పవర్ స్టార్ పవన్ కళ్యాణ్ తాజాగా చిత్రం ‘గబ్బర్ సింగ్’ త్వరలో విదేశీ యానానికి సిద్దం అవుతోంది. పాటల చిత్రాకరణలో భాగంగా ఏప్రిల్ 10న చిత్ర యూనిట్ అబ్రాండ్ ప్రయాణానికి రెడీ అవుతోంది. ఒకటి రెండు రోజుల్లో లొకేషన్లు ఖరారు కానున్నాయి. ప్రస్తుతం ఈ చిత్రానికి సంబంధించిన క్లైమాక్స్ సన్ని వేశాల చిత్రీకరణ జరుగుతోంది.
హరీష్ శంకర్ దర్శకత్వం వహిస్తున్న ‘గబ్బర్ సింగ్’ చిత్రంలో శృతి హాసన్ హీరోయిన్‍‌గా నటిస్తోంది. బండ్ల గణేష్ పరమేశ్వర ఆర్ట్స్ ప్రొడక్షన్స్ పతాకంపై ఈచిత్రాన్ని నిర్మిస్తున్నారు. మే 9న ఈ చిత్రాన్ని విడుదల చేసేందుకు సన్నాహాలు చేస్తున్నారు.
ఇటీవల విడుదలైన ‘గబ్బర్ సింగ్’ టీజర్‌కు అభిమానుల నుంచి మంచి స్పందన వస్తోంది. ‘నాకు కొంచెం తిక్క ఉంది..కానీ దానికి లెక్క ఉంది’ అంటూ పవన్ చెప్పే డైలాగ్ అద్భుతంగా ఉందని, ఇలాంటి డైలాగులు దర్శకుడు హరీష్ శంకర్ సినిమాలో చాలా రాశారని నిర్మాత గణేష్ బాబు చెప్పుకొచ్చారు.
హిందీలో సూపర్ హిట్ అయిన దబాంగ్ చిత్రానికి రీమేక్‌గా ‘గబ్బర్ సింగ్’ చిత్రాన్ని రూపొందిస్తున్నారు. తెలుగులో ఈ చిత్రానికి దేవిశ్రీ ప్రసాద్ సంగీతం అందిస్తున్నారు.
కామెంట్‌లు లేవు:
కామెంట్‌ను పోస్ట్ చేయండి