ఆ తెలుగు సినిమాలో నిత్యా మీనన్ గెస్ట్ రోల్

అలా మొదలైంది చిత్రంతో పరిచయమైన నిత్యామీనన్ ఇష్క్ సినిమాతో యువ హృదయాలలో సెటిలైంది. ఆమె పోస్టర్ మీద కనపడితే చాలా ధియోటర్స్ జనంతో నిండుతున్నాయి..శాటిలైట్ మార్కెట్ వస్తోంది. దాంతో ఆమె గెస్ట్ గా కనిపించినా ఆ క్రేజే వేరు అంటున్నారు. అందుకేనేమో సిద్దార్ద,సమంత కాంబినేషన్ లో రూపొందుతున్న చిత్రంలో ఆమెను గెస్ట్ గా తీసుకున్నారు.

నిత్యామీనన్ గెస్ట్ గా తొలిసారి చేస్తున్న ఈ చిత్రలో ఆమె పాత్ర ఉండేది కొద్ది సేపైనా మంచి సీన్స్ ఉన్నాయంటున్నారు. రొమాంటిక్ ఎంటర్టైనర్ గా ఈ చిత్రం తెరకెక్కుతోంది. ఈ చిత్రాన్ని శ్రీ సాయిగణేశ్ ప్రొడక్షన్స్ పతాకంపై బెల్లంకొండ సురేశ్ నిర్మిస్తున్నారు. షూటింగ్ దాదాపు పూర్తి కావచ్చిందని తెలుస్తోంది.

ఈ చిత్రం గురించి బెల్లంకొండ సురేశ్ తెలియజేస్తూ "నందినీరెడ్డి అద్భుతమైన కథ చెప్పారు. సిద్ధార్థ్, సమంత కూడా కథ వినగానే ఎంతో ఇన్‌స్పైర్ అయ్యారు. ఇటీవల 'కాంచన', 'కందిరీగ' వంటి చిత్రాలు మా బేనర్‌కి ఎంతో పేరు తెచ్చాయి. ఈ సినిమా ఆ కోవలోనే పెద్ద హిట్టవుతుంది'' అని చెప్పారు.

నందినీరెడ్డి మాట్లాడుతూ - నాని, నిత్యాల జంటలాగే, సమంత, సిద్దార్ధ్ జంట అనగానే 70% విజయం వచ్చినట్లేననీ, అందరికీ నచ్చే విధంగా ఈ చిత్రం ఉంటుందని తెలిపారు. ఈ చిత్రానికి మాటలు: వెలిగొండ శ్రీనివాస్, ఆర్ట్: ఎ.ఎస్.ప్రకాష్, స్క్రీన్‌ప్లే: కోన వెంకట్, ఎడిటింగ్: కోటగిరి వెంకటేశ్వరరావు, సంగీతం: తమన్ ఎస్.ఎస్, నిర్మాతలు: బెల్లంకొండ సురేష్, బెల్లంకొండ గణేష్‌బాబు, కథ, దర్శకత్వం: బి.వి.నందినీరెడ్డి.