ప్రస్తుతం కాజల్ రెండు భారీ తమిళ సినిమాల్లో హీరోయిన్‌గా నటిస్తోంది. ఒకటి సూర్య హీరోగా రూపొందుతున్న ‘మాత్రన్’ సినిమాతో పాటు విజయ్ హీరోగా మురుగదాస్ రూపొందిస్తున్న తుపాకి సినిమాలోనూ కాజల్ మెయిన్ హీరోయిన్ పాత్రలో నటిస్తోంది. దీంతో పాటు పవన్ కళ్యాణ్-పూరి కాంబినేషన్లో వచ్చే సినిమాలో కూడా కాజల్ ఎంపికైనట్లు సమాచారం. ఈ నేపథ్యంలో షాహిద్ కపూర్ హీరోగా యష్ రాజ్ ఫిలింస్ రూపొందిస్తున్న సినిమాలో హీరోయిన్‌గా అవకాశం వచ్చినా వదులుకోక తప్పలేదని తెలుస్తోంది.
సాధారణంగా నార్త్ నుంచి సౌత్ సినిమాల్లోకి వచ్చిన హీరోయిన్లు ఎప్పుడు బాలీవుడ్‌లో అవకాశం దక్కించుకుందామా...అని ఎదురు చూస్తుంటారు. అయితే కాజల్ బాలీవుడ్ రూటు తన కెరీర్ దారి తప్పిస్తుందనే భయంతో ఉన్నట్లు కనిపిస్తోంది. ఇటీవల ఆమె నటించిన హిందీ సింగం సినిమా విజయం సాధించింది. అనంతరం ఓ మ్యాగజైన్‌పై టాప్ లెస్ గా కాజల్ హల్ చల్ చేసింది. అయినా తగినంత పేరు రాక పోవడంతో అమ్మడు మళ్లీ సౌత్ బాట పట్టింది. ఇక్కడ బిజినెస్ మేన్ భారీ హిట్ తో పాటు, పెద్ద సినిమాల్లో వరుస అవకాశాలు దక్కడంతో బాలీవుడ్‌కు దూరంగా ఉండాలని నిర్ణయించుకున్నట్లు తెలుస్తోంది.
కామెంట్‌లు లేవు:
కామెంట్‌ను పోస్ట్ చేయండి