మెగా పవర్ స్టార్ రామ్ చరణ్ తేజ్, బి-టౌన్ టాప్ హీరోయిన్ బేబీ ప్రియాంక
చోప్రా జంటగా రూపొందుతున్న బాలీవుడ్ చిత్రం. ఈ చిత్రం ద్వారా రామ్ చరణ్
తేజ్ బాలీవుడ్ ఎంట్రీ ఇస్తుండటం ఒక విశేషమైతే....ప్రియాంక చోప్రా ఈ చిత్రం
ద్వారా తొలిసారి తన సింగింగ్ టాలెంట్ చూపించబోతోంది.
దర్శకుడు అపూర్వ
లఖియా ఆమెతో ఈచిత్రంలో ఆమెతో ఓ పాట పాడించాలని నిర్ణయించినట్లు
తెలుస్తోంది. ఇదంతా చిత్రంపై హైప్ పెంచడానికే అని బాలీవుడ్ టాక్. దేవిశ్రీ
ప్రసాద్ ఈచిత్రానికి సంగీతం అందించనున్నట్లు ప్రచారం
జరుగుతున్నా...దేవిశ్రీ మాత్రం తాను ఈ త్రానికి సంగీతం అందించే విషయం ఇంకా
ఖరారు కాలేదని అంటున్నారు.
ప్రస్తుతం జంజీర్ షూటింగు బ్యాంకాక్‌లో
జరుగుతోంది. . రాంచరణ్ సరసన ప్రియాంకా చోప్రా నటిస్తున్న ఈ సినిమాలో
ప్రకాశ్‌రాజ్, అర్జున్ రాంపాల్, మహీ గిల్ ప్రధాన పాత్రధారులు. ఈ చిత్రాన్ని
రిలయెన్స్ ఎంటర్‌టైన్‌మెంట్‌తో పాటు అమిత్ మెహ్రా నిర్మిస్తున్నాడు. పాత
'జంజీర్' దర్శకుడు ప్రకాశ్ మెహ్రా కుమారుడే ఈ అమిత్.
అమితాబ్ బచ్చన్,
జయా బచ్చన్ కలిసి నటించిన‘జంజీర్' 1974లో మే 11న విడుదలై అప్పట్లో సంచలన
విజయం సాధించింది. ప్రకాష్ మెహ్రా దర్శకత్వం వహించిన ఈ చిత్రం ఆ రోజుల్లోనే
దాదాపు 5 కోట్లు వసూలు చేసి అమితాబ్‌కు యాంగ్రీ యంగ్‌మెన్‌గా తిరుగులేని
గుర్తింపుని తెచ్చిపెట్టింది. తాజా రీమేక్‌లో ఈ చిత్రంతో అమితాబ్ ఓ గెస్ట్
పాత్రలో కనిపించనున్నాడని బాలీవుడ్ సమాచారం.
కామెంట్‌లు లేవు:
కామెంట్‌ను పోస్ట్ చేయండి