మెగా పవర్ స్టార్ రామ్ చరణ్ తేజ్ నటించిన ‘రచ్చ’ చిత్రం ఆడియో ఎల్లుండి (మార్చి 11) విడుదల చేసేందుకు సన్నాహాలు చేస్తున్న సంగతి తెలిసిందే. నెక్లెస్ రోడ్ లోని పీపుల్స్ ప్లాజాలో సాయంత్రం 7 గంటల నుంచి ఈ కార్యక్రమం ప్రారంభం కానుంది. ఇందుకు సంబంధించిన పోస్టర్‌ను శుక్రవారం విడుదల చేశారు. సంపత్ నంది దర్శకత్వం వహిస్తున్న రచ్చ చిత్రంలో రామ్ చరణ్ సరసన తమన్నానటిస్తోంది. ఎన్వీ ప్రసాద్, పరాస్ జైన్ మెగా సూపర్ గుడ్ ఫిలింస్ బ్యానర్‌పై ఈ చిత్రాన్ని నిర్మిస్తున్నారు. మణిశర్మ సంగీతం అందించారు.
కాగా, ఆడియో వేడుకకు మెగా అభిమానుల తాకిడిని దృష్టిలో పెట్టుకుని పోలీసులు నెక్లెస్ రోడ్‌లో ముందస్తు ఏర్పాట్లు చేస్తున్నారు. పైగా ఆరోజు ఆదివారం కావడంతో నెక్లెస్ రోడ్‌లో సందర్శకుల తాకిడి ఎక్కవగా ఉంటుంది. అందుకే ‘రచ్చ’ ఆడియో వేడుక సందర్భంగా ఎలాంటి రచ్చ జరుగకుండా భద్రత ఏర్పాట్లు చేస్తున్నారు. ఆ రోజు ప్రసాద్ ఐమాక్స్ వైపు నుంచి ఎలాంటి వాహనాలను అనుమతించకుండా ఏర్పాట్లు చేస్తున్నట్లు సమాచారం.
కామెంట్‌లు లేవు:
కామెంట్‌ను పోస్ట్ చేయండి