కన్నడ నటుడు, తన సన్నిహిత మిత్రుడు అంబరీష్ గౌరవార్థం ఇచ్చిన విందుకు మోహన్ బాబు చిరంజీవిని ఆహ్వానించినట్లు సమాచారం. ఇటీవలి సిసిఎల్ మ్యాచ్ సందర్భంగా అంబరీష్ హైదరాబాదు వచ్చారు. పార్టీని మోహన్ బాబు తన నివాసంలోనే ఏర్పాటు చేశారు. కొద్ది గంటల పాటు వారు స్నేహపూర్వకంగా మెలిగినట్లు చెబుతున్నారు. అయితే మోహన్ బాబు, చిరంజీవి అప్పుడప్పుడు కలుస్తూనే ఉన్నారని చెబుతున్నారు. తెలుగు సినిమా డైమండ్ జూబ్లీ ఉత్సవాల సందర్భంగా ఇరువురి మధ్య మాటల యుద్ధం నడిచింది.
అప్పటి నుంచి మోహన్ బాబుకు, చిరంజీవికి మధ్య పచ్చగడ్డి వేస్తే భగ్గుమంటోందనే ప్రచారం సాగుతూ వస్తోంది. 2011 మార్చిలో మోహన్ బాబు జన్మదిన వేడుకలకు తిరుపతిలో చిరంజీవి హాజరయ్యారు కూడా. మొత్తం మీద ఇరువురి మధ్య స్నేహపూర్వక వాతావరణమే ఉందని చెబుతున్నారు. ఇరువురి రాజకీయ అభిప్రాయాలు కూడా కలుస్తున్నాయని అంటున్నారు.
కామెంట్‌లు లేవు:
కామెంట్‌ను పోస్ట్ చేయండి