తన తొలి హీరో మరణంపై శ్రియ స్పందన

 

హీరోయిన్ శ్రియ ‘ఇష్టం’ చిత్రం ద్వారా సినీ పరిశ్రమకు పరిచయం అయిన సంగతి తెలిసిందే. ఈ చిత్రంలో శ్రియతో పాటు హీరోగా పరిచయం అయిన హీరో చరణ్ రెడ్డి సోమవారం మరణఇంచాడు. చరణ్ రెడ్డి మరణంపై ఓ ఇంటర్య్యూలో శ్రియ మాట్లాడుతూ...అతను చాలా ఫ్రెండ్లీగా ఉండే వాడని, చరణ్ రెడ్డి మరణ వార్త విని దిగ్భ్రాంతికి గురయ్యానని చెప్పుకొచ్చింది. 

అల్లరి నరేష్-శర్వానంద్ లతో కలిసి ఆమె నటించిన తాజా సినిమా నువ్వా-నేనా చిత్రం విజయవంతం కావడంపై శ్రియ ఆనందం వ్యక్తం చేసింది. కామెడీ మూవీస్ లో నేను ఇప్పటి వరకు నటించలేదు, కొత్తగా చేసిన ప్రయత్నం ఫలించింది అని చెప్పుకొచ్చింది. పెద్ద, చిన్న హీరోలు అనే తార తమ్యాలు నాకు లేవు, స్టోరి నచ్చింది చేశానంతే. శర్వానంద్, నరేష్ బెస్ట్ కో స్టార్స్ వారి పెర్ఫార్మెన్స్ నచ్చిందని శ్రియ అన్నారు. ఇన్నేళ్లయినా తెలుగు సరిగా మాట్లాడక పోవడానికి కారణం ఏమీలేదు. నాతో ఎవరైనా మట్లాడితే నేను తెలుగులోనే మాట్లాడతాను. అయితే నా తెలుగు వింటే అంతా నవ్వుకుంటారు అంది. 

ప్రస్తుతం తాను ‘మిడ్ నైట్ చిల్డ్రన్స్’అనే చిత్రంలో నటిస్తున్నాను. ఈ చిత్రం కోసం ఆరు నెలలుగా హోం వర్క్ జరుగుతోంది. తమిళ, హిందీ చిత్రాలతో బిజీగా ఉండటం వల్ల ఎక్కువగా తెలుగు సినిమాలపై దృష్టి పెట్టలేక పోతున్నా. అతి త్వరలోనే నేను నటించే తెలుగు సినిమా ప్రారంభం కాబోతోంది అని వెల్లడించింది.