తమన్నాకు షాక్!

టాలీవుడ్ సూపర్ స్టార్ మహేష్ బాబు-సుకుమార్ కాంబినేషన్లో ఓ సినిమా రూపొందుతున్న విషయం తెలిసిందే. ఈచిత్రంలో మిల్కీ బ్యూటీ తమన్నా హీరోయిన్ గా ఎంపికైంది కూడా. అయితే తాజాగా అందిన సమాచారం ప్రకారం తమన్నా కాకుండా వేరే హీరోయిన్ కోసం దర్శక నిర్మాతలు వెతుకున్నారని తెలుస్తోంది. ఓ సినీయర్ హీరోయిన్ పేరు కూడా పరిశీలనలో ఉందని చర్చించుకుంటున్నారు. మహేష్ బాబు లాంటి పెద్ద స్టార్‌తో అవకాశం చేజారడం ఇది ఒకరకంగా తమన్నాకు షాక్ లాంటి వార్తే. త్వరలోనే దీనిపై అధికారిక సమాచారం వెలువడనుంది. 

ఈ చిత్రాన్ని ఫిబ్రవరి 12న లాంఛనంగా ప్రారంభించేందుకు సన్నాహాలు చేస్తున్నారు. రామానాయుడు స్టూడియోలో జరిగే కార్యక్రమంలో ముహూర్తం షాట్ చిత్రీకరించనున్నారు. 14 రీల్స్ ఎంటర్‌టైన్మెంట్ బ్యానర్‌పై ‘దూకుడు’ నిర్మాతలు ఈ చిత్రాన్ని ప్రొడ్యూస్ చేస్తున్నారు. 

ప్రస్తుతం మహేష్ బాబు శ్రీకాంత్ అడ్డాల దర్శకత్వంలో ‘సీతమ్మ వాకిట్లో సిరమల్లె చెట్టు’ చిత్రంలో నటిస్తున్నాడు. విక్టరీ వెంకటేష్ కూడా ఇందులో మరో హీరోగా నటిస్తున్నాడు. మహేష్ సరసన సమంత, వెంకీ సరసన అంజలి హీరోయిన్లుగా ఎంపికయ్యారు. ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్‌పై ఈ చిత్రాన్ని నిర్మిస్తున్నారు.