగా అడవుల్లో చెలరేగుతున్న అగ్నిప్రమాదాల కారణంగా 3.39 లక్షల మంది మృత్యువాత పడుతున్నట్టు ఒక సర్వేలో వెల్లడైంది. ఇటీవల కెనడాలో జరిగిన ఒక సైన్స్ సదస్సులో జాన్‌స్టన్ అనే అటవీశాస్త్ర నిపుణుడు అడవుల్లో జరుగుతున్న అగ్నిప్రమాదాలపై సుదీర్ఘంగా ప్రసంగించారు.

అడవులు, పర్వత ప్రాంతాల్లో ఊహించని విధంగా మంటలు చెలరేగడంతో భారీ అగ్నిప్రమాదాలు చోటు చేసుకుంటున్నాయి. ఈ ప్రమాదాల్లో చిక్కుకుని ప్రతి యేడాది మరణిస్తున్న వారి సంఖ్య 3.39 లక్షలుగా ఉందని చెప్పారు. ఇందులో గరిష్టంగా 1.10 లక్షల మంది దక్షిణాసియాలోనే చనిపోతున్నారన్నారు.

అంతేకాకుండా, పర్యావరణం వేడెక్కడం (గ్లోబల్ వార్మింగ్) వల్ల కూడా ఈ ప్రమాదాలు చోటు చేసుకుంటున్నట్టు ఆయన తెలిపారు. ఇలాంటి ప్రమాదాల వల్ల ప్రాణ నష్టంతో పాటు.. పర్యావరణానికి కూడా హాని కలుగుతుందని ఆయన ఆవేదన వ్యక్తం చేశారు.

పద్మనాభుడి అనంత సంపద లెక్కింపు ప్రారంభం

2012-02-20T14:58:00.000+05:30

కొచ్చిన్: కేరళలోని అనంత పద్మనాభ స్వామి ఆలయంలో వెలుగు చూసిన అనంతమైన సంపద లెక్కింపు సోమవారం ప్రారంభమైంది. సుప్రీంకోర్టు ఆదేశాల మేరకు ఈ లెక్కింపు జరుగుతోంది. అనంత పద్మనాభ స్వామి ఆలయంలో ఐదు నేల మాళిగల్లో అంతు లేని సంపద బయటపడిన విషయం తెలిసిందే. సంపద విలువ 100 వేల కోట్ల మేరకు ఉంటుందని అనధికారిక అంచనా.

అనంత పద్మనాభ స్వామి ఆరో నేలమాళిగను తెరవాల్సి ఉంది. అయితే, దీని చుట్టూ వివాదాలు, ఊహాగానాలు చెలరేగుతున్నాయి. ఐదు నేల మాళిగల్లో బయటపడిన సంపదను లెక్కించిన తర్వాత ఆరో నేలమాళిగను తెరిచే విషయంపై సుప్రీంకోర్టు నిర్ణయాన్ని వెలువరిస్తుంది. ప్రపంచంలోని అత్యంత సంపద్వంతమైన అనంత పద్మనాభుడి సంపద లెక్కింపుతో గట్టి భద్రతా ఏర్పాట్లు చేశారు.

లెక్కింపును డిజిటలైజ్ చేయడానికి ప్రత్యేక యంత్రాన్ని రూపొందించినట్లు తెలుస్తోంది. సంపద డిజిటల్ డాక్యుమెంటేషన్‌లు నెలలు పట్టే అవకాశాలున్నందున ఆలయం సంప్రదాయాచరణలకు భంగం కలగకుండా జాగ్రత్తలు తీసుకుంటున్నారు. భక్తులను ఎప్పటిలాగే దర్శనానికి అనుమతిస్తారు.

శ్రీలంకలో రావణుడి మమ్మీ ఉందా?

2012-02-20T14:51:00.000+05:30

ఈజిప్టులో ఫారోలకు మమ్మీలు ఉన్నట్లుగానే రామాయణంలో ప్రతినాయకుడు రావణాసురుడికి శ్రీలంకలో మమ్మీ ఉందా అంటే అవుననే అంటున్నారు. శ్రీలంకలోని ఓ కొండలో రావణాసురుడి మమ్మీ వెలుగు చూసిందని అంటున్నారు. రావణుడి మమ్మీ వెలుగు చూసిందనే వాదనల నేపథ్యంలో ఆయన మళ్లీ పుట్టబోతున్నాడా అనే ప్రశ్న అందరిలోనూ తలెత్తుతోంది. కొండలోని రావణుడి మమ్మీ శ్రీలంకలో బెంబేలెత్తిస్తోంది. అంతర్జాతీయ మీడియాలో స్థానం ఆక్రమించాడు. రామాయణంలో యుద్ధం ముగిశాక రావణుడి మృతదేహాన్ని పూడ్చి పెట్టాలని విభీషణుడిని ఆదేశించారు. అయితే విభీషణుడు ఆ పని చేయలేదు. దీంతో శ్రీలంకలోని నాగవంశీకులు రావణుడిని మళ్లీ బతికించే ప్రయత్నం చేశారట. ఇప్పుడు రావణుడి మమ్మీ ఉందని భావిస్తున్న కొండలోకి మృతదేహాన్ని తీసుకు వెళ్లారు. ఎంత ప్రయత్నించినా బ్రతకక పోవడంతో ఆ శవాన్ని మమ్మిగా మార్చారని అంటున్నారు. శవాన్ని ప్రత్యేక మూలికలతో కప్పి ఉంచారని అంటున్నారు. ఈ మమ్మీపై ఓ రాయి పెడితే మళ్లీ బతుకుతాడని భావించిన వారు ఓ రాయిని ఉంచారని, దానిపై ప్రత్యేకమై లిపి ఉందని చరిత్రకారులు చెబుతున్నారు.

రావణుడి వద్ద భారీగా వజ్రాలు, బంగారం ఉండేదని, ఆయన మృతి తర్వాత ఆ ఖజానాను స్థానిక కొండజాతి తెగలు మమ్మీ క్రింద ఉంచారని కొందరు అభిప్రాయపడుతున్నారు. అలాగే రావణుడి మమ్మీపై పెట్టిన రాయి పైన ఉన్న అస్పష్టమైన లిపి రావణుడి జీవిత చరిత్ర కావొచ్చునని చరిత్రకారులు చెబుతున్నారు. 17 అడుగుల పొడవైన రావణాసురుడి మృతదేహాన్ని గిరిజన తెగలు(నాగవంశీకులు) మమ్మీకరించింది మళ్లీ ఆయన బతుకుతాడని భావించేననే అభిప్రాయాలు వ్యక్తమవుతున్నాయి. రావణుడు శ్రీలంకను ఏలాడని చెప్పడానికి చరిత్రకారులు పలు ఉదాహరణలు చూపిస్తున్నారు. గుర్లుపోతాలో ఏరోస్పేస్, తిరకోనేశ్వరంలో రావణుడి గుడి, సీత ఉన్న ప్రదేశంలో తప్ప ఎక్కడా లేని సీతా పుష్పం, విమానాశ్రయం, నెమలి ఆకారంలో ఉన్న పుష్పక విమానం ఇవన్నీ రావణుడు లంకను ఏలాడనేందుకు నిదర్శనాలు అని చరిత్రకారులు అంటున్నారు.

అలాగే రావణుడి మృతదేహాన్ని మమ్మీకరించడానికి కారణం ఆయన మళ్లీ బతుకుతాడని వారు విశ్వసించడం వల్లనే అంటున్నారు. రావణుడు మళ్లీ బతికి వస్తాడని స్థానికులు కూడా గట్టిగా విశ్వసిస్తున్నారట. మమ్మీకరించడం వల్ల రావణుడి ఆత్మ అక్కడే ఉన్న పర్వత ప్రాంతాల్లో తిరుగుతుందని అక్కడి వారు నమ్ముతారు. ఆ మమ్మీ ఖచ్చితంగా రావణాసురుడిదే అయి ఉంటుందని కొందరు వాదిస్తుండగా మరికొందరు మాత్రం ఆ మాటలను కొట్టి పారేస్తున్నారు.