అమ్మవారి సన్నిధిలో అపశృతి

కృష్ణా: కృష్ణాజిల్లా పెనుగంచిప్రోలులోని అమ్మవారి సన్నిధిలో ప్రమాణం చేయడానికి వచ్చిన పేమజంటకంగారులోకర్పూర జ్యోతిని హుండీలో పడవేశారు. దీంతో హుండీలోని డబ్బులు కాలిపోయాయి. కృష్ణాజిల్లాలోని పెనుగంచిప్రోలులో ఈ ఘటన చోటుచేసుకుంది. హుండీలో నుంచి పోగలు రావడంతో ఆలయ సిబ్బంది గమనించి నీళ్లు పోశారు. హుండీలోని వేలాది రూపాయిల భక్తుల విరాళాలు దగ్ఢమై ఉంటాయని స్థానికులు అందోళన వ్యక్తం చేస్తున్నారు. ఘటనకు కారణమైన ఆ ప్రేమజంట అప్పటికే అక్కడినుంచి నిష్ర్కమించడంతో సీసీ కెమెరాల ఆధారంగా విచారణ జరపాలని ఆలయ అధికారులు పోలీసులకు ఫిర్యాదు చేసినట్లు సమాచారం.