పవన్ సినిమాలో ఇంతకీ 'గంగ' ఎవరు?

పవన్ కళ్యాణ్,పూరీ జగన్నాధ్ కాంబినేషన్ లో రూపొందుతున్న చిత్రం ‘కెమెరామెన్ గంగతో రాంబాబు’. టైటిల్ తోనే సెన్సేషన్ క్రియేట్ చేసిన ఈ చిత్రం లో గంగ ఎవరు అనే అనుమానం ఫ్యాన్స్ అందరకీ మొదలైంది. గంగ అంటే అలీ అని చాలా మంది ప్రచారం కూడా మొదలెట్టారు. అయితే ఈ చిత్రం స్క్రిప్టు వర్క్ కి పూరి తో పాటు బ్యాంకాక్ వెళ్లిన రైటర్ బివియస్ రవి ట్వీట్ చేస్తూ... గంగ అనేది హీరోయిన్ పేరు... రాంబాబు హీరోయిన్ ఆమె అన్నారు. అలాగే ఈ చిత్రం స్క్రిప్టు పూర్తిగా కంప్లీట్ అయ్యిందని అన్నారు. ష్యూర్ గా ఈ చిత్రం పెద్ద సెన్సేషన్ క్రియేట్ చేస్తుందని,పూరి జగన్నాధ్ కే కాక పవన్ కళ్యాణ్ కెరిర్ లో కూడా గొప్ప సినిమా అవుతుందని ట్వీట్ చేసారు. 

ఇక ఈ చిత్రంలో పవన్ కళ్యాణ్ ఎలక్ట్రానిక్ మీడియా జర్నలిస్టుగా కనిపించబోతున్నాడు. మే నెలలో ఈ చిత్రం షూటింగ్ ప్రారంభం కానుంది. గతంలో బంగారం సినిమాలోనూ పవన్ కళ్యాణ్ మీడియా జర్నలిస్టు పాత్రలో కనిపించిన విషయం తెలిసిందే. యూనివర్సల్ మీడియా బ్యానర్ పై డివివి దానయ్య ఈ చిత్రాన్ని తెరకెక్కిస్తున్నారు. పవన్ కళ్యాన్ సరసన కాజల్ ఎంపికైనట్లు తెలుస్తోంది. మేలో షూటింగ్ ప్రారంభం అయి, దసరా నాటికి సినిమా ప్రేక్షకుల ముందుకు వచ్చే అవకాశం ఉంది.